Kolooꞌthe 1:7 - ꞌBuuk cĩ Thõõth cĩ Nyekuci

⁷ Iita illimattaau niig nyeemuut ꞌcĩ abũnnaa hĩ ꞌgooneet cĩnaang Epavarato. Hadticanoothĩka naag Krĩstõ hĩ ĩnõõnnõ hõdẽĩ, ĩĩn nẽẽ eet ꞌcĩ abũnnaa ꞌcĩ aꞌthũũnnĩ dtiic cĩ Krĩstõ, hĩnĩngĩtĩ ngagĩĩta.

Kolooꞌthe 1:7 ပူးပေါင်းရင်းမြစ်များ

Maatteeo 18:29

“Ma baa nĩngaata, ikia akateek dticciannioohiti tĩho ĩnõõnnõ buúk huruꞌnyia nẽ ala ĩnõõnnõ ĩĩnnĩk, ‘ꞌRẽẽõ nuun nõõ hĩdĩhĩdĩĩc nẽ hatĩ hũdũmanii naa nganiit ꞌrabbẽẽt cugunnig.’

Maatteeo 24:45

“Nganĩ ꞌcĩ ĩĩn dticciannioohit ꞌcĩ abũnnaa ꞌcĩ ẽggẽẽnyĩth, ꞌcĩ anneek baattĩ olu, bẽẽk õlõ cĩnnĩ nẽ aaꞌnyĩk eet cĩg olu ꞌgẽẽn ꞌthaa ꞌcĩ adiimi nẽẽgĩ?

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

1 Korinthia 4:17

Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.

1 Korinthia 4:2

Nẽẽthĩ ꞌyioko, adiim eeta baag aaꞌnyĩhoothĩk dtiici hidticanit dtiic cĩnĩĩng jurrung.

1 Korinthia 7:25

Ẽrẽka thõõth umwaa ꞌcĩ õthõõth Makayyioohiti, hĩnĩngĩtĩ eet ꞌcĩg nga hũꞌthũwattõõ. Nẽẽthĩ, occa haduhaakuung naa ngagiit thõõth ꞌcĩ hammuhi naana. Nẽ occa elemmu thõõth ꞌcĩ haduha naa ho, hĩnĩngĩtĩ ammaannĩkaa Makayyioohiti nganĩĩta.

2 Korinthia 11:23

Irrian nẽẽg aĩ hĩĩgĩnna dticcianniook cĩg Krĩstõ? Hĩĩnĩ hinnia naa ꞌgiiꞌthiahit hatĩ hothoothi hoti, hĩnĩngĩtĩ hĩllõõani naa ĩhõõggõ. Hĩnĩngĩtĩ hidticanoothĩha naa Nyekuc gẽrrẽẽt, haarĩhoothĩha baabuuth tabattĩ mẽẽlĩg nẽ huuki halliẽẽnĩ tabattĩ mẽẽlĩg, hĩnĩngĩtĩ Krĩstõ nẽ hoboktooa hĩ daahĩth tabattĩ mẽẽlĩg.

Eevvetho 5:21

Ĩthĩhĩt ꞌgoonogu ꞌcĩg ĩĩn lemmiook tẽẽlꞌthĩtaa cĩ Krĩstõ.

Pilippi 2:25

Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

Kolooꞌthe 4:7

Aduhaakuung hatĩ Ticiko nyeemuꞌnya cĩgannĩg vẽlẽk. Ĩĩn nẽẽ ꞌgotooneet ꞌcĩ hammĩna naa gẽrrẽẽt ꞌcĩ ĩĩn lemmioohit, dticciannioohit ꞌcĩ hadticanoothĩka Makayyioohit hõdẽĩ jurrung.

Kolooꞌthe 4:9

Õõkõra Ticiko hĩ Onethimo ꞌgotooneet ꞌcĩ aꞌthũũnnnĩ thõõth cĩ Nyekuci nẽ hammĩnanna naag gẽrrẽẽt, ĩĩn Onethimo buúk eet cĩ ꞌtaaũn cunuung. Au hatĩ athithanaakuung nẽẽg thõõth vẽlẽk ꞌcĩ aaĩ ngaati.

1 Timotteeo 4:6

Má allimaneehi nii eet thooꞌthiok iccig, aku hatĩ ĩĩnĩ dticciannioohit ꞌcĩ abũnnaa cĩ Yeesu Krĩstõ, ꞌcĩ alĩꞌtha thooꞌthiohĩĩ ꞌcĩg ĩĩn dĩdĩ hĩ lemiittaa cĩ Nyekuci, hĩ ꞌlimmaana ꞌcĩ abũnnaa ꞌcĩ ẽlẽmmĩ nẽ ũnũĩ ĩnõõnnõ.

2 Timotteeo 2:2

Hĩ hẽlẽggĩ baag athihi nii haduha naa hẽbẽrẽẽnnĩĩ cĩg eet ꞌcĩg mẽẽlĩg, hátĩ bĩĩt ꞌlimmaneek nii buúk eet ꞌcĩg occa ũũlũ ngaatĩ allimanĩ ꞌgõõnõgĩ.

Vilõmẽẽnõ 1:23

Epavarato ciee harũmeenna baabuutha hõdẽĩ ho, hĩnĩngĩtĩ ĩĩn nẽẽ nuyyioohit cĩ Yeesu Krĩstõ. Ĩꞌthaayyi nẽẽ buúk nganiita,

Ebereei 2:17

Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 3:2

Baa athĩhĩ Yeesu Nyekuc baa ẽbẽra ĩnõõnnõ, haau hĩ baa athĩhĩ Mũũꞌtha Nyekuc, ngaatĩ adticanõõthĩkĩ eet vẽlẽk cĩg Nyekuci.