Kolooꞌthe 1:12 - ꞌBuuk cĩ Thõõth cĩ Nyekuci

¹² Halayyi naa, hátĩ ĩĩttĩk Nyekuc Baangeet ĩlaallẽ, ngaatĩ aaꞌnyuung ngagiit otholit hĩ ĩnõõnnõ thõõth baa aduhaak nẽẽ eet ꞌcĩg aattĩg habuccieetaa cĩ lanyito.

Kolooꞌthe 1:12 ပူးပေါင်းရင်းမြစ်များ

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Yõaannẽ 4:23

Aaĩ hatĩ kõrra nẽ ikia ẽlẽk, ꞌcĩ hatĩ aaꞌnyĩkĩ Lorii ꞌcĩ Ẽllẽẽmĩth eet halaacõ Baaba ꞌgõõlaa ꞌcĩ ĩĩn dĩdĩ, hĩnĩngĩtĩ ĩĩn nẽẽg eet cĩg adiim Baaba halaacõ ĩnõõnnõ ꞌgõõla nĩĩca.

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

ꞌRooma 11:17

Aattiyyu niig eeta ꞌcĩg hõllõngaa ĩĩgĩnnu ꞌJudeei hĩ tabana cĩg hẽẽt cĩ oliv cĩ moru, ꞌcĩg baag adũũppanoothĩk hõdẽĩ hĩ taba ꞌcĩg oliv ꞌcĩ atiboolanni thõng. Irigiꞌthu niig nĩngĩtĩ taba baag eꞌngeddoothĩk tuu. Nẽ hĩnĩngĩtĩ thõõth icci, iita othollu niig ꞌgẽẽn ꞌcĩ abũnnaa ꞌcĩ aku cõrrẽẽnĩĩ cĩg hẽẽt cĩ oliv cĩ Nyekuci.

ꞌRooma 15:27

Baa thõõth ꞌcĩ adiim adĩman nẽẽg cieeni. Nẽẽthĩ, ꞌgõõl ꞌcĩ baa õthõlĩ nẽẽg ꞌrabbẽẽt hĩ eet cĩg ꞌJudeei, aaĩ hinnia hĩcĩ adũmaneek nẽẽg ĩhõõggõ ngabolo, hĩnĩngĩtĩ baa otholit eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei, ꞌgattan cĩ Loriio.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

1 Korinthia 8:6

Haꞌnyak naag Nyekuc hõdẽẽthõng diooni nẽ ĩĩn Baangeet. Baa ẽhẽnyta nẽẽ hẽlẽggĩ vẽlẽk nẽ harũgĩ naag, hĩnĩngĩtĩ ĩnõõnnõ. Yeesu Krĩstõ diooni ꞌcĩ ĩĩn Makayyioohit cĩnaac. Baa ẽhẽnytaa hẽlẽggĩ vẽlẽk ꞌthaarĩĩ cĩgĩnnĩg nẽ aaꞌnyeet Yeesu ngagĩĩt rũgẽt.

1 Korinthia 9:23

Hadĩmani naa thooꞌthiok iccig vẽlẽk, hĩnĩngĩtĩ nyeemuut ꞌcĩ abũnnaa, hátĩ hũmmũda naa buúk ꞌgattan cĩnnĩ.

2 Korinthia 11:14

Aitiõõ hõllõngaa occa hakuleek naag ꞌjieen, hĩnĩngĩtĩ ꞌThĩttaan dẽẽdẽ ꞌcĩ õõlõng aĩ, hĩĩnĩ aajĩlõ ꞌcĩ hakuu hĩ Nyekuc.

2 Korinthia 5:5

Nyekuc ꞌcĩ aaꞌnyĩk thooꞌthiok iccig vẽlẽk haauto ho. Ĩnõõnnõ ꞌcĩ aaꞌnyeet ngagĩĩt Lori ꞌcĩ Ẽllẽẽmĩth ꞌcĩ aaꞌnyeet hagaac aĩ adtican hatĩ nẽẽ thõõth icci.

