ꞌJuud 1:16 - ꞌBuuk cĩ Thõõth cĩ Nyekuci

¹⁶ Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.

ꞌJuud 1:16 ပူးပေါင်းရင်းမြစ်များ

ꞌLuuka 15:2

Ma nĩngaata, õngõõngõõcõ Variꞌtheei hĩ ꞌlimmanniook cĩg nyattaalak ĩĩtõ, “Aũ ẽẽtĩ ciee ꞌthẽccanniook nẽ udukto hĩ ĩnõõnnõ hõdẽĩ!”

ꞌLuuka 19:7

Ma acĩn eeta vẽlẽk ꞌcĩg baag aattĩg nĩngaata, ngaatĩ ĩꞌthaaõnĩ Yeesu hĩ ꞌThakeeo ho, adahit ngunungunu ĩĩtõ, “Õkõ bẽrẽ Yeesu õlõõ cĩ ꞌthẽccanniookto.”

ꞌLuuka 5:30

Ongoongoeek hinnia Variꞌtheei hĩ ꞌlimmanniook cĩg nyattaalak nuyyiook cĩg Yeesu nẽ ijinit ĩĩttĩk, “Aduheennu gõõng hĩ eet ꞌcĩg alũt occoro hĩ ꞌthẽccanniook hõdẽĩ inni?”

Yõaannẽ 6:41

Ma nĩngaata, iita ongoongoyyieek eeta cĩg ꞌJudeei ĩnõõnnõ, hĩnĩngĩtĩ aĩ nẽẽ, “Hĩĩnĩ ũbũnĩ ꞌcĩ aku hẽẽtahujjieen.”

Yõaannẽ 6:61

Ma baa aga Yeesu ngaatĩ õngõõngõĩ nuyyiooha cĩgĩnnĩg ko, ikia ĩĩnnĩk ĩhõõggõ, “Ĩtĩkĩanuung ngagiit thõõth ciee thõng?

1 Korinthia 10:10

Nẽ ma hongoongoyyu hĩ baa õngõõngõ eeta ũgẽẽgĩ hõrggẽẽnaa cĩnĩĩng nẽ ikia uruk aajĩlõ cĩ daahĩthõõ ĩhõõggõ.

ꞌGalaaꞌthia 5:16

Nẽẽthĩ, hĩĩna naa nẽẽ, aꞌnyahit rũgẽt cunuung Loriiaa ꞌcĩ Ẽllẽẽmĩthĩ, nẽẽthĩ hatĩ iittiõõ hõllõngaa adticannu ꞌthẽccanẽẽt ꞌcĩg abathĩ ꞌcĩg abũraneeku niiga.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Pilippi 2:14

Ĩdticanit thooꞌthiok vẽlẽk ꞌgõõlaa ꞌcĩ hõllõngaa ongoongoyyu hode ẽppẽhanoonnu thõng,

1 Tẽꞌthaloonika 4:5

Ma hiigginnu appahacaaꞌnya cĩg thooꞌthiok ꞌcĩg abũraneeku niiga, hĩ eeta ꞌcĩg hõllõngaa aga Nyekuc.

1 Timotteeo 6:5

hĩ jore hĩ ngaatĩ õdõõmĩ ꞌgõõnõgĩ hĩ muhẽẽnĩt ꞌcĩ abathĩ nẽ aꞌnyak nẽẽ õõ ꞌcĩ abathĩ, ꞌcĩ hõllõngaa agaĩ thooꞌthiok ꞌcĩg ĩĩn dĩdĩ. Ammuk nẽẽg aĩ, ĩĩn thõõth cĩ Nyekuci ꞌcĩ hammũdaanĩ ꞌrabbẽẽta.

2 Timotteeo 4:3

Aaĩ hatĩ kõrra ꞌcĩ au aharrẽẽkĩ eeta ꞌlimman ꞌcĩ ĩĩn dĩdĩ cĩ Nyekuci ho nẽ utuhuyyi ũnnẽẽcõ hẽlẽggĩ ꞌcĩg abũraneek eleeti cĩggĩĩng haaga nẽ atabtõõthĩ ꞌlimmanniook ꞌcĩg aduhaak ĩhõõggõ thooꞌthiok cĩg adiim athĩhĩ nẽẽgĩ.

1 Pẽẽtũrũ 1:14

Aaut ꞌthẽk hĩ lohollia cĩg Nyekuci ꞌcĩg athĩknĩ. Ma nga hobodoothĩku thooꞌthiok baag ꞌrẽẽttĩg abathĩ, baa gõõng adĩmannu niig baa nga erekuung thõõtha.

1 Pẽẽtũrũ 2:11

ꞌGotoonoga hĩ ngoonoga, haduhaakuung naa ngagiit hanneekuung, iiginnu niig eet cĩg looc ꞌcĩ ꞌrĩĩng hĩ tahana loota nĩnga. Nẽẽthĩ hoti ho, halayyuung naa ngagiit ũtũngteek hẽlẽggĩ ꞌcĩg abũraneek eleeti cugguung ꞌcĩg aruhoonnu hĩ ngagiit ko.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.

2 Pẽẽtũrũ 3:3

Ĩĩcĩ oou, abũnnaa agayyu ainnu, kõr cĩ decciaanĩt cĩ lootu, au hatĩ eeta ꞌcĩg arannuung ngagiit nẽ ũnnẽẽcõ thooꞌthiok ꞌcĩg abũraneek nẽẽgĩ.

ꞌJuud 1:15

ꞌcĩg au ẽttẽẽd thooꞌthiok cĩg eet vẽlẽk. Uuk hatĩ Makayyioohiti ꞌthẽccanniook ꞌcĩg hõllõngaa ẽlẽmĩ ĩnõõnnõ, hĩnĩngĩtĩ ꞌthẽccanẽẽt ꞌcĩg baag adĩman nẽẽg hĩ ꞌcĩg õdõõmĩ Nyekuc.”

ꞌJuud 1:18

Baa aduhaakuung nẽẽg aĩ, ma õbõhĩ decciaanĩtĩ cĩ lootu, aattĩg hatĩ eeta ꞌcĩg arannĩ Nyekuc nẽ ĩrrĩcatta thooꞌthiok ꞌcĩg abũraneek eleeti cĩggĩĩng dioo rũgẽtaa cĩnĩĩng.