ꞌJuud 1:12 - ꞌBuuk cĩ Thõõth cĩ Nyekuci

¹² Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ.

ꞌJuud 1:12 ပူးပေါင်းရင်းမြစ်များ

Maatteeo 13:6

Nẽẽthĩ, ma baa ikia aabur kõrra, ikia ũtũũth kõrra mana hõdõhõk hĩĩ ꞌthĩĩ, hĩnĩngĩtĩ baa huturig cõrrẽẽna.

Maatteeo 15:13

Ẽdẽcĩ Yeesu ĩhõõggõ anneek, “Abbutanniaa hatĩ hẽẽna vẽlẽk ꞌcĩg baag hõllõngaa atiboolan Nyakangaan caannĩ ꞌcĩ aaĩ hẽẽtahujjieen cõrrẽẽnĩ noho.

Maarko 4:6

Ma baa ikia kõrra, ikia ũtũũth haal niccig hummuduhito ĩꞌthõng hodohohit, hĩnĩngĩtĩ hõllõngaa aduhun cõrrẽẽna huuꞌthĩk.

ꞌLuuka 12:45

ꞌYioko hĩĩ ꞌcĩ ammuhi dticciannioohiti aĩnnĩ, ‘Aitiõõ baa nẽẽ hõllõngaa aku nganĩĩt makayyioohiti hĩdĩĩkoothong,’ nẽ iꞌthianaaĩ õmmõg dticcianniook ꞌcĩg ngayyig hĩ ꞌcĩg maacĩg vẽlẽk nẽ uduho gẽrrẽẽt nẽ ũhũdĩ hũdũũt,

ꞌLuuka 16:19

Ma nĩngaata, uduhaak Yeesu eet ĩĩnnĩk, “Baa aaĩ ballioohiti umwaa ꞌcĩ ahimit ceremwa ꞌcĩg ꞌrẽggẽẽg ꞌcĩg õkõmĩ gẽrrẽẽt nẽ adak ꞌgẽẽn ꞌcĩ abũnnaa waathinniook vẽlẽk.

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

ꞌLuuka 8:6

Baa ĩꞌthanothoothĩk ũgẽẽgĩ ngaatĩ ĩĩn ꞌthẽhẽk nẽ ma baa ubuꞌthia, iita adaahito, hĩnĩngĩtĩ akadan cooni.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

1 Timotteeo 5:6

Nẽ ngaatĩbõyyĩ ꞌcĩ aaĩ authetaa ꞌcĩ uranganĩ ẽlẽ cĩnnĩ, adaak lorii cĩnnĩ ẽlẽk, tananga nga arũgĩ nẽẽnĩ.

Ebereei 13:9

Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.

ꞌJeemith 5:5

Baa nga aattiyyu niig loota nĩnga, baa ammuku heengti cugguung diooni nẽ accamattoothihu. Nẽẽthĩ ꞌyioko, ĩdĩktu aauttu hĩ merukwaaꞌnya ꞌcĩg õõt etteeddi thõng.