Kolooꞌthe 1:6 - ꞌBuuk cĩ Thõõth cĩ Nyekuci

⁶ ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

Kolooꞌthe 1:6 ပူးပေါင်းရင်းမြစ်များ

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

Maatteeo 28:19

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,

Maarko 16:15

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

Maarko 4:8

Ma nĩngaata, iita ĩꞌthaattothoothĩk hinyomona ũgẽẽgĩ tarĩ ngaatĩ ĩĩn cooni nẽ ubuꞌthia haala hitiliꞌthia jurrung hibbiirito. Baa aꞌnyak haaliti hõdẽẽthõng haal hẽẽn iyyio nẽ aꞌnyak umwaa haal hẽẽn tõrkõnõn nẽ aꞌnyak umwaa haal ꞌmiia hõdẽĩ.”

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Yõaannẽ 4:23

Aaĩ hatĩ kõrra nẽ ikia ẽlẽk, ꞌcĩ hatĩ aaꞌnyĩkĩ Lorii ꞌcĩ Ẽllẽẽmĩth eet halaacõ Baaba ꞌgõõlaa ꞌcĩ ĩĩn dĩdĩ, hĩnĩngĩtĩ ĩĩn nẽẽg eet cĩg adiim Baaba halaacõ ĩnõõnnõ ꞌgõõla nĩĩca.

Dtiicanĩ cĩg ꞌThooyyiahu 11:18

Ma baa athĩhĩ eeta ꞌcĩg etteeddi eleeti thõõth icci õthõõth Pẽẽtũrũ ho, iittiõõ hõllõngaa ẽppẽhanõõ nẽ iꞌthiattaaĩ ubuluthit Nyekuc. Baa aĩ nẽẽg, “Ikia aaꞌnyĩk Nyekuci eet ꞌcĩg hõllõngaa ĩĩn ꞌJudeei, hũtũngteek ꞌthẽccanẽẽt cĩggĩĩng nẽ aaꞌnyĩk ĩhõõggõ rũgẽt ꞌcĩ aalla ooo!”

Dtiicanĩ cĩg ꞌThooyyiahu 12:24

Nẽẽthĩ, baa aalla ittoorri thõõth cĩ Nyekuci hĩꞌthanothoothĩk lokor vẽlẽk noho.

Dtiicanĩ cĩg ꞌThooyyiahu 16:14

Ngaaĩnĩĩ ꞌcĩg hothoothonna ho, baa aaĩ ngaa umwaa ꞌcĩ haĩ Liidia ꞌcĩ aku ꞌtaaũnaa cobbi ĩĩcĩ Thiatira, ꞌcĩ baa ũũtẽnĩ ceremwa ꞌcĩg õkõmĩ ꞌcĩg ꞌrẽggẽẽg. Baa ala nẽẽ Nyekuc gẽrrẽẽt, nĩngĩtĩ abbuuhi Makayyioohiti Yeesu ꞌthĩnĩt cĩnnĩ hĩthĩk nyeemuut cĩ Paaulo.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

ꞌRooma 1:13

ꞌGotoonoga hĩ ngoonoga, hõllõngaa hadiimmuung naa ngagiit herehuung ngaatĩ hammuhi naa tabattĩ mẽẽlĩg hikia hicinuung ngagiita, nẽẽthĩ hinnia, hũlũhoothĩha hĩĩ noho, hátĩ hũlũllũũmana eet hõrggẽẽnaa cunuung helemit Nyekuc, hĩ baa hadĩmani eetinii ꞌcĩg hõllõngaa ĩĩn ꞌJudeei.

ꞌRooma 15:19

Nẽ dĩdĩ, haduha naa ꞌgõõl ꞌcĩ baa adticanĩ Krĩstõ thooꞌthiok ꞌcĩg ĩnaat eeta, ꞌtirriaanaa cĩ Lori ꞌcĩ Ẽllẽẽmĩthĩ. Baa hirrioona naa nyeemuut cĩnnĩ ꞌcĩ abũnnaa, iꞌthianaanĩ ꞌJeruꞌthalẽma ĩꞌthõng hõdõlan looc cĩ Illiriko.

ꞌRooma 15:28

Nẽ ma hẽdẽcaaha dtiic icci nẽ hagawa ngaatĩ ummuddiaaĩ nẽẽg eliinit icci dĩdĩ, heheeroni hatĩ hõkõ looccaa cĩ Thĩppania nẽ hikia hothohoteehuung hicinuung ngagiit ꞌgõõla.

ꞌRooma 16:26

Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ.

2 Korinthia 10:14

Hõllõngaa occa hirrianna naag gẽrrẽẽt. Nẽ baa ꞌthẽk ngagĩĩt baag haꞌnyahaakuung ngagiit nyeemuut ꞌcĩ abũnnaa cĩ Krĩstõ.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

Eevvetho 3:2

Dĩdĩ, occa ithiktu niig tarbalꞌthẽẽt cĩ Nyekuci ngaatĩ ẽbẽraanna nganĩĩt hikia heeluung ngagiita.

Eevvetho 4:21

Dĩdĩ, iita agayyu niig ĩnõõnnõ nẽ baa illimatteeu niig thõõthaa cĩnnĩ ꞌgõõlaa cĩ thõõth ꞌcĩ ĩĩn dĩdĩ, ꞌcĩ aaĩ hĩ Yeesu.

Eevvetho 4:23

Aanytĩk muhẽẽnĩt cunuung hũtũhũĩ hĩĩ ngeju,

Eevvetho 5:9

hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Pilippi 4:17

Hothoothi naa hoti hõllõngaa, hĩnĩngĩtĩ hadiimi ꞌbaaninit umwa hĩ ngagiita, nẽẽthĩ, hadiimmuung naa ngagiit ummuddia dũman cĩ tarbalꞌthẽẽt cunuung.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.