ꞌJuud 1:3 - ꞌBuuk cĩ Thõõth cĩ Nyekuci

³ ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.

ꞌJuud 1:3 ပူးပေါင်းရင်းမြစ်များ

Dtiicanĩ cĩg ꞌThooyyiahu 17:3

ẽddẽẽbak eet pĩĩrnanĩt cĩ Krĩstõ hĩ ngaatĩ ũrũgaaĩ nẽẽ daahĩtha. Baa õthõõth Paaulo aĩ, “Ĩĩn Yeesu ꞌcĩ haduhaakuung naa ngagiit ko Krĩstõ.”

Dtiicanĩ cĩg ꞌThooyyiahu 18:28

Baa ẽppẽhanõõ nẽẽ hĩ eet cĩg ꞌJudeei nẽ lothippita, adticaniini nẽẽ thooꞌthiok ꞌcĩg au ꞌBuuhaa cĩ Nyekuci, huduha dĩdĩ ngaatĩ ĩĩnnĩ Yeesu Krĩstõ.

Dtiicanĩ cĩg ꞌThooyyiahu 20:27

Hĩnĩngĩtĩ nga hũtũbũr naa ngaatĩ hallimaneekuung thõõth vẽlẽk cĩ Nyekuci.

Dtiicanĩ cĩg ꞌThooyyiahu 28:28

“Nẽẽthĩ, hadiimi naa agaac niig, baa ikia nyeemuut ꞌcĩ aku ẽẽlanĩ Nyekuci eet ꞌcĩg hõllõngaa ĩĩn ꞌJudeei. Nẽ athĩknĩ ꞌthẽk hatĩ nẽẽgĩ.”

Dtiicanĩ cĩg ꞌThooyyiahu 4:12

Yeesu dioo ꞌcĩ aꞌnyak ꞌtirrian ꞌcĩ eellianĩ eeta. ꞌThaar cĩgĩnnĩg dioo loota nĩnga ꞌcĩg occa ẽẽla eet umwa.”

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

Dtiicanĩ cĩg ꞌThooyyiahu 9:22

Baa irrioon ꞌThaaulo ꞌtirriaanaa ꞌcĩ maka gẽrrẽẽt hatalmanyan eet cĩg ꞌJudeei ꞌcĩg aattĩg Damaathĩko, hĩnĩngĩtĩ arĩnyana ngaatĩ aĩnnĩ ĩĩn Yeesu, Krĩstõ.

1 Korinthia 15:3

Hĩnĩngĩtĩ baa huduhaahuung naa ngagiit nyeemuut ꞌcĩ abũnnaa ꞌcĩ tiiri, hĩ baa ꞌthẽk adukiaaka nganĩĩt baa aĩ, adaahĩ Krĩstõ, hĩnĩngĩtĩ ꞌthẽccanẽẽt cĩggaac, hĩ baa aduha ꞌBuuhi cĩ Nyekuci.

ꞌGalaaꞌthia 2:5

Baa hõllõngaa hedecoothĩka naag ĩhõõggõ, tananga hĩdĩhĩdĩĩc haaga buúk, hĩnĩngĩtĩ haĩnna haala nyeemuut ꞌcĩ abũnnaa ꞌcĩ ĩĩn dĩdĩ ho hõrggẽẽnaa cunuung.

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

ꞌGalaaꞌthia 6:11

Akatti hẽbẽrĩ ꞌgõõl ꞌcĩ hẽhẽẽdakuung naa ngagiit waraga nyamacaarwaanĩĩ ꞌcĩg obbitig attiaa caannĩ ho jurrung.

Eevvetho 1:1

Waraga ciee ꞌcĩ aku hĩ nganĩĩt Paaulo, eet ꞌcĩ ẽbẽraanna Nyekuci tabiittaa cĩnnĩ, hĩĩ ꞌthooyyiahit cĩ Yeesu Krĩstõ. Heheedihi naa waraga icci eet ꞌcĩg ẽllẽẽmĩth cĩg Nyekuci ꞌtaaũnaa cĩ Eevvetho. Eet ꞌcĩg aꞌthũũnnĩ thõõth cĩ Yeesu Krĩstõ nẽ ĩĩtõ nuyyiook cĩgĩnnĩg.

Pilippi 1:1

Waraga ꞌcĩ aku hĩ nganĩĩt Paaulo hĩ Timotteeo ꞌcĩg hĩĩgĩnna dticcianniook cĩg Yeesu Krĩstõ cieeni. Eheedothoothĩk waraga ciee eet vẽlẽk cĩg Nyekuci ꞌcĩg ĩĩn nuyyiook cĩg Yeesu Krĩstõ ꞌtaaũnaa cĩ Pilippi, hĩ makayyiook cugguung hĩ elliook cĩggĩĩng.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Kolooꞌthe 1:2

Hẽhẽẽdakuung naag ngagiit waraga eet ꞌcĩg elleemmu nẽ aallannu elemmu thõõth cĩ Nyekuci, ꞌgotoonoga hĩ ngoonoga cĩg Krĩstõ ꞌtaaũnaa cĩ Kolooꞌthe. Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac haau hĩ ngagiita.

