ꞌJuud 1:23 - ꞌBuuk cĩ Thõõth cĩ Nyekuci

²³ Eellia eet ꞌcĩg adiim eelliaa ꞌgwoyyiaa ꞌcĩ aalla ũdũt. Nẽ tẽẽlꞌthĩtaa cĩ ꞌthinneeti cugguung, atamaattik eet ꞌcĩg adiim tamaati cunuung. Nẽẽthĩ, ĩcĩnĩt jurrung, umuddia ꞌgõõl ꞌcĩ occa aburru ꞌthẽccanẽẽt ꞌcĩg ẽꞌthẽcan rũgẽt cĩnĩĩng.

ꞌJuud 1:23 ပူးပေါင်းရင်းမြစ်များ

ꞌRooma 11:14

haꞌnyahi muhẽẽnĩt ꞌcĩ abũnnaa hoti, haĩ haaꞌnyĩk eet cĩgannĩg ũgĩ hiinanit ngaatĩ eellianĩ.

1 Korinthia 15:33

Ma haggiiꞌthu eleeti cugguung haaga noho. Ẽꞌthẽcannuung hatĩ ngagiit ꞌgoonogu ꞌcĩg abathĩ.

1 Korinthia 3:15

Má atũũthĩ ꞌcieeth cĩnnĩ ho, appĩĩrna hatĩ teheꞌnyioohiti gẽrrẽẽt, tananga eellia nẽẽnĩ.

2 Korinthia 5:11

Haga naag thõõth ꞌcĩ aĩ, hitingolli Makayyioohit nẽ huduktaak eet vẽlẽk hiita hĩ ĩnõõnnõ. Agayyeet Nyekuci ngagĩĩt ngaatĩ hĩĩgĩnnĩ eet ꞌcĩg haattĩg hutuno nẽ hammuhi agayyu niig buúk ngaatĩ hĩĩgĩnnĩ naag eet ꞌcĩg haattĩg hutuno.

2 Tẽꞌthaloonika 3:14

Ĩcĩnĩt eet ꞌcĩg abũrĩ thõõth ꞌcĩ hẽhẽẽdanna naag waragaawaa cĩ ho jurrung. Iliittia eet tĩko thõng, aꞌngaaõn hatĩ nẽẽg ẽmmẽn.

1 Timotteeo 4:16

ꞌThũũtĩ authet cĩ rũgẽt cunni hĩ thõõth ꞌcĩ allimaneehi eet jurrung! Ala dĩman thooꞌthiok iccig jurrung, hĩnĩngĩtĩ má aꞌthũũnnĩ, ẽẽla hatĩ ẽlẽ cunni nẽ hatĩ ẽẽla eet ꞌcĩg athikni nganiit buúk.

2 Yõaannẽ 1:11

Ẽẽtĩ ꞌcĩ akũtan eet ꞌcĩg aattĩg noho, õthõl nẽẽ hĩ ĩhõõggõ thooꞌthiok cĩggĩĩng ꞌcĩg abathĩ ho hõdẽĩ.

ꞌJuud 1:22

Atamaattik eet ꞌcĩg ĩccaad thõõth cĩ lemiinit cĩnĩĩng.

Terethiinit 3:18

Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.

Terethiinit 3:4

“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.