Kolooꞌthe 2:11 - ꞌBuuk cĩ Thõõth cĩ Nyekuci

¹¹ Baa iitiaau niig hĩ Krĩstõ, iita ũtũngtoothĩk ngagiit ꞌthẽccanẽẽta cugguung buúk, nẽẽthĩ, hõllõngaa ĩĩn ꞌteediniti ciee, ꞌcĩ etteeddiakĩ ẽlẽ cĩ eet ꞌcĩ maacĩ tuua, ĩĩn ꞌteedinit ꞌcĩ ẽttẽẽdĩ Krĩstõ ꞌthẽccanẽẽt eleetinii cugguung.

Kolooꞌthe 2:11 ပူးပေါင်းရင်းမြစ်များ

Maarko 14:58

“Baa hathĩkna naag Yeesu aĩ, ‘Hĩꞌthaani hatĩ ꞌCieeth cĩ Nyekuci ꞌcĩ ẽhẽnyta eeta ho nẽ hẽtẽhẽnyaa umwa waathinnioohĩ ꞌcĩg ĩĩn iyyio, ꞌcĩ occa hõllõngaa ẽhẽnyta eeta.’ ”

ꞌLuuka 2:21

Ma baa õdõlanit waathinniooha ĩĩtõ turkiyyio, ikia ẽttẽẽdĩ ĩdõlĩ ẽlẽ nẽ akattioothĩk ꞌthaara ꞌcĩg haĩ Yeesu, ꞌThaar baag akanneek aajĩlõ ĩnõõnnõ baa nga haꞌnyahĩ hẽẽngatõõ.

Dtiicanĩ cĩg ꞌThooyyiahu 17:24

“Baa ẽhẽnyta Nyekuci ciee looc hĩ hẽlẽggĩ vẽlẽk ꞌcĩg aattiyyi looc. Ĩĩn nẽẽ Makayyioohit cĩ hẽẽtkujjieen hĩ cĩ lootu nẽ hõllõngaa aaĩ ꞌcieethinii ꞌcĩg ẽhẽnyta ẽẽtĩ ꞌcĩ holli õõ.

Dtiicanĩ cĩg ꞌThooyyiahu 7:48

“ꞌGõõlaa umwaanĩ, aitiõõ Nyekuci ꞌcĩ ĩllõõan vẽlẽk, hõllõngaa õlõman ꞌcieethinii ꞌcĩg ẽhẽnyĩt eeta. Hĩ baa aduha põrõvẽtaacĩ aĩ,

ꞌRooma 2:29

Aitiõõ, ĩĩn ẽẽtĩ ꞌJudeeinit hatĩ ĩĩn ꞌJudeeinit ꞌthĩnĩtatõõ dĩdĩ nẽ hõllõngaa ĩĩn ciee ꞌteedinit cĩ ello, ĩĩn ꞌteedinit cĩ ꞌthĩnĩtõ Loriiaa ꞌcĩ Ẽllẽẽmĩthĩ nẽ hõllõngaa nyattaala ꞌcĩ eheeddi loota. Aku dĩhĩthẽẽnĩtĩ cĩ eet ꞌcĩ aaĩ hoti hĩ Nyekuc, hõllõngaa aku hĩ eeta.

ꞌRooma 6:6

Haga naag haĩ, otoddoyyioothĩk eleeti baaggaac ꞌrẽẽttĩg hurucceea hĩ Yeesu. Baa adĩmanni thõõth ciee, hátĩ hiittiõõ eleeti cĩggaac hõllõngaa ĩĩn appahacaaꞌnya cĩg ꞌthẽccaanak tarĩ.

ꞌRooma 7:24

Ĩcĩnĩt nõõ pĩĩrnanĩt caannĩ! Nganĩ occa ꞌthẽk ꞌcĩ ẽẽlannaa nganĩĩt daahĩtha?

2 Korinthia 5:1

Aattĩg eleeti cĩggaac hĩ tuggẽẽta ꞌcĩg haattiyyi naag loota nĩnga. Nẽ má irribattĩ tuggẽẽta cieegi, haga naag haĩ aaꞌnyeet hatĩ ngagĩĩt Nyekuci hõdẽĩ hõdẽĩ nĩngĩtĩ ꞌcĩ haattiyyi. Ĩĩn hatĩ olooyyioha cieeg ꞌcĩg hõllõngaa ẽhẽnyta ẽẽtĩ ꞌcĩ holli õõ. Aattĩg olooyyioha cieeg hẽẽtahujjieen nẽ aalla hatĩ ooo.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Eevvetho 4:22

Udhukteek authet baalluung ꞌthẽccaneetu baa ꞌrẽẽnĩ tuu, ꞌcĩ ẽꞌthẽcan thooꞌthioha ꞌcĩg ĩĩn ꞌriiring hĩ õlõng.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

Ebereei 9:11

Nẽẽthĩ ꞌyioko, ikia ĩĩ Krĩstõ paadĩr cobbi cĩ hẽlẽggĩ vẽlẽk ꞌcĩg abũnnaa ꞌcĩg aauto loota nĩnga ho. Nẽ uduhun nẽẽ ꞌCieeth cĩ Nyekuci hẽẽtahujjieen, ꞌcĩ baa hõllõngaa ẽhẽnyta ẽẽtĩ ꞌcĩ holli õõ nẽ hõllõngaa ĩĩn dhoorit cĩ looc ꞌcĩ ẽhẽnytaa thõng ko.

Ebereei 9:24

Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.