ꞌJuud 1:20 - ꞌBuuk cĩ Thõõth cĩ Nyekuci

²⁰ Nẽẽthĩ, ꞌgotoonoga hĩ ngoonoga, aallattia uꞌthuutti lemiinit thõõthaa ĩbaa ẽllẽẽmĩth allimanoothikuung ngagiita, hĩcĩ eelluung Lorii ꞌcĩ Ẽllẽẽmĩth ngagiit alayyio ho.

ꞌJuud 1:20 ပူးပေါင်းရင်းမြစ်များ

Dtiicanĩ cĩg ꞌThooyyiahu 15:9

Baa hõllõngaa ahal Nyekuci ĩhõõggõ hĩ ngagĩĩta, hĩnĩngĩtĩ ũtũũny nẽẽ ꞌthinneeti cĩggĩĩng hĩĩtõ tẽllĩg, hĩnĩngĩtĩ lemiinit cĩnĩĩng.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

Dtiicanĩ cĩg ꞌThooyyiahu 9:31

Baa ikia aau lothippiti cĩ lemmioohu ganõõna looccaa cĩ ꞌJudeea hĩ ꞌGalileea hĩ Thamaria nẽ alaacõ Makayyioohit. Iita ittiranit nẽẽg gẽrrẽẽt, hĩnĩngĩtĩ ẽẽl Lorii ꞌcĩ Ẽllẽẽmĩth ĩhõõggõ aaꞌnyĩk hittoorri hĩĩtõ mẽẽlĩg.

ꞌRooma 15:2

Occa haaꞌnyĩk naag eet ꞌcĩg haarõõ haccamattoothĩk, hĩnĩngĩtĩ bũnnai cĩnĩĩng, hátĩ hĩtĩlĩthĩt nẽẽg thõõthaa cĩ Makayyiookto.

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

1 Korinthia 10:23

Ainnu niig ũgẽẽgĩ, “Occa hadĩmanna ꞌgii vẽlẽk hĩcĩ hadiimma!” Nẽẽthĩ haduhaakuung dĩdĩ, hõllõngaa occa abũnnaa hode eelluung hẽlẽggĩ vẽlẽk.

1 Korinthia 14:15

Nẽ hatĩ ꞌyioko hĩdĩmana naa hutuno? Halaayyi hatĩ loriiaa caannĩ nẽ hatĩ halaõ muhẽẽttaa caannĩ buúk, hebenni hatĩ loriiaa caannĩ nẽ hẽbẽnõ muhẽẽttaa caannĩ buúk.

1 Korinthia 14:26

Hõthõõth occa ꞌyioko haĩ ne ꞌgotoonoga hĩ ngoonoga? Má alũteennu niig hõdẽĩ, aꞌnyak eeta hõdẽĩ hõdẽĩ tẽgẽl hode thõõth cĩ ꞌlimmaanõ, hode thõõth cĩ terethiitto, hode ũtũg ꞌcĩ ꞌrĩĩng hode thõõth ꞌcĩ occa õkõbanni. Adiim occa adticanni thooꞌthioha cieeg vẽlẽk, hátĩ haanytĩk lothippit cĩ lemmioohu hittiran.

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

Eevvetho 4:12

hillimanit eeta cĩg Nyekuci ꞌgõõl ꞌcĩ adticanõõthĩkĩ eet ũgĩ, hátĩ hĩtĩlĩth ẽlẽ cĩ Krĩstõ hittiran.

Eevvetho 4:16

Arũm Krĩstõ ẽlẽ cĩnnĩ ho hĩĩ hõdẽẽthõng nẽ aaꞌnyĩk hidticattõõ dhooriꞌnya vẽlẽk jurrung, hĩcĩ alĩthĩ hokomit hĩnĩngĩtĩ mĩnnani.

Eevvetho 4:29

Ma hothooꞌthu thooꞌthiok ꞌcĩg abathĩ. Aanytĩk thooꞌthiok ꞌcĩg aduhaannu hĩĩ ꞌcĩg abũnnaa, hátĩ hẽẽl eet ꞌcĩg athiknuunga.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

1 Tẽꞌthaloonika 5:11

Nẽẽthĩ hoti ho, ũkũtanit ꞌgoonogu ngaatĩ eelonnu nyaagwaana, irrioottĩk, hátĩ hokomit ĩhõõggõ ꞌthinneeti, haau hĩcĩ ꞌthẽk adĩmannu ꞌyioko ho.

1 Timotteeo 1:4

Duhaak eet hũtũngteek thooꞌthiok ꞌcĩg ara nẽẽg athithan, õthõõthĩ dtẽẽllẽn ꞌcĩg ĩĩn õlõng hĩ ngaatĩ agiilanĩ hattũũgẽt baag maajihi cĩggĩĩng baag baangaani, ꞌcĩg aaꞌnyĩk ĩhõõggõ hẽppẽhattõõ haaga nẽ hõllõngaa aaꞌnyĩk ĩhõõggõ hidticanit thõõth cĩ Nyekuci, ꞌcĩ hammũda ꞌgõõlaa ꞌcĩ hẽlẽmmĩ thõõth cĩnnĩ diooni.

2 Timotteeo 1:5

Hummuhootha lemiinit cunni ꞌcĩ ĩĩn dĩdĩ, baa aꞌnyak morwahit cunni Yunitha, hĩ morwahit cunni cobbi Loiꞌtha nẽ ꞌyioko hagawa jurrung, aꞌnyahi nii buúk lemiinit tĩho.

Tiito 1:1

Waraga ꞌcĩ hẽhẽẽdakii naa Paaulo nganiit cieeni. Nganĩĩt appahaca cĩ Nyekuci nẽ hĩĩnĩ ꞌthooyyiahit cĩ Yeesu Krĩstõ. Baa hĩꞌthooyyia naa hikia hẽẽl eet baag ẽbẽra Nyekuci lemiitta hĩ ꞌgẽẽnyĩthaa cĩ thõõth ꞌcĩ ĩĩn dĩdĩ, hátĩ hiita haauto nẽẽg hĩ Nyekuci,

ꞌJeemith 2:22

Ĩcĩnĩt nõõ lemiinit cĩnnĩ ngaatĩ adticaniini hõdẽĩ hĩ dtiicanĩ cĩgĩnnĩg ꞌcĩg abũnnaa. Ikia ũttũbanoothĩk lemiiniti cĩnnĩ, hĩnĩngĩtĩ dtiicanĩ ꞌcĩg abũnnaa baag adĩman nẽẽnĩ.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

1 Yõaannẽ 5:4

Aga lohollia cĩg Nyekuci vẽlẽk, ngaatĩ occa ĩllõõanĩ looc nicci ꞌthẽccaanõ ho nẽ hammũda naag ꞌlõõani icci lemiittaa cĩnaac.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.

Terethiinit 13:10

Má adiim Nyekuci eet umwa haggamĩ hũũk baabuutha, aggammi ꞌthẽk hatĩnĩ, nẽ má adiim Nyekuci eet umwa huruhi, aruhi ꞌthẽk hatĩnĩ. Aĩ thõõth ciee nẽẽ, aaꞌnyĩk eet cĩg Nyekuci hetemeethito ꞌcannan nẽ elemit thõõth cĩnnĩ.