1 Tẽꞌthaloonika 2:2

Baa hippiirriawa naag nẽ hodoomtea ꞌtaaũnaa cĩ eet cĩg Pilippi, nẽẽthĩ, eliittaa cĩ Nyekuci, iita okomit ꞌthinneeti cĩggaang nẽ hillimattuung ngagiit nyeemuut cĩnnĩ ꞌcĩ abũnnaa, tananga baa abũrreet eeta ꞌcĩg mẽẽlĩg ngagĩĩta.

1 Timotteeo 1:18

Nii Timotteeo loholeec caannĩ ho, thooꞌthiok ꞌcĩg hadiimi haduhaakii nganiit cieegi. Ma hataarroꞌthi thooꞌthiok baag aduha eeta baag ĩĩn põrõvẽtaaꞌnya baag hũnũũk, hĩnĩngĩtĩ nganiita. ꞌThũũtĩ thooꞌthiok iccig, hátĩ dticcian jore jurrung.

1 Timotteeo 6:12

ꞌTĩmman gẽrrẽẽt ngaatĩ anũĩ thõõth cĩ Nyekuci, hátĩ mũda rũgẽt ꞌcĩ aalla ooo, baa auyyi nganiit Nyekuci, kõr baa aduhaanĩ lemiinit cunni cĩ thõõth cĩ Nyekuci lothippitaa cĩ eet ꞌcĩg mẽẽlĩg.

2 Timotteeo 1:13

ꞌThũũtĩ thõõth baa hallimaneekii naa, lemiitta nẽ ĩmmĩnanuu Yeesu Krĩstõ.

Tiito 1:4

Ẽlẽ Tiito, hẽhẽẽdakii naa nganiit waraga icci, aau nii hĩ loholeec caannẽẽnĩ, hĩnĩngĩtĩ helemit naag hĩ nganiit thõõth cĩ Nyekuci hõdẽĩ. Aꞌnyĩĩk Nyekuc Baangeet cĩnaac hĩ Makayyioohit Ellioohit cĩnaac Yeesu Krĩstõ, haanyti bũnnai nẽ aau lõꞌngõõc.

Ebereei 13:22

ꞌGotoonoga hĩ ngoonoga, hẽhẽẽdakuung naa ngagiit waraga ꞌcĩ huturi haaga, hátĩ hũkũtanuung ngagiita nẽ halayyuung ngagiit ĩthĩhĩt thõõth ꞌcĩ haduha naa ho jurrung.

Ebereei 6:9

ꞌGotoonoga hĩ ngoonoga, tananga hõthõõꞌtha naag hoti, hagayya naag ngaatĩ adĩmannu hẽlẽggĩ ꞌcĩg abũnnaa ꞌcĩg adĩman eeta hatĩ eellia.

1 Pẽẽtũrũ 5:12

Ẽẽlla ꞌThĩĩla nganĩĩt hẽtẽhẽẽdahuung waraga icci huturi ho, ĩĩn nẽẽ nuyyioohit ꞌcĩ aꞌthũũnnĩ thõõth cĩ Makayyiookto jurrung. Hadiimi hakũtannuung nẽ huduhaahuung ꞌgõõl ꞌcĩ ĩĩnnĩ Nyekuci tarbal dĩdĩ, hátĩ aallattia aꞌnyahit lemiinit hĩ ĩnõõnnõ.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

2 Pẽẽtũrũ 2:21

Occa baa mẽẽn hĩ ĩhõõggõ ngaatĩ hõllõngaa agaĩ ꞌgõõl cĩ bũnnaiitto, hĩllõõan ngaatĩ au agaĩ ꞌgõõl dĩdĩ, ma uruta nẽ ũtũngĩt tilooinit ꞌcĩ ẽllẽẽmĩth baa allimanoothĩk ĩhõõggõ.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

ꞌJuud 1:17

ꞌGotoonoga hĩ ngoonoga, ummuhuttooth tilooinit baa aduhaakuung ꞌthooyyiaha cĩg Makayyioohit cĩnaac Yeesu Krĩstõ baa ĩĩcĩ oou.

ꞌJuud 1:20

Nẽẽthĩ, ꞌgotoonoga hĩ ngoonoga, aallattia uꞌthuutti lemiinit thõõthaa ĩbaa ẽllẽẽmĩth allimanoothikuung ngagiita, hĩcĩ eelluung Lorii ꞌcĩ Ẽllẽẽmĩth ngagiit alayyio ho.

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.