Kolooꞌthe 1:4 - ꞌBuuk cĩ Thõõth cĩ Nyekuci

⁴ Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

Kolooꞌthe 1:4 ပူးပေါင်းရင်းမြစ်များ

2 Korinthia 7:7

Ee mĩĩ ꞌthẽk, haccamanoothĩka naag ngaatĩ hacĩnna Tiito nẽ ꞌgii dẽẽdẽ ꞌcĩ aaꞌnyeet ngagĩĩt hatallia gẽrrẽẽt, ꞌgõõl baa aaꞌnyiku niig ĩnõõnnõ haccamanoothĩk. Baa ikia uduhaaheet nẽẽ ngagĩĩt ꞌgõõl baa ommothiinnu niiga nẽ ĩrrĩcattaawangu nganĩĩta. Ikia aaꞌnya thõõth ciee nganĩĩt haccamanoothĩk gẽrrẽẽt.

ꞌGalaaꞌthia 3:26

Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ,

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Eevvetho 1:15

Ngaanĩngĩtĩ hathĩknĩ naa thõõth ꞌcĩ elemmu niig Makayyioohit Yeesu hĩ mĩnnan ꞌcĩ ammĩnannu eet vẽlẽk cĩg Nyekuci,

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 3:6

Ma baa õbõda Timotteeo õdõlaneet ngagĩĩt ngaati, ikia aꞌnyahaaheet nyeemuut ꞌcĩ abũnnaa ꞌcĩ aku hĩ ngagiit ꞌcĩ aĩ, nga aꞌthuunnu niig lemiinit hĩ mĩnnan cunuung cĩ Nyekuci gẽrrẽẽt noho. Nẽ tarĩ ĩĩ, accamanoothiku gẽrrẽẽt, hatĩ ammuhaanneetu ngagĩĩt ammuku ainnu, hommottio occa! Haau hĩcĩ hammuka naag buúk ngaatĩ haĩnna, hommottio occa!

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

Vilõmẽẽnõ 1:5

Hathihi naa thõõth cĩ lemiinit cunni ꞌcĩ aꞌnyahi nii hĩnĩngĩtĩ Makayyioohit cĩnaac Yeesu, hĩ mĩnnan ꞌcĩ ammĩnanĩĩ nii eet cĩg Nyekuci vẽlẽk.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.

1 Yõaannẽ 3:23

Adiimmeet Nyekuci ngagĩĩt helemit Ngeerĩnĩ Yeesu Krĩstõ nẽ hĩmmĩnanit eleeti cĩggaac. Thõõth baa ilootĩkeet Nyekuci ngagĩĩt hĩdĩmanit cieeni.

1 Yõaannẽ 4:16

nẽ haga naag nẽ helemit dĩdĩ hĩĩtõ, ammĩnanneet Nyekuci ngagĩĩta. Ĩĩn Nyekuci mĩnnan. Má haalla hammĩnan naag eleeti cĩggaac, haalla hatĩ harũmĩ naag ꞌthinneetinii cĩggaac hõdẽĩ hĩ Nyekuc nẽ hatĩ aala nẽẽ hũrũmtĩ hĩ ngagĩĩta.