ꞌJuud 1:18 - ꞌBuuk cĩ Thõõth cĩ Nyekuci

¹⁸ Baa aduhaakuung nẽẽg aĩ, ma õbõhĩ decciaanĩtĩ cĩ lootu, aattĩg hatĩ eeta ꞌcĩg arannĩ Nyekuc nẽ ĩrrĩcatta thooꞌthiok ꞌcĩg abũraneek eleeti cĩggĩĩng dioo rũgẽtaa cĩnĩĩng.

ꞌJuud 1:18 ပူးပေါင်းရင်းမြစ်များ

Dtiicanĩ cĩg ꞌThooyyiahu 20:29

Haga naa uruta caannĩ, au hatĩ ꞌlimmanniooha ꞌcĩg ĩĩn oloꞌngiaak, ꞌcĩg aattĩg hĩ huduumwaana ꞌcĩg au acũda nyalõmaar, hiita huruktuung ngagiita.

2 Timotteeo 3:13

Nẽ eeta ꞌcĩg ẽꞌngẽjĩ ooti hĩ ꞌcĩg õõlõng aĩ hagayyia thõõth nẽ hõllõngaa aga dĩdĩ buúk ko, au hatĩ abathoothi nẽẽg gẽrrẽẽt, ĩggõõl ꞌgõõnõgĩ nẽ ĩggõõl eeta ĩhõõggõ buúk.

2 Timotteeo 4:3

Aaĩ hatĩ kõrra ꞌcĩ au aharrẽẽkĩ eeta ꞌlimman ꞌcĩ ĩĩn dĩdĩ cĩ Nyekuci ho nẽ utuhuyyi ũnnẽẽcõ hẽlẽggĩ ꞌcĩg abũraneek eleeti cĩggĩĩng haaga nẽ atabtõõthĩ ꞌlimmanniook ꞌcĩg aduhaak ĩhõõggõ thooꞌthiok cĩg adiim athĩhĩ nẽẽgĩ.

2 Pẽẽtũrũ 2:1

Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.

2 Pẽẽtũrũ 3:3

Ĩĩcĩ oou, abũnnaa agayyu ainnu, kõr cĩ decciaanĩt cĩ lootu, au hatĩ eeta ꞌcĩg arannuung ngagiit nẽ ũnnẽẽcõ thooꞌthiok ꞌcĩg abũraneek nẽẽgĩ.

ꞌJuud 1:16

Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.