Kolooꞌthe 1:28 - ꞌBuuk cĩ Thõõth cĩ Nyekuci

²⁸ Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

Kolooꞌthe 1:28 ပူးပေါင်းရင်းမြစ်များ

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

Maatteeo 3:7

Ma baa acĩn Yõaannẽ Variꞌtheei hĩ Thadutheei ꞌcĩg mẽẽlĩg ngaatĩ au aggamĩ baattithimo ho, ikia eggerenyeek ĩhõõggõ ĩĩnnĩk, “Niig eeta ꞌcĩg abaꞌthu aaut hĩ hũkaaꞌnya ho, nganĩ ꞌcĩ aduhaakuung ngagiit aĩ, iita baattithimooa, hátĩ iliittia ukẽẽnĩt ꞌcĩ hatĩ aku ho?

Maatteeo 5:48

Aanytĩk bũnnai cunuung hĩĩ maka, haau hĩcĩ Baangeet cunuung ꞌcĩ aaĩ hẽẽtahujjieen.”

Maarko 6:34

Ma baa uduhuna Yeesu haahũla battaala, acĩn hinnia lothippit cobbi gẽrrẽẽt nẽ atamaatĩk ĩhõõggõ, hĩnĩngĩtĩ baa aattĩg nẽẽg hĩ aꞌtha ꞌcĩg aitiõõ tũhayyioohiti tõõ. Nĩngĩtĩ iꞌthianaanĩ nẽẽ allimanĩ ĩhõõggõ thooꞌthiok ꞌcĩg mẽẽlĩg.

ꞌLuuka 21:15

Haaꞌnyuung hatĩ naa ꞌgẽẽnyĩth ꞌcĩ hõllõngaa ũũlũ eeta ꞌcĩg abilluung ko, ngaatĩ athĩknĩ hode ngaatĩ ilocanĩ.

Dtiicanĩ cĩg ꞌThooyyiahu 10:36

Ĩĩn ciee nyeemuut ꞌcĩ abũnnaa cĩ eet cĩg Ĩꞌthĩraẽlĩ ꞌcĩ aĩ, aaĩ ganõnĩ hĩ Nyekuc, hĩnĩngĩtĩ Yeesu Krĩstõ ꞌcĩ ĩĩn Makayyioohit cĩ eet vẽlẽk.

Dtiicanĩ cĩg ꞌThooyyiahu 11:20

Nẽ eeta ũgẽẽgĩ cĩg Ciporo hĩ Cireene, õõt ĩĩcĩ Antiohĩ nẽ iꞌthiattaaĩ othooꞌthio hĩ ꞌGirik buúk nẽ illimatteek ĩhõõggõ nyeemuut ꞌcĩ abũnnaa cĩ Makayyioohit Yeesu.

Dtiicanĩ cĩg ꞌThooyyiahu 13:38

“ꞌGotoonoga hĩ ngoonoga, hatabbuung naa ngagiit agaac Yeesu ꞌcĩ occa ũũnnĩk ꞌthẽccanẽẽt cugguung.

Dtiicanĩ cĩg ꞌThooyyiahu 17:18

Baa ĩĩn eeta ũgẽẽgĩ cĩg anũ ꞌlimman cĩ Epikurio nẽ ĩĩtõ ũgẽẽgĩ ꞌcĩg anũ ꞌlimman cĩ eet cĩg Toihi, nĩngĩtĩ iꞌthianaanĩ ẽppẽhanõõnĩ hĩ ĩnõõnnõ. Baa õthõõth ũgẽẽgĩ aĩ, “Ne ꞌyioko ꞌthẽk ꞌcĩ aĩ huduhaaheet ẽẽtĩ ciee aĩ haga thõõth vẽlẽk ko?” Nẽ ĩĩtõ ũgẽẽgĩ, “Aaĩ hinnia hĩcĩ õthõõth Paaulo ꞌlimman cĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg ꞌrĩĩng!” Baa aduha nẽẽg thooꞌthiok iccig, hĩnĩngĩtĩ baa alliman Paaulo thõõth cĩ nyeemuut ꞌcĩ abũnnaa cĩ Yeesu hĩ thõõth ꞌcĩ arũgnaanĩ daahĩtha.

Dtiicanĩ cĩg ꞌThooyyiahu 17:3

ẽddẽẽbak eet pĩĩrnanĩt cĩ Krĩstõ hĩ ngaatĩ ũrũgaaĩ nẽẽ daahĩtha. Baa õthõõth Paaulo aĩ, “Ĩĩn Yeesu ꞌcĩ haduhaakuung naa ngagiit ko Krĩstõ.”

