9 ꞌGotoonoga hĩ ngoonoga, ma hongoongoeeku ꞌgoonogu, hode etteedoothĩkuung hinnia hatĩ ngagiit thõõtha. Hĩnĩngĩtĩ ĩbĩl ꞌgaadĩ ꞌcĩ ẽttẽẽd thõõth hattũũga.
Má baa hĩĩ ꞌcĩ adticanĩ nii ꞌgii ꞌcĩ abũnnaa, occa ꞌyioko hõllõngaa accamanoothihi? Nẽẽthĩ, hĩnĩngĩtĩ baa idticanuu nii thõõth ꞌcĩ abathĩ, õtõgõlaahi nganiit ꞌthẽccanĩ hattũũgaa cunni, adiim aggammi nganiita, ma hẽlẽmaakĩ hĩllõõaniina.”
Ma icittu thooꞌthiok iccig vẽlẽk, agaac ĩĩtõ õbõhĩ ꞌthaa.
Ma icittu niig thooꞌthiok iccig ẽdẽẽnyta, agaac ĩĩtõ, õbõhĩ kõrra tĩho aau ojoonu.
Nĩngĩtĩ aꞌnyahẽẽkĩ Erodia Yõaannẽ mẽdẽr nẽ idiim uruk ĩnõõnnõ thõng, nẽẽthĩ hinnia, baa hõllõngaa ammũda ꞌgõõl ꞌcĩ occa aruhi ĩnõõnnõ ũdũt.
Baa adĩmanoothĩk thooꞌthioha cieeg ĩhõõggõ, hĩĩtõ terethiinit nẽ baa eheeddi loota hĩĩtõ tilooinit ꞌcĩ ilootteet ngagĩĩt eet ꞌcĩg hõbõktõõ hĩ decciaanĩt cĩ lootu ho.
Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.
Aꞌnyĩĩk eet hõdẽĩ hõdẽĩ hittikta ꞌbaaninit cĩnĩĩng ꞌgõõlaa cĩ muhẽẽnĩt cĩ ꞌthinneeti cĩggĩĩng, hõllõngaa ꞌgõõlaa ꞌcĩ aitiõõ hõllõngaa adiim nẽẽgĩ hode attĩnganõõthĩkĩ thõng, hĩnĩngĩtĩ ammĩnan Nyekuci eet ꞌcĩg attiha ꞌbaaninit taliitta.
Arummiaa nyattalĩ vẽlẽk hĩĩ hõdẽẽthõng aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”
Nẽẽthĩ ꞌyioko, occa hõllõngaa hathĩngõõnyan, nẽ hongoongoyyiõõ ngaatĩ haĩnnĩ hĩllõõan ꞌgoonogeet.
ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.
Nyekuc dioo, baa aaꞌnyĩk eet nyattal ꞌcĩ ẽttẽẽd thõõth. Ĩnõõnnõ dioo ꞌcĩ aꞌnyak ꞌtirrian ꞌcĩ ẽẽlanĩ eet, hode aruhi eet hadaahito. Thõõth iina ꞌcĩ aũlan ꞌcĩ aꞌnyahi nii, ꞌcĩ occa ẽttẽẽdĩkĩĩ eet ꞌcĩ aaronnu thõõth ko?
Hõlõ, ũnnẽẽc terethiinit baa põrõvẽtaaꞌnya baag õthõõth thõõth cĩ Makayyiookto. Baa adĩhan nẽẽg ꞌcannan korrioohĩĩ baag accananiini nẽẽgĩ.
ꞌGotoonoga hĩ ngoonoga, ereeyyio ĩꞌthõng hõbõda Makayyioohiti. Aaut hĩ kattiooha cĩg maneenu aag gõõng ereeyyi ĩꞌthõng hĩtĩĩl tammu nẽ tarĩ, ereeyyio ĩꞌthõng hibbiir mana.
Nẽẽthĩ, attacan hatĩ nẽẽg Nyekuc ꞌcĩ aga ngaatĩ ẽttẽẽdĩ thõõth cĩ eet ꞌcĩg arũgĩ hĩ ꞌcĩg adaahito.
Aanytĩk hẽẽrõn ꞌcĩg au olooyyiohĩĩ cugguung, nĩngĩtĩ ũꞌnyaahu hĩ ꞌgẽẽn ꞌcĩ adahĩ nẽ ma hongoongoeeku ĩhõõggõ.
Nẽ ĩthĩktaangu nganĩĩt jurrung ciee habili hattũũgaa cunuung nẽ huruha, má ĩthĩk eet umwaa molook caannĩ nẽ ubbuuk hattũũg, hadukna hatĩ nẽ hiita huduktooa hõdẽĩ hĩ ĩnõõnnõ.