ꞌJuud 1:21 - ꞌBuuk cĩ Thõõth cĩ Nyekuci

²¹ Uꞌthuutti ꞌgoolliok cĩg mĩnnan cĩ Nyekuci, hĩcĩ nga ereeyyu Makayyioohit cĩnaac Yeesu Krĩstõ hẽtẽrẽtha tamaati cĩnnĩ ngaatĩ aaꞌnyuung rũgẽt ꞌcĩ aalla ooo.

ꞌJuud 1:21 ပူးပေါင်းရင်းမြစ်များ

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 14:21

Ẽẽtĩ ꞌcĩ aꞌthũũnnĩ tilooinit caannĩ, ĩnõõnnõ ꞌcĩ ammĩnannaa nganĩĩta. Nẽ ẽẽtĩ ꞌcĩ ammĩnannaa nganĩĩt ko, ammĩnan hatĩ Baaba buúk ĩnõõnnõ, hammĩnani hatĩ naa buúk eet tĩho nẽ heteretheeha ẽlẽ caannĩ ĩnõõnnõ.”

Dtiicanĩ cĩg ꞌThooyyiahu 11:23

Ma baa õdõlan Baarnaba nẽ ikia udtuuha bũnnai ꞌcĩ adĩman Nyekuci ho, accamanoothĩk nẽ irrioonĩk ĩhõõggõ haallattia hĩĩtõ lemmiook dĩdĩ cĩg Makayyiooktak ꞌthinneetinii cĩggĩĩng vẽlẽk.

ꞌRooma 5:21

Baa aggam ꞌthẽccanĩ eet, hĩnĩngĩtĩ daahĩth. Nẽẽthĩ ꞌyioko, aggam tarbalꞌthẽẽt cĩ Nyekuci eet nẽ elemeet Nyekuci ngagĩĩt, hĩnĩngĩtĩ Yeesu Krĩstõ Makayyioohit cĩnaac. Aĩ thõõth ciee, haꞌnyak hatĩ naag rũgẽt ꞌcĩ aalla ooo.

ꞌRooma 5:5

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

ꞌRooma 8:39

ꞌcĩ aku hẽẽtahujjieen hode ꞌtirrian ꞌcĩ aku loota, ꞌcĩ eꞌngerreet ngagĩĩt mĩnnaanaa cĩ Nyekuci. Hiꞌthihi ꞌgii ꞌcĩ occa eꞌngerreet ngagĩĩt hẽlẽggẽẽnnĩĩ vẽlẽk ĩĩcĩg ẽhẽnytaa mĩnnaanaa cĩ Nyekuci, hĩnĩngĩtĩ Yeesu Krĩstõ Makayyioohit cĩnaac.

2 Korinthia 13:14

Aꞌnyĩĩk bũnnai cĩ Makayyioohit cĩnaac Yeesu Krĩstõ hĩ mĩnnan cĩ Nyekuci hĩ rũmẽẽnĩt cĩ Lori ꞌcĩ Ẽllẽẽmĩth, haau hĩ ngagiit vẽlẽk.

2 Tẽꞌthaloonika 3:5

Hala naa Makayyioohit, hátĩ heteretheehuung ngagiit aꞌnyahit mĩnnan ꞌthinneetinii cugguung, haau hĩcĩ aꞌnyak Nyekuci nẽ etemeeꞌthu thooꞌthiok aauto hĩ Krĩstõ.

1 Timotteeo 1:2

Heheedihi naa waraga Timotteeo, loholeec caannĩ dẽẽdẽ lemiitta. Aꞌnyĩĩk Nyekuc Baangeet cĩnaac hĩ Makayyioohit cĩnaac Yeesu Krĩstõ hatamaattihii nẽ aanyti bũnnai hĩ ganõn.

2 Timotteeo 1:16

Aꞌnyĩĩk Nyekuc hatamaatĩk Onethivoro hĩ halang cĩnnĩ, hĩnĩngĩtĩ ĩnõõnnõ ꞌcĩ baa aaꞌnya hõkõm ꞌthĩnĩt, baa hõllõngaa aꞌngaaõn nẽẽ ngaatĩ aku acĩnna nganĩĩt, baa haaĩ baabuuthatõõ.

2 Timotteeo 1:18

Aꞌnyĩĩk Makayyioohit Yeesu Krĩstõ hatamaatĩk ĩnõõnnõ, kõr ꞌcĩ hatĩ ẽttẽẽdĩ nẽẽ thooꞌthiok cĩg lootu. Aga nii buúk gẽrrẽẽt, ngaatĩ baa ẽẽlla nẽẽ nganĩĩt ꞌgoolliohĩĩ ꞌcĩg mẽẽlĩg, baa haaĩ ꞌtaaũnaa cĩ Eevvetho.

2 Timotteeo 1:2

Timotteeo, ĩĩnĩ nii loholeec caannĩ cĩ ꞌthĩnĩtõ. ꞌNyaak bũnnai hĩ tamaati hĩ authet ꞌcĩ aayyi lõꞌngõõc, ꞌcĩ aku hĩ Nyekuc Baangeet hĩ Makayyioohit cĩnaac Yeesu Krĩstõ.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

2 Pẽẽtũrũ 3:12

hĩcĩ nga ereeyyu hikia kõrra ꞌcĩ akuuni Nyekuci nẽ ũbũratteek ngaatĩ occa akuuni hĩdĩĩkoothong. Kõr niccia, atũũth hatĩ nẽẽ hẽẽtkujjieen ꞌgwoyyia nẽ hatĩ obooyyi hẽlẽggĩ vẽlẽk abuurꞌtheta.

1 Yõaannẽ 4:16

nẽ haga naag nẽ helemit dĩdĩ hĩĩtõ, ammĩnanneet Nyekuci ngagĩĩta. Ĩĩn Nyekuci mĩnnan. Má haalla hammĩnan naag eleeti cĩggaac, haalla hatĩ harũmĩ naag ꞌthinneetinii cĩggaac hõdẽĩ hĩ Nyekuc nẽ hatĩ aala nẽẽ hũrũmtĩ hĩ ngagĩĩta.

1 Yõaannẽ 5:18

Haga naag jurrung haĩ, hõllõngaa aalla lohollia cĩg Nyekuci ẽꞌthẽcan thooꞌthiok. Hĩnĩngĩtĩ eteiini Ngeertĩ Nyekuci ĩhõõggõ nẽ hõllõngaa occa adĩman ꞌThĩttaanĩ ĩhõõggõ ꞌbuth.

1 Yõaannẽ 5:21

Niiga lõhõlẽẽtĩg, ũtũbũrĩt hẽlẽggĩ ꞌcĩg aar eeta hĩĩtõ nyekuꞌnya.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

ꞌJuud 1:22

Atamaattik eet ꞌcĩg ĩccaad thõõth cĩ lemiinit cĩnĩĩng.

ꞌJuud 1:24

Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa.

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.