ꞌJeemith 5:7 - ꞌBuuk cĩ Thõõth cĩ Nyekuci

⁷ ꞌGotoonoga hĩ ngoonoga, ereeyyio ĩꞌthõng hõbõda Makayyioohiti. Aaut hĩ kattiooha cĩg maneenu aag gõõng ereeyyi ĩꞌthõng hĩtĩĩl tammu nẽ tarĩ, ereeyyio ĩꞌthõng hibbiir mana.

ꞌJeemith 5:7 ပူးပေါင်းရင်းမြစ်များ

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 24:27

Aaĩ hatĩ kõrra ꞌcĩ akuuni Ngeertĩ Eeto hĩ bõrõhẽẽcĩ ꞌcĩ ammadĩ, ꞌcĩ aku ĩĩcĩ uruto, acĩn eeta ĩĩcĩ õkõlõõthĩkĩ kõrra vẽlẽk nẽ aaĩ hatĩ kõrra cĩ akuuni Ngeertĩ Eeto noho.

Maatteeo 24:44

Nẽ aaut dĩkĩĩm niig buúk jurrung, hĩnĩngĩtĩ aku hatĩ Ngeertĩ Eeto kõr ꞌcĩ hatĩ hõllõngaa ammuhuneeku ĩnõõnnõ ngaatĩ akuuni.

ꞌLuuka 18:8

Haduhaakuunga, aaꞌnyĩk ꞌthẽk hatĩ nẽẽ ĩhõõggõ hummuddia eliinit hĩdĩĩkoothong. ꞌYioko occa ꞌthẽk hatĩ ma õbõda Ngeertĩ Eeto, ammũdaak occa ꞌthẽk hatĩ lemiinit loota nĩnga?”

ꞌLuuka 21:27

Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

Yõaannẽ 21:22

Ẽdẽcĩ Yeesu anneek, “Má hadiimi naa ĩnõõnnõ hũrũg ĩꞌthõng hõbõda naana, ne niccia hĩ nganiit? Adiim anũyyaa nii nganĩĩta.”

Yõaannẽ 21:23

Hĩnĩngĩtĩ thõõth icci, iita ithithanit nuyyiooha thõõth icci ĩĩtõ, iittiõõ hatĩ nuyyioohiti nicciee hõllõngaa adaahĩ. Nẽẽthĩ, baa hõllõngaa aĩ Yeesu, hõllõngaa hatĩ adaahĩ nẽẽnĩ. Baa aduha nẽẽ thõõth hõdẽẽthõng diooni ꞌcĩ aĩ, “Má hadiimi naa ĩnõõnnõ hũrũg ĩꞌthõng hõbõda naana, ne niccia hĩ nganiit?”

ꞌRooma 15:4

Hĩnĩngĩtĩ hẽlẽggĩ baag eteheeddi loota ꞌBuuhaa cĩ Nyekuci baa hũnũũk, baa eheeddi hillimatteet ngagĩĩt temeethi hĩ ngaatĩ akũtanneet ngagĩĩt, hátĩ haꞌnyahit muhẽẽnĩt ꞌcĩ abũnnaa.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

1 Korinthia 1:7

Nẽẽthĩ hoti ho, aꞌnyaku niig ꞌbaaninit cĩ Loriio nga ereeinnu taliitta, huppwaanna Makayyioohiti cĩnaac Yeesu Krĩstõ.

ꞌGalaaꞌthia 5:5

Nẽẽthĩ, aaꞌnyeet Lorii ꞌcĩ Ẽllẽẽmĩth hagaac ngaatĩ aaꞌnyeet Nyekuci hũbũttaath, hĩnĩngĩtĩ helemit naag Krĩstõ.

ꞌGalaaꞌthia 6:9

Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

Kolooꞌthe 1:11

Halaiinna naag, hátĩ okomit niig bulẽẽttaa cĩ ꞌtirrian cĩnnĩ, hátĩ aꞌnyahit temeethi vẽlẽk ꞌcĩ adiimmu niiga. Aꞌnyĩĩk Nyekuc haaꞌnyuung taliinit.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

Ebereei 6:15

Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

ꞌJeemith 5:10

Hõlõ, ũnnẽẽc terethiinit baa põrõvẽtaaꞌnya baag õthõõth thõõth cĩ Makayyiookto. Baa adĩhan nẽẽg ꞌcannan korrioohĩĩ baag accananiini nẽẽgĩ.

ꞌJeemith 5:3

Ohonooꞌthi ngagiit maccĩrẽẽna cugguung hĩ ꞌdaab. Adticaniini hatĩ Nyekuci honoothi cĩ ꞌdaabõ hĩ cĩ maccĩrẽẽnu ho, hĩĩ terethiinit ꞌcĩ hatĩ ukẽẽnĩt cunuung, ꞌcĩ atũũthẽnĩ eleeti cugguung ꞌgwoyyia. Baliiniti ciee athaddu niig ko, ĩĩn hatĩ ukẽẽnĩt cunuung kõr ꞌcĩ ẽttẽẽdĩkĩ Nyekuci eet thooꞌthiok.

2 Pẽẽtũrũ 3:4

Õthõõth hatĩ nẽẽg aĩ, “Aau thõõth baa aĩ, õbõda hatĩ Yeesu tarĩ hutuno? Nganĩngĩtĩ adaaknĩ hĩbaangĩ, aalla ꞌgii vẽlẽk nganĩngĩtĩ ẽhẽnytaanĩ Nyekuci looc.”