Eevvetho 1:11

Adĩman Nyekuci hõdõõkõthĩ hẽlẽggĩ vẽlẽk ꞌcĩg adiim nẽẽnĩ, ĩnõõ ꞌcĩ aaꞌnyĩkĩ nẽẽ Krĩstõ hẽbẽraeet ngagĩĩt baa hũnũũk ko.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 3:6

Nẽ muhẽẽnĩt ꞌcĩ ĩllõõan ꞌgẽẽnyĩth cĩ eetu ho cieeni. Hĩnĩngĩtĩ Yeesu Krĩstõ, aaꞌnyĩk nyeemuut ꞌcĩ abũnnaa eet ꞌcĩg hõllõngaa ĩĩn ꞌJudeei, hotholit hĩ eet ꞌcĩg ĩĩn ꞌJudeei vẽlẽk, baliinit ꞌcĩ hatĩ arigith lohollia cĩg Nyekuci. Au hatĩ ĩĩn eeta cĩg ꞌJudeei hĩ eet ꞌcĩg hõllõngaa ĩĩn ꞌJudeei vẽlẽk, ẽlẽ hõdẽẽthõng nẽ accamanoothĩk hatĩ nẽẽg vẽlẽk ꞌgattaana, hĩnĩngĩtĩ iita ĩĩtõ nẽẽg vẽlẽk eet cĩg Yeesu Krĩstõ.

Eevvetho 4:6

Aaĩ Nyekuci hõdẽẽthõng ꞌcĩ ĩĩn Maaꞌnyĩ eet vẽlẽk. Hõllõngaa ĩllõõan nẽẽ eet vẽlẽk diooni, adticaninneet nẽẽ ngagĩĩt vẽlẽk nẽ aaĩ nẽẽ hĩ ngagĩĩt vẽlẽk.

Eevvetho 5:11

Ũtũbũrĩt thooꞌthiok cĩg muguurak ꞌcĩg aꞌnyaha thooꞌthiok ꞌcĩg hõllõngaa abũnnaa, etereꞌthieek eet vẽlẽk hagaacõ bathi cĩnĩĩng.

Eevvetho 5:20

Ĩĩttĩk Nyekuc Baangeet ĩlaallẽ hõdõõkõthĩ, hĩnĩngĩtĩ thooꞌthiok vẽlẽk, ꞌthaarĩĩ cĩg Makayyioohit cĩnaac Yeesu Krĩstõ.

Eevvetho 5:4

Hode ma hothooꞌthu thooꞌthiok ꞌcĩg ĩĩn ꞌriiring ꞌcĩg occa aꞌnyaha ngaaoni, hode thooꞌthiok ꞌcĩg occa hõllõngaa eelluunga, ꞌcĩg hõllõngaa abũnnaa, nẽẽthĩ, othoothit thooꞌthiok ꞌcĩg occa anneeku Nyekuc ĩlaallẽ.

Eevvetho 5:8

Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 12:23

Nẽ ꞌyioko, iitiaau niig lothippiti cĩ lemmiook ꞌcĩg ammĩnan Nyekuci gẽrrẽẽt, ꞌcĩg ĩĩgĩnnu lõhõlĩ ꞌcĩg oou ꞌcĩg eteheeddi ꞌthaara cugguung hẽẽtahujjieen. Iitiaau niig hĩ Nyekuc ꞌcĩ ẽttẽẽd thooꞌthiok vẽlẽk cĩg eetuk. Nẽ tarĩ, iitiaau hĩ loriẽẽt cĩg eet ꞌcĩg abũnnaa hẽẽtahujjieen, ꞌcĩg ꞌyioko aanytĩhoothĩk hũbũttaathõ.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

ꞌJeemith 3:9

Hadĩhĩth naag Makayyioohit cĩnaac hĩ Baangeet ũtũũga nẽ tarĩ, haccĩĩnĩ ũtũg eet ꞌcĩg ẽhẽnytaa haauto hĩ Nyekuci ho buúk.

1 Pẽẽtũrũ 5:1

Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

1 Yõaannẽ 1:3

Haduhaakuung naag ngagiit thõõth ꞌcĩ hĩcĩtta nẽ hĩthĩkta, hátĩ iita hũrũmtĩ hĩ ngagĩĩt hõdẽĩ. Nẽ hũrũmtĩ hõdẽĩ hĩ Baangeet hĩ Ngeerĩnĩ Yeesu Krĩstõ.

Terethiinit 21:23

Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.

Terethiinit 22:5

Iittiõõ hatĩ hõllõngaa adiim eeta kõr, hode ꞌgiimwa ꞌcĩ attũllẽẽnĩ, hĩnĩngĩtĩ iittiõõ hatĩ baalini tõõ. Makayyioohit Nyekuc dioo ꞌcĩ hatĩ ikia ĩĩ lanyit cĩnĩĩng nẽ hatĩ ĩĩtõ nẽẽg makayyiook hĩ Nyekuc ooo.