ꞌJuud 1:1 - ꞌBuuk cĩ Thõõth cĩ Nyekuci

¹ Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

ꞌJuud 1:1 ပူးပေါင်းရင်းမြစ်များ

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maatteeo 13:55

Hõllõngaa nooyyia ĩĩn nẽẽ ngeertĩ toddoyyioohit cĩ heenu? Hõllõngaa nooyyia aattĩnnĩ Maria nẽ ĩĩtõ ꞌJeemith hĩ Yothebo hĩ ꞌThimõõnẽ hĩ ꞌJuuda ꞌgõtõõnõgĩ?

Maarko 3:18

Andrea, Pilippo, Bartolomeeo, Maatteeo, Tomaaꞌthio, ꞌJeemith ngeertĩ Aliveo, Tadeeo, ꞌThimõõnẽ baa gõõng ĩĩn ꞌThilot,

Maarko 6:3

Hõllõngaa nooyyia ĩĩn nẽẽ ngeertĩ toddoyyioohit Yothebo nẽ ĩĩ aattĩnnĩ Maria? ꞌGõtõnĩ ꞌJeemithi hĩ Yothebo hĩ ꞌJuuda hĩ ꞌThimõõnẽ? Hõllõngaa nooyyia harũmĩ naag hĩ ngõõnõgĩ ngaati thõng?” Nẽ baa ittiha nẽẽ ꞌgẽẽnyĩth icci aaĩ hoti ho ĩĩna?

ꞌLuuka 6:16

hĩ ꞌJuuda ngeertĩ ꞌJeemithi hĩ ꞌJuuda Ithkarioote baa hatĩ aku ĩĩn hoppocciaahit.

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 14:22

Baa aaĩ nuyyioohiti umwaa ꞌcĩ haĩ ꞌJuuda nẽ hõllõngaa ĩĩn ꞌJuuda Ithkarioote. Nĩngĩtĩ ajini nẽẽ Yeesu annẽẽkĩ, “Makayyioohit, inni nii teretheeheet ngagĩĩt ẽlẽ cunni nẽ hõllõngaa eterꞌtheehi eet cĩg looc nicci buúk ko?”

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 17:15

Baaba, aitiõõ laiiniti caannĩ hõllõngaa ꞌcĩ hanneeki bĩtĩ ĩhõõggõ battaalaa cĩ looc nicci, nẽẽthĩ, hanneekii ꞌthũũtĩ ĩhõõggõ, hĩnĩngĩtĩ ꞌThĩttaan.

Yõaannẽ 17:17

Ĩĩn thõõth cunni thõõth ꞌcĩ ĩĩn dĩdĩ. Nẽ aꞌnyĩĩk thõõth cunni ꞌcĩ ĩĩn dĩdĩ ho, haaꞌnyĩk ĩhõõggõ hĩĩtõ eet cugunnig.

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Yõaannẽ 6:39

Nẽ tabiinit ꞌcĩ adiim ẽẽtĩ ꞌcĩ ĩꞌthõõannaa nganĩĩt ko cieeni. Occa hõllõngaa hadhuheehi eet umwa tuu, eetinii baag aaꞌnya nẽẽnĩ. Nẽẽthĩ, harũgtha hatĩ ĩhõõggõ kõr cĩ decciaanĩt cĩ lootu.

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

Dtiicanĩ cĩg ꞌThooyyiahu 27:23

Hĩĩnĩ naa eet cĩ Nyekuci nẽ habuluthi naa ĩnõõnnõ. Ĩꞌthõõa nẽẽ aajĩlõ umwa aabaal,

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 1:6

Aattiyyu niig buúk hõrggẽẽnaa cĩ eet ꞌcĩg avva Yeesu Krĩstõ hĩĩtõ cĩgĩnnĩg ko.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

ꞌRooma 8:30

Nĩngĩtĩ ẽlẽmmĩ Nyekuci eet baag ẽbẽra nẽẽ baa ĩĩcĩ oou ẽlẽk nẽ otholit bulẽẽnĩt cĩnnĩ hĩ ĩhõõggõ.

ꞌRooma 9:24

Hĩĩgĩn naag eet ꞌcĩg heberriaa ho, eetinii cĩg ꞌJudeei hĩ ĩcĩg hõllõngaa ĩĩn ꞌJudeei,

1 Korinthia 1:2

Hẽhẽẽdakuung naa ngagiit waraga, lothippit cĩ lemmiook cĩg Nyekuci ꞌtaaũnaa cĩ Korinthia. Baa ẽbẽraauung Yeesu Krĩstõ ngagiit ĩĩtõ eet cĩgĩnnĩg dẽẽdẽ nẽ alayyioou ꞌthaarĩĩ cĩgĩnnĩg, haau hĩcĩ ꞌyioko hala naag hĩ eet ũgĩ vẽlẽk ꞌcĩg aũ ĩnõõnnõ anneek Makayyioohit.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

1 Tẽꞌthaloonika 2:12

Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

2 Timotteeo 4:18

Ẽẽlannaa ꞌthẽk hatĩ gõõng nganĩĩt Makayyioohiti thooꞌthiohĩĩ vẽlẽk, ĩcĩg abathĩ nẽ hatĩ ũũka nganĩĩt habuccieetaa cĩnnĩ hẽẽtahujjieen lõꞌngõõc. Haau bulẽẽnĩtĩ hĩ ĩnõõnnõ ooo! Aamẽn.

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 1:5

Nẽ hĩnĩngĩtĩ lemiinit cunuung ko, aꞌthuunnuung hatĩ ngagiit Nyekuci ꞌtirriaanaa cĩnnĩ, ĩꞌthõng ummuddia elliaanĩt icci, ꞌcĩ ereeyyi, hátĩ hetereꞌthiaa kõr cĩ decciaanĩt cĩ lootu, hátĩ hĩcĩnĩt eeta vẽlẽk.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

ꞌJuud 1:21

Uꞌthuutti ꞌgoolliok cĩg mĩnnan cĩ Nyekuci, hĩcĩ nga ereeyyu Makayyioohit cĩnaac Yeesu Krĩstõ hẽtẽrẽtha tamaati cĩnnĩ ngaatĩ aaꞌnyuung rũgẽt ꞌcĩ aalla ooo.

ꞌJuud 1:3

ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng.