Kolooꞌthe 1:5 - ꞌBuuk cĩ Thõõth cĩ Nyekuci

⁵ hĩnĩngĩtĩ muhẽẽnĩtĩ ꞌcĩ abũnnaa ꞌcĩ aꞌnyaku niiga, itiangthoothikuung ngagiit hẽẽtahujjieen. Baa ithiktu niig muhẽẽnĩt ꞌcĩ abũnnaa ho ĩĩcĩ oou, baa elemmu nyeemuut ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa,

Kolooꞌthe 1:5 ပူးပေါင်းရင်းမြစ်များ

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

Dtiicanĩ cĩg ꞌThooyyiahu 10:36

Ĩĩn ciee nyeemuut ꞌcĩ abũnnaa cĩ eet cĩg Ĩꞌthĩraẽlĩ ꞌcĩ aĩ, aaĩ ganõnĩ hĩ Nyekuc, hĩnĩngĩtĩ Yeesu Krĩstõ ꞌcĩ ĩĩn Makayyioohit cĩ eet vẽlẽk.

Dtiicanĩ cĩg ꞌThooyyiahu 13:26

“ꞌGotoonoga hĩ ngoonoga, lõhõlẽẽtĩg Abũrahamĩ hĩ ngagiit eet ꞌcĩg hõllõngaa iiginnu eet cĩg ꞌJudeei nẽ iꞌngolinnu Nyekuc ko, ngagĩĩt vẽlẽk ꞌcĩg baag iꞌthooyyiakeet nyeemuut ciee elliitto ho.

Dtiicanĩ cĩg ꞌThooyyiahu 23:6

Ma baa õrõõta Paaulo ngaatĩ ĩĩnnĩ eeta cĩg lokihooak ũgẽẽgĩ Thadutheei nẽ ĩĩtõ ũgẽẽgĩ Variꞌtheei ho, ikia õthõõth ĩĩ, “ꞌGotoonoga, hĩĩnĩ naa Variꞌtheenit, ngeertĩ Variꞌtheetto. Habili ꞌyioko lokihooa, hĩnĩngĩtĩ muhẽẽnĩt caannĩ ꞌcĩ arũkꞌthaanĩ eeta ꞌcĩg adaahito.”

Dtiicanĩ cĩg ꞌThooyyiahu 24:15

nẽ haꞌnyahi naa buúk muhẽẽnĩt hõdẽẽthõng hĩ Nyekuc, hĩcĩ ꞌthẽk aꞌnyak eeta cieegi. Aaĩ ꞌthẽk hatĩ rũgaanĩtĩ cĩ eet ꞌcĩg abũnnaa hĩ ꞌcĩg ĩĩn ꞌthẽccanniook.

ꞌRooma 10:8

Nẽẽthĩ, aĩ thõõth ciee ne? Aĩ, “Õbõhĩ nyeemuut hĩ nganiit aau ojoonu, aau ũtũũga hĩ ꞌthĩnĩtaa cunni.” Nẽ aduhõõ nyeemuut ciee hĩ lemiinit ꞌcĩ hirrioonna naag ko thõng, thõõth cĩ lemiinit ꞌcĩ hirrioonna naag ko niccia.

1 Korinthia 13:13

Nẽẽthĩ ꞌyioko, aattĩg thooꞌthioha iyyio, lemiinit hĩ muhẽẽnĩt ꞌcĩ abũnnaa hĩ mĩnnan. Nẽẽthĩ, thooꞌthiohĩĩ cĩg vẽlẽk, mĩnnan ꞌcĩ ĩllõõanĩ.

1 Korinthia 15:19

Má haꞌnyahit naag muhẽẽnĩt ꞌcĩ abũnnaa rũgẽtaa cĩ hĩ Krĩstõ diooni, ammannĩkeet hatĩ eeta ngagĩĩt hĩllõõanit eet vẽlẽk.

2 Korinthia 5:19

Aĩ thõõth ciee nẽẽ, aaĩ Nyekuci ẽllaa cĩ Krĩstõ, ngaatĩ aaꞌnyeet ngagĩĩt hagayyio hĩ ĩnõõnnõ, ĩnõõ ꞌcĩ hõllõngaa agiilikeet ngagĩĩt ꞌthẽccanẽẽt cĩggaac. Nẽ aaꞌnyeet dtiic ꞌcĩ hõthõlĩ nyeemuut cĩ ganõõnõ.

2 Korinthia 6:7

Hadiim hẽtẽrꞌtha naag haĩ, hĩĩgĩn appahacaaꞌnya cĩg Nyekuci, ngaatĩ hõthõõthĩ thõõth ꞌcĩ ĩĩn dĩdĩ nẽ ikia idticanõõ ꞌtirriani cĩ Nyekuci hĩ ngagĩĩta. Nẽ ꞌgõõlaa ꞌcĩ hoꞌngonyoonna hĩ dtiic cĩnaang, hiita hidticatta thõõth ꞌcĩ aũlan athĩnĩĩ ꞌrammaattĩg.

ꞌGalaaꞌthia 2:14

Ma baa hacini ngaatĩ arahanĩ Pẽẽtũrũ thõõthaa ꞌcĩ ĩĩn dĩdĩ ĩcĩ nyeemuut ꞌcĩ abũnnaa ho, hikia heggerenyeeha ĩnõõnnõ hõrggẽẽnaa cĩ eet vẽlẽk hĩĩnnĩha, “Ĩĩnĩ nii ꞌJudeeinit nẽ aau hĩ ẽẽtĩ ꞌcĩ hõllõngaa ĩĩn ꞌJudeeinit. Inni gõõng nii ꞌtĩnganeek eet ꞌcĩg hõllõngaa ĩĩn ꞌJudeei hũnnẽẽcõ nyattalliook cĩg ꞌJudeei ho?

ꞌGalaaꞌthia 2:5

Baa hõllõngaa hedecoothĩka naag ĩhõõggõ, tananga hĩdĩhĩdĩĩc haaga buúk, hĩnĩngĩtĩ haĩnna haala nyeemuut ꞌcĩ abũnnaa ꞌcĩ ĩĩn dĩdĩ ho hõrggẽẽnaa cunuung.

ꞌGalaaꞌthia 5:5

Nẽẽthĩ, aaꞌnyeet Lorii ꞌcĩ Ẽllẽẽmĩth hagaac ngaatĩ aaꞌnyeet Nyekuci hũbũttaath, hĩnĩngĩtĩ helemit naag Krĩstõ.

Eevvetho 1:13

Ikia aꞌnyahaahuung Krĩstõ buúk ngagiit thõõth ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa ꞌcĩ occa eelliannu niiga. Baa aarrihu niig lemiinit cunuung hĩ Krĩstõ nẽ aaꞌnyĩhoothĩhuung nyamacaar cĩ Lori ꞌcĩ Ẽllẽẽmĩth baa adukiaa, hátĩ hedeeꞌnyia ngaatĩ iiginnu niig eet cĩg Nyekuci.

Eevvetho 4:21

Dĩdĩ, iita agayyu niig ĩnõõnnõ nẽ baa illimatteeu niig thõõthaa cĩnnĩ ꞌgõõlaa cĩ thõõth ꞌcĩ ĩĩn dĩdĩ, ꞌcĩ aaĩ hĩ Yeesu.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

2 Tẽꞌthaloonika 2:16

Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Tiito 1:2

ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.

Ebereei 7:19

Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

1 Pẽẽtũrũ 3:15

Itingolli Krĩstõ nẽ aanytĩhu hĩĩ Makayyioohit rũgẽtaa cunuung. Má ajinnuung eet umwaa thõõth cĩ lemiinit cunuung, ũkũmattoothĩk hõdõõkõthĩ, hátĩ attacanit, nẽẽthĩ, ĩdĩmanit thõõth icci tarbalꞌthẽẽta hĩ ngaatĩ iꞌngoliinnu ĩnõõnnõ.

2 Pẽẽtũrũ 1:12

Nẽẽthĩ hoti ho, hammuhaakuung hatĩgõõng naa ngagiit thooꞌthiok iccig, tananga agayyu niig ĩhõõggõ ẽlẽk nẽ okomtu thõõthaa ꞌcĩ ĩĩn dĩdĩ, ĩĩ baa allimanoothikuung ngagiita.

1 Yõaannẽ 3:3

Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.