Dtiicanĩ cĩg ꞌThooyyiahu 20:31

Hõlõ, ebehit eleeti jurrung! Ummuhuttooth nõõ ngaatĩ hirrioonĩkuung naa ngagiit hõdẽĩ hõdẽĩ irkiꞌnyia iyyio baalin hĩ waathĩn tilaalõnĩ.

Dtiicanĩ cĩg ꞌThooyyiahu 3:20

nẽ hátĩ hĩꞌthõõahuung Yeesu baa ẽbẽra nẽẽ hĩĩ Krĩstõ.

Dtiicanĩ cĩg ꞌThooyyiahu 5:42

Nẽ waathinnioohĩ vẽlẽk, õõ allimaneek ꞌthooyyiaha eet thõõth cĩ Nyekuci halaangatõõ cĩ ꞌCieeth cĩ Nyekuci nẽ õvvõ olooyyiohĩtõõ buúk. Baa hõllõngaa abĩllĩ nẽẽg ngaatĩ allimanĩ eet nyeemuut ꞌcĩ abũnnaa ꞌcĩ ĩĩnnĩ Yeesu, Krĩstõ.

Dtiicanĩ cĩg ꞌThooyyiahu 8:35

Nĩngĩtĩ iꞌthianaanĩ Pilippo aduhaakĩ ĩnõõnnõ thõõth cĩ ꞌbuuk cĩ Nyekuci nẽ ĩhĩkĩĩmanaak ĩnõõnnõ nyeemuut ꞌcĩ abũnnaa cĩ Yeesu.

Dtiicanĩ cĩg ꞌThooyyiahu 8:5

Baa õkõ Pilippo ꞌtaaũnaa cobbi ĩĩcĩ Thamaria nẽ illimaneek eet thõõth cĩ Krĩstõ ĩĩca.

Dtiicanĩ cĩg ꞌThooyyiahu 9:20

Ma hĩdĩĩkoothong, iꞌthianaaĩ nẽẽ irrioon thõõth ꞌcĩ ĩĩnnĩ Yeesu Ngeertĩ Nyekuci ꞌCieethinii cĩg Laiittak.

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

1 Korinthia 12:8

Õthõõth eeta ũgẽẽgĩ hõrggẽẽnaa cĩnaac ꞌgẽẽnyĩtha nẽ othoothito ũgẽẽgĩ thooꞌthiok ꞌcĩg aga nẽẽg jurrung ꞌcĩg aaꞌnyĩk Lorii nicciee diooni.

1 Korinthia 15:12

Nẽẽthĩ, má irriõõnĩ thõõth ꞌcĩ aĩ, baa ũrũga Krĩstõ daahĩtha, inni thĩ hothoothito eeta ũgẽẽgĩ hõrggẽẽnaa cunuung hĩĩtõ, aitiõõ eeta ꞌcĩg adaahito hõllõngaa occa arũgna ho?

1 Korinthia 2:15

Ẽẽtĩ ꞌcĩ ẽtẽrẽth Lorii ꞌcĩ Ẽllẽẽmĩthĩ, aga ngaatĩ ẽttẽẽdĩ thooꞌthiok vẽlẽk, nẽẽthĩ, hõllõngaa aggam ĩnõõnnõ thõõth ꞌcĩ etteedĩk eet umwaa ĩnõõnnõ.

1 Korinthia 2:6

Nẽẽthĩ, hõthõõꞌtha naag nyeemuut cĩ ꞌgẽẽnyĩthõõ lothippitaa cĩ eet ꞌcĩg okomit lemiitta, nẽẽthĩ hinnia, hõllõngaa hõthõõꞌtha ꞌgẽẽnyĩthaa cĩ looc nicci, hode ꞌgaala cĩg looc nicci, ꞌcĩg hatĩ aꞌnginoothi haaga.

1 Korinthia 4:14

Hõllõngaa heheedi naa thooꞌthiok iccig, hátĩ haanytuung ngagiit ngaaoni, nẽẽthĩ, haĩ hitiloouung naa hĩ lohollia cĩgannĩg ꞌcĩg hammĩnani ꞌthĩnĩta.

2 Korinthia 10:14

Hõllõngaa occa hirrianna naag gẽrrẽẽt. Nẽ baa ꞌthẽk ngagĩĩt baag haꞌnyahaakuung ngagiit nyeemuut ꞌcĩ abũnnaa cĩ Krĩstõ.

2 Korinthia 11:2

Harrĩcanaannuung naa ngagiit hĩ Nyekuci, hĩnĩngĩtĩ baa aattiyyu niig hĩ bũhẽẽcĩ ꞌcĩ nga hũꞌthũwanĩ ꞌcĩ hẽbẽraahi naa Krĩstõ diooni.

2 Korinthia 4:5

Hõllõngaa hirrioonna naag thõõth cĩ eleeti cĩggaang, aĩ nyeemuut cĩnaang nẽẽ, ĩĩn Yeesu Krĩstõ Makayyioohit. Ĩꞌthõõanneet nẽẽ ngagĩĩt hiita hĩĩtta appahacaaꞌnya cugguung, hĩnĩngĩtĩ ĩnõõnnõ.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 5:27

Baa adĩman Krĩstõ hoti, hátĩ haaꞌnyĩk lothippit cĩ lemmioohu ꞌcĩ ĩĩn ẽlẽ cĩnnĩ, hĩĩ lothippit ꞌcĩ abuli ꞌcĩ ẽllẽẽmĩthĩ, ꞌcĩ aitiõõ thooꞌthioha ꞌcĩg ĩĩn ꞌriiring ꞌcĩg abathĩ tõõ. Nẽẽthĩ hinnia, ẽllẽẽmĩth hatĩ nẽẽ nẽ iittiõõ bathi tõõ.

Kolooꞌthe 1:22

Nẽ ꞌyioko, ikia aganĩthuung nẽẽ ngagiit, hátĩ agayyio hĩ ĩnõõnnõ daahĩthaa cĩ Krĩstõ. Nẽ hĩnĩngĩtĩ thõõth icci, aꞌnyahaauung nẽẽ ngagiit muumaa cĩnnĩ nẽ iittu eet ꞌcĩg ẽllẽẽmĩth cĩg Nyekuci ꞌcĩg ammĩrĩ ꞌcĩg abillu muumaa cĩnnĩ hiꞌthihi ꞌthẽccan umwa.

Kolooꞌthe 2:10

Nẽ baa iita itiliꞌthu niig jurrung lemiittaa cunuung, hĩnĩngĩtĩ iittu eet cĩg Krĩstõ ꞌcĩ ĩĩn Makayyioohit ꞌcĩ aggam ꞌtirrian hĩ makaaꞌthĩt vẽlẽk.

Kolooꞌthe 2:3

Aguꞌthi ꞌgẽẽnyĩthĩ hĩ gaiinit vẽlẽk hĩ ĩnõõnnõ.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 4:6

Nẽẽthĩ, niig lemmiooha, ma higgoolonnu ꞌgõõlaa cĩ igoriꞌthu ngaaĩ cĩg ꞌgoonoginnu, hĩnĩngĩtĩ baa huduktaahuung naag ngagiit jurrung hiittihuung, uuk hatĩ Nyekuci eet ꞌcĩg adĩman thooꞌthiok ꞌcĩg ĩĩn ꞌriiring ꞌcĩg aattĩg nohotaa.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

1 Timotteeo 3:2

Abũnnaa ĩĩn makayyioohiti cĩ lothippit cĩ lemmioohu, eet ꞌcĩ aꞌnyak ngaa hõdẽẽthõng, eet ꞌcĩ aꞌthũũnnĩ ẽlẽ cĩnnĩ nẽ ĩĩ eet ꞌcĩ iꞌngolli eet, abũnnaa ĩĩn eet ꞌcĩ iꞌngolli hẽẽrõn nẽ aga ngaatĩ allimanĩ eet.

Ebereei 10:14

Hĩnĩngĩtĩ ꞌgaarrieenit cĩnnĩ ꞌcĩ odoyyii ho, ikia õõga Krĩstõ eet ꞌcĩg aꞌnyahaak nẽẽ Nyekuc ꞌthẽccaana.

Ebereei 13:21

Halayyi naa haini, aꞌnyĩĩk Nyekuc haaꞌnyuung ĩthĩhĩt ĩnõõnnõ nẽ hatĩ gõõng ĩdĩmattu thooꞌthiok ꞌcĩg aũlanĩ. Aꞌnyĩĩk Yeesu heeluung ĩdĩmanit thõõth ꞌcĩ aaꞌnyĩk Nyekuc haccamanoothĩk. Aꞌnyĩĩk bulẽẽnĩt haau hĩ Yeesu Krĩstõ ooo! Aamẽn.

2 Pẽẽtũrũ 3:15

Má hataarroꞌthu ngaatĩ ereeini Makayyioohiti, hĩnĩngĩtĩ adiim nẽẽ eet vẽlẽk heellia. Thõõth baa aduha ꞌgõtõõnẽẽtĩ cĩnaac Paaulo buúk ciee, baa ẽhẽẽdakuung waraga ꞌgẽẽnyĩthaa baa aaꞌnyĩk Nyekuci ĩnõõnnõ.