ꞌJeemith 5:6 - ꞌBuuk cĩ Thõõth cĩ Nyekuci

⁶ Etteediku niig eet thooꞌthiok nẽ uruktu eet ꞌcĩg ammĩrĩ, tananga ẽlẽmĩ thooꞌthiok cugguung.

ꞌJeemith 5:6 ပူးပေါင်းရင်းမြစ်များ

Maatteeo 21:38

“Ma baa acĩn nẽẽg buulenit cĩ baattĩ manu ho, iita utuhattõõ nyaagwaana ĩĩtõ, ‘Ngeerĩnĩ niccieeni, aku hatĩ arigith mana, huruhit ĩnõõnnõ! Nẽ hootti mana icci hĩĩ cĩnaac.’

Maatteeo 27:20

Nẽẽthĩ hinnia, baa alũllũũman makayyiooha cĩg paadĩrꞌnyaannu hĩ makayyiook cĩg eetuk lothippit hijinit Pĩlaatõ hõõgak ĩhõõggõ Barabbath nẽ uruk ꞌcĩ ĩĩn Yeesu.

Maatteeo 5:39

Nẽẽthĩ, haduhaakuung hanneekuung, ma haburru eet ꞌcĩ adĩmannuung ngagiit ꞌbuth. Má atabaaꞌngi eet umwaa mũũcĩc cĩ aꞌthiit cobbi, aꞌnyĩĩk hatabaang cĩ aꞌthiit ꞌcĩ hidici buúk.

Dtiicanĩ cĩg ꞌThooyyiahu 22:14

“Nĩngĩtĩ anneeka, ‘Ẽbẽraai Nyekuci cĩ hĩbaangĩ cĩggaac nganiit gaa tabiinit cĩnnĩ, hátĩ cĩĩn Eet ꞌcĩ Abũnnaa nẽ ithihu molook cĩ ũtũg cĩnnĩ.

Dtiicanĩ cĩg ꞌThooyyiahu 7:52

Aaĩ nooyyia baa põrõvẽtaacĩ umwaa ꞌcĩ nga huruhit hĩbaangĩ cugguung? Ucuddia nõõ nẽẽg põrõvẽtaaꞌnya baag aduha thõõth ꞌcĩ akuuni