Kolooꞌthe 1:15 - ꞌBuuk cĩ Thõõth cĩ Nyekuci

¹⁵ Aaĩ Krĩstõ hĩ Nyekuci ꞌcĩ hõllõngaa hacĩn naaga. Baa arrittiaa nẽẽ ĩĩcĩ oou nẽ ĩĩn nẽẽ habu cĩ hẽlẽggĩ vẽlẽk ꞌcĩg ẽhẽnytaa.

Kolooꞌthe 1:15 ပူးပေါင်းရင်းမြစ်များ

Luugithõõ 24:10

Ma nĩngaata, udtuukta nẽẽg Nyekuc cĩ Ĩꞌthĩraẽlĩ. Nẽ ꞌthõõnĩĩ cĩgĩnnĩg loota, baa aaĩ ꞌgiimwaa ꞌcĩ aaĩ hĩ bẽẽ ꞌcĩ cũlahẽẽnĩ nẽ ĩĩ tẽlla haau hĩ hẽẽtkujjieen.

Yõaannẽ 1:1

Baa ꞌthianaatta, baa aaĩ Thõõtha. Baa arũmĩ Thõõth hĩ Nyekuc nẽ baa ĩĩn Thõõth Nyekuc.

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 14:9

Ẽdẽcĩ Yeesu Pilippo anneek, “Pilippo, hũrũmtĩ naag hĩ ngagiit waathinniook ꞌcĩg mẽẽlĩg nẽ nga gawaa buúk? Má ĩcĩna ẽẽtĩ umwaa nganĩĩta, ĩcĩn nẽẽ Baaba buúk. Anneekaa gõõng ‘Teretheeheet Baaba inni?’

Yõaannẽ 15:24

Ma baa hiittiõõ ngaatĩ hadĩmanĩĩ naa thooꞌthiok ꞌcĩg ĩnaat eeta hõrggẽẽnaa cĩnĩĩng, ꞌcĩg nga hĩdĩman eet umwaa ũdũt ko, occa ꞌyioko nga hagaacõ nẽẽg ꞌthẽccanẽẽt cĩggĩĩng. Nẽẽthĩ ꞌyioko, hĩcĩ ĩcĩnĩt nẽẽg thooꞌthiok ꞌcĩg ĩnaat eeta ho, aalla hinnia nga aaburreeka nẽẽg nganĩĩt hĩ Baaba noho.

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

Pilippi 2:6

Tananga baa ĩĩn Krĩstõ Nyekuc dĩdĩ, baa hõllõngaa aaꞌnyĩk nẽẽ ẽlẽ cĩnnĩ hudukto hĩ Nyekuc thõng.

Kolooꞌthe 1:13

Ikia ẽẽlaeet Nyekuci ngagĩĩt habuccieetaa cĩ ꞌThĩttaanõ nẽ aꞌnyahaaeet habuccieetaa cĩ Ngeerĩnĩ ꞌcĩ ammĩnan nẽẽnĩ,

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

1 Timotteeo 6:16

Ĩnõõnnõ dioo ꞌcĩ arũgĩ ũdũt, aaĩ nẽẽ lanyitatõõ ꞌcĩ hõllõngaa occa õdõlan ẽẽtĩ umwaa hõbõktõ. Nga hĩcĩn eet umwaa Nyekuc nẽ aitiõõ hatĩ eet umwaa ꞌcĩ acĩn ĩnõõnnõ ũdũt tõõ. Hĩdĩhĩthĩt Nyekuc, aalla hatĩ makaaꞌthĩt cĩnnĩ ooo, Aamẽn!

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 1:6

Ma baa ĩꞌthõõa Nyekuci Ngeerĩnĩ ꞌcĩ odoyyii hikia loota nĩnga, ikia õthõõth Nyekuci ĩĩ, “Aꞌnyĩĩk aajĩlẽẽt cĩgannĩg vẽlẽk hakattieek Loholeec caannĩ huruꞌnyia nẽ ubuluthit ĩnõõnnõ.”

Ebereei 11:27

Hĩnĩngĩtĩ lemiinit cĩnnĩ, ikia ũtũngeek Mũũꞌtha Ijjib. Baa adtuuha Mũũꞌtha Nyekuc ꞌcĩ hõllõngaa edeeꞌnyia nẽ hõllõngaa iꞌngolli liilii cĩ habuuo.

Terethiinit 3:14

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea. “Duhaak anneek, aku nyeemuut ciee hĩ eet ꞌcĩ haĩ Aamẽn, eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng.