Kolooꞌthe 1:13 - ꞌBuuk cĩ Thõõth cĩ Nyekuci

¹³ Ikia ẽẽlaeet Nyekuci ngagĩĩt habuccieetaa cĩ ꞌThĩttaanõ nẽ aꞌnyahaaeet habuccieetaa cĩ Ngeerĩnĩ ꞌcĩ ammĩnan nẽẽnĩ,

Kolooꞌthe 1:13 ပူးပေါင်းရင်းမြစ်များ

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

ꞌLuuka 13:24

“Haduhaakuung dĩdĩ, ĩrrĩcatta gẽrrẽẽt ngaatĩ aduhunnu hattũũg ꞌcĩ lũdũcĩ, hĩnĩngĩtĩ mẽẽlĩg hatĩ eeta ꞌcĩg attĩman ngaatĩ adukni nẽ aꞌnyaman hatĩnĩ.

ꞌLuuka 22:53

Ma gõõng harũmĩ naag hĩ ngagiit hõdõõkõthĩ halangatõõ cĩ ꞌCieeth cĩ Nyekuci nẽ hiꞌthihi eet ꞌcĩ ahumma buúk. Nẽẽthĩ, ĩĩ hatĩ kõr cunuung ciee ꞌcĩ aggamĩ muguuri looc ko?”

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Yõaannẽ 3:35

“Ammĩnan Maaꞌnyia Ngeerĩnĩ nẽ aaꞌnyĩk ĩnõõnnõ ꞌgii vẽlẽk.

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

2 Korinthia 11:14

Aitiõõ hõllõngaa occa hakuleek naag ꞌjieen, hĩnĩngĩtĩ ꞌThĩttaan dẽẽdẽ ꞌcĩ õõlõng aĩ, hĩĩnĩ aajĩlõ ꞌcĩ hakuu hĩ Nyekuc.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

Eevvetho 1:6

Baa tarbal nẽẽ gẽrrẽẽt hĩ ngagĩĩt, ngaatĩ aaꞌnyeet Ngeerĩnĩ ꞌcĩ ammĩnan nẽẽ gẽrrẽẽt, nẽẽthĩ hoti ho, occa hadĩhĩth naag Nyekuc.

Eevvetho 4:18

Adĩĩtĩ ĩhõõggõ ooti pĩd nẽ ĩĩtõ ꞌrẽẽttĩg hĩ authet cĩ Nyekuci, hĩnĩngĩtĩ aggiithi nẽẽg nẽ aalla õkõmĩ ĩhõõggõ ooti kak.

Eevvetho 5:5

Hĩnĩngĩtĩ thooꞌthiok iccig agaac jurrung ĩĩtõ, aitiõõ ẽẽtĩ ꞌcĩ adĩman hẽlẽggĩ ꞌcĩg ĩĩn ꞌriiring hode ẽẽtĩ ꞌcĩ aĩ ngaam ngaam, hõllõngaa hatĩ arigith ꞌgiimwa habuccieetaa cĩ Krĩstõ hĩ ĩcĩ Nyekuci, hĩnĩngĩtĩ ala eet ꞌcĩ aaĩ hoti, hẽlẽggĩ ꞌcĩg aar eeta hĩĩtõ nyekuꞌnya.

Eevvetho 5:8

Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,

Eevvetho 6:12

Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen.

1 Tẽꞌthaloonika 2:12

Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

2 Pẽẽtũrũ 1:11

Nẽ hatĩ elemuung ngagiit Makayyioohiti Ellioohiti cĩnaac Yeesu Krĩstõ bulẽẽtta nẽ aaꞌnyuung uduhunit habuccieetaa cĩnnĩ ĩĩcĩ aalla ooo.

1 Yõaannẽ 2:8

Nẽẽthĩ, ĩĩn tilooinit ꞌcĩ ĩĩn ngeju dĩdĩ, nẽ agayyu niig thõõth cĩnnĩ ꞌcĩ ĩĩn dĩdĩ haau hĩcĩ aga Krĩstõ. Occa icittu niig ẽlẽk ngaatĩ aꞌnginõõꞌthĩ muguuri nẽ ũttũhũlõõ lanyit ꞌcĩ ĩĩn dĩdĩ ẽlẽk.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.

1 Yõaannẽ 3:8

Ẽẽtĩ ꞌcĩ aalla adĩman ꞌthẽccan, ĩĩn eet cĩ habu cĩ loriẽẽt ꞌcĩg abathĩ. Baa ẽꞌthẽcanõõ ꞌThĩttaanĩ baa ꞌthianaatta, nẽẽthĩ, baa aku Ngeertĩ Nyekuci hikia hõõga eet dtiicanẽẽnnĩ vẽlẽk ĩcĩg abathĩ ĩcĩg ꞌThĩttaanak.