ꞌJuud 1:8 - ꞌBuuk cĩ Thõõth cĩ Nyekuci

⁸ Aattĩg eeta ꞌcĩg hothoothi naa ho, hĩ eeta ꞌcĩg ohonooꞌthi nẽ ẽꞌthẽcanit eleeti cĩggĩĩng ngaatĩ adĩmanĩ thooꞌthiok ꞌcĩg ĩĩn ꞌriiring. Abũrĩ nẽẽg makaaꞌthĩt vẽlẽk nẽ odoomito aajĩlẽẽt cĩg Nyekuci.

ꞌJuud 1:8 ပူးပေါင်းရင်းမြစ်များ

ꞌThianaattõ 3:5

Õthõõth Nyekuci hoti, hĩnĩngĩtĩ aga aĩ, má uduktu, abbuuhi hatĩ hẽbẽrĩ cugguung nẽ agayyu thooꞌthiok ꞌcĩg abũnnaa hĩ ꞌcĩg abathĩ aaut hĩ nẽẽnĩ.”

Luugithõõ 22:28

“Ma hothooꞌthu Nyekuc ꞌbuth hode othooꞌthu makayyiook cĩg eet cugguung ꞌbuth.

ꞌLuuka 11:25

Nẽ ma õdõlan nẽ ammũdoothĩk tẽlla,

ꞌLuuka 12:11

“Nẽ ma õõ abilluung eeta ꞌCieethaa cĩ Laiitto, hode hĩ ꞌgaala cĩg looc nicci, ma homothiinnu thõõth ꞌcĩ hatĩ õõ aduhaannu,

ꞌLuuka 19:14

“Baa ammũdeek hinnia abũrĩ eeta ĩnõõnnõ ngaatĩ ĩĩnĩ habu, nĩngĩtĩ ĩꞌthõõĩ nyeemuut hũũk ĩĩcĩ oou anneek, ‘Hõllõngaa hadiimma naag eet icci hĩĩ habu cĩnaang.’

Dtiicanĩ cĩg ꞌThooyyiahu 23:5

Ẽdẽcĩ Paaulo aĩ, “ꞌGotoonoga, iyyia mĩĩ hõllõngaa haga ngaatĩ ĩĩnnĩ nẽẽ paadĩr cobbi, hĩnĩngĩtĩ eheeddi ꞌBuuhaa cĩ Nyekuci aĩ, ‘Ma hothoothi makayyioohit cĩ eet cugunnig ꞌbuth.’ ”

Dtiicanĩ cĩg ꞌThooyyiahu 7:27

“Ĩꞌngõtha hinnia ẽẽtĩ ꞌcĩ hatĩ iꞌthianaanĩ jore ĩĩcĩ oou, hikia heggerenyeek Mũũꞌtha hĩĩnnĩk, ‘Nganĩ ꞌcĩ aaꞌnyi nganiit makaaꞌthĩt ꞌcĩ etteedĩkeet ngagĩĩt thõõth ko?

Dtiicanĩ cĩg ꞌThooyyiahu 7:39

“Nẽẽthĩ hinnia, baa abũrĩ hĩbaangĩ cĩggaac ngaatĩ athĩknĩ Mũũꞌtha. Ma ho, ũtũbũrĩt ĩnõõnnõ nẽ idiimito oboddioothĩ Ijjiba.

1 Korinthia 3:17

Má ĩꞌthaan eet umwaa ꞌCieeth cĩ Nyekuci, ĩꞌthaan hatĩ Nyekuci ĩnõõnnõ buúk, hĩnĩngĩtĩ ẽllẽẽmĩth ꞌCieeth cĩ Nyekuci nẽ iiginnu niig ꞌCieeth tĩho.

1 Tẽꞌthaloonika 4:8

Nẽ ẽẽtĩ ꞌcĩ ẽdẽcẽẽkĩ ꞌlimman icci, hõllõngaa ẽdẽcẽẽkĩ ꞌlimman cĩ eeto, ẽdẽcẽẽkĩ ꞌlimman cĩ Nyekuc ꞌcĩ aaꞌnyuung Lorii ꞌcĩ Ẽllẽẽmĩthĩ.

1 Timotteeo 1:10

Ẽhẽnytaa nyattalĩ hĩnĩngĩtĩ eet ꞌcĩg ajanĩ tirrii tahatak, hode eet ꞌcĩg õdõra ꞌgõõnõgĩ ꞌcĩg maacĩg aar hĩ ngaaĩ, hĩ eet ꞌcĩg ĩgõrĩth ꞌgõõnõgĩ õõ ũũtẽnĩ thõng, hĩ oloꞌngiaak, hĩ eet gõõng hõllõngaa aduha thõõth ꞌcĩ ĩĩn dĩdĩ lokihooa, hĩ eet ũgĩ buúk ꞌcĩg ẽppẽhan ꞌlimman ꞌcĩ ĩĩn dĩdĩ,

Ebereei 13:17

Niig lemmioha, ĩthĩhĩt makayyiook cugguung nẽ ĩdĩmattu thooꞌthiok ꞌcĩg aduhaakuung nẽẽgĩ. Ebekuung nẽẽg ngagiit nẽ Nyekuc ꞌcĩ hatĩ ẽttẽẽd thooꞌthiok cĩggĩĩng. Nẽẽthĩ, ma haaꞌnyiku ĩhõõggõ hõngõõngõõcõ dtiicaa cĩnĩĩng. Aanytĩk ĩhõõggõ haccamattoothĩk, hĩnĩngĩtĩ aitiõõ hinnia hatĩ hõllõngaa eelluung ngagiit ũdũt.

1 Pẽẽtũrũ 2:17

Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.