Kolooꞌthe 2:10 - ꞌBuuk cĩ Thõõth cĩ Nyekuci

¹⁰ Nẽ baa iita itiliꞌthu niig jurrung lemiittaa cunuung, hĩnĩngĩtĩ iittu eet cĩg Krĩstõ ꞌcĩ ĩĩn Makayyioohit ꞌcĩ aggam ꞌtirrian hĩ makaaꞌthĩt vẽlẽk.

Kolooꞌthe 2:10 ပူးပေါင်းရင်းမြစ်များ

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Yõaannẽ 1:16

Hĩnĩngĩtĩ makaaꞌthĩt cĩ bũnnai cĩnnĩ, hiita hummuddia naag vẽlẽk ꞌgattan tabattĩ mẽẽlĩg.

1 Korinthia 15:24

Nẽ urutaa ꞌcĩ ĩllõõanĩ Krĩstõ mĩrõk cĩgĩnnĩg vẽlẽk, ikia thĩ hatĩ decciaanĩtĩ cĩ lootu nẽ aaꞌnyĩk nẽẽ habuccieet Nyekuc Maaꞌnyĩ.

Eevvetho 3:10

Baa tabiinit cĩ Nyekuci vẽlẽk ꞌcĩ baa adticaniini nẽẽ lothippit cĩ lemmioohu, hẽtẽrẽthaak ꞌgẽẽnyĩth cĩnnĩ ꞌcĩ aaĩ cũũmõ cũũmõ, makayyiook hĩ habuẽẽt ꞌcĩg hõllõngaa edeeꞌnyia ꞌcĩg aggam hẽẽtkujjieen.

Eevvetho 3:19

Hadiimmuung naa ngagiit agaac thõõth vẽlẽk cĩ mĩnnan cĩ Krĩstõ, tananga ĩllõõan ꞌgẽẽnyĩth ꞌcĩ occa appiimanni, nẽẽthĩ hatĩ aau Nyekuci rũgẽtaa cunuung.

Kolooꞌthe 2:15

Ma baa ĩllõõan nẽẽ ꞌtirrian hĩ makaaꞌthĩt vẽlẽk ꞌcĩg ĩĩn mĩrõk cĩgĩnnĩg, ikia aꞌthalana nẽẽ ĩhõõggõ lothippita thõõthaa ꞌcĩ ĩllõõanĩ nẽẽ ĩhõõggõ hurucceea.

Kolooꞌthe 3:11

Rũgẽtaa ꞌcĩ ĩĩn ngeju ho, aduhoonnu niig vẽlẽk thõng, hatĩ iiginnu ꞌGirik hode iiginnu ꞌJudeei hode etteeddi eleeti cĩg eet ꞌcĩg maacĩg hode nga hetteeddi eleeti. Hode iiginnu eet ꞌcĩg ꞌrĩĩng hode eet ꞌcĩg nga illimattĩ, hode iiginnu appahacaaꞌnya hode eet ꞌcĩg hõllõngaa ĩĩn appahacaaꞌnya. Krĩstõ dioo ꞌcĩ tiirẽẽnĩ nẽ aaĩ nẽẽ hĩ ngagĩĩt vẽlẽk.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.