Kolooꞌthe 2:12 - ꞌBuuk cĩ Thõõth cĩ Nyekuci

¹² Baa adayyieeu niig hĩ Krĩstõ hõdẽĩ kõr baa aggammu baattithimo nẽ ũrũgtaau hõdẽĩ lemiittaa cunuung ĩcĩ aꞌnyaku niig ꞌtirriaanaa cĩ Nyekuci, ĩĩ baa arũgnaanĩ Krĩstõ daahĩtha.

Kolooꞌthe 2:12 ပူးပေါင်းရင်းမြစ်များ

ꞌLuuka 17:5

Nĩngĩtĩ alaĩ ꞌthooyyiaha Yeesu annẽẽkĩ, “Makayyioohit, ꞌtõõr baaĩ nuun lemiinit cĩnaang hĩĩ maka!”

Dtiicanĩ cĩg ꞌThooyyiahu 14:27

Ma baa õdõlanit Paaulo hĩ Baarnaba Antiok, iita uluttia nẽẽg lothippit cĩ lemmioohu vẽlẽk ngaatĩ hõdẽẽthõng nẽ uduktaak ĩhõõggõ thooꞌthiok vẽlẽk ꞌcĩg baag ẽẽlĩ Nyekuci ĩhõõggõ hĩdĩmanit, hĩ ꞌgõõl ꞌcĩ aaꞌnyĩkĩ eet ꞌcĩg hõllõngaa ĩĩn ꞌJudeei, haꞌnyahit lemiinit.

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

Dtiicanĩ cĩg ꞌThooyyiahu 2:32

“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ.

ꞌRooma 4:24

baa eheeddi thõõth ciee hĩĩ cĩnaac, hĩnĩngĩtĩ helemmi hatĩ naag buúk, hĩnĩngĩtĩ lemiinit cĩnaac hĩ Nyekuc, baa arũgtha Makayyioohit cĩnaac Yeesu daahĩtha.

ꞌRooma 7:4

Nẽẽthĩ hoti ho, ꞌgotoonoga hĩ ngoonoga, adaaktu niig buúk nyattaala, hĩnĩngĩtĩ ẽlẽ cĩ Krĩstõ, hátĩ ĩĩtõ eet cĩg Krĩstõ baag arũgna daahĩtha nẽ hĩĩtõ naag eet ꞌcĩg hadticanoothĩk Nyekuc.

1 Korinthia 12:13

Hĩnĩngĩtĩ baa aggamoothĩkeet ngagĩĩt vẽlẽk baattithimo Loriia, hiita hĩĩtõ naag ẽlẽ hõdẽẽthõng, tananga hĩĩgĩn ꞌJudeei hode ꞌGirik hode appahacaaꞌnya hode eet ꞌcĩg hõllõngaa ĩĩn appahacaaꞌnya nẽ baa aaꞌnyĩhoothĩkeet ngagĩĩt vẽlẽk Lorii hõdẽẽthõng ꞌthinneetinii cĩggaac.

1 Korinthia 15:20

Nẽẽthĩ dĩdĩ, baa ũrũga Krĩstõ daahĩtha! Nẽ aaꞌnyeet ngagĩĩt hagaac, ngaatĩ hatĩ arũgnaanĩ eeta ũgẽẽgĩ buúk daahĩtha.

ꞌGalaaꞌthia 3:27

nẽ niig vẽlẽk ꞌcĩg aggamtu baattithimo ꞌthaarĩĩ cĩg Yeesu Krĩstõ ho, iita ũrũmteeu niig buúk hĩ ĩnõõnnõ.

Eevvetho 2:8

Baa eelliannu niig, hĩnĩngĩtĩ elemmu Nyekuc ꞌcĩ aꞌthũũnneet ngagĩĩt jurrung, hĩllõõan ꞌgii ꞌcĩ hadiim naaga. ꞌBaaninit cĩ Nyekuci hĩ ngagiit cieeni nẽ hõllõngaa ĩĩn ꞌgiimwa ꞌcĩ baa adĩmannu niig ẽmmẽn.

Eevvetho 3:17

hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ.

Eevvetho 3:7

ꞌBaanittaa cĩ bũnnai cĩ Nyekuci hĩ ꞌtirriaanaa cĩnnĩ ĩcobbi, aaꞌnyĩhoothĩhaa nganĩĩt dtiici ꞌcĩ hadticanõõthĩkĩĩ ĩnõõnnõ nẽ hillimana nyeemuut ꞌcĩ abũnnaa.

Eevvetho 4:5

Haꞌnyak naag Makayyioohit hõdẽẽthõng diooni hĩ lemiinit hõdẽẽthõng hĩ baattithimo hõdẽẽthõng.

Eevvetho 5:14

hĩnĩngĩtĩ lanyit ꞌcĩ aaꞌnyĩk ꞌgii vẽlẽk hedeeꞌnyia. Ĩnõõ ꞌcĩ aĩnnĩ ꞌBuuhi cĩ Nyekuci, “Anneek uꞌnyaakiahit tĩnga, rũga daahĩtha, hátĩ haaꞌnyi Krĩstõ lanyit.”

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

Kolooꞌthe 1:29

Ĩnõõ cĩ hadticaniini naa gẽrrẽẽt ꞌtirriaanaa cĩnnĩ ĩbaa aaꞌnya nẽẽ nganĩĩt ko.

Kolooꞌthe 2:13

Baa adaaktu niig, hĩnĩngĩtĩ baa iiginnu ꞌthẽccanniook nẽ baa hõllõngaa iiginnu eet cĩg Nyekuci. Nẽẽthĩ, baa aaꞌnyĩk Nyekuci Krĩstõ haaꞌnyuung ngagiit ũrũgta tarĩ, ngaatĩ ũũnnĩkĩ ꞌthẽccanẽẽt cĩggaac vẽlẽk.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 6:2

Occa hõllõngaa hara hallimaneekuung ngagiit thõõth cĩ baattithimoo, hĩ ꞌgattan cĩ Lori ꞌcĩ Ẽllẽẽmĩth hĩ rũgũthaanĩt cĩ daakiahu hĩ ꞌteedinit cĩ thooꞌthiok ꞌcĩg aalla ooo.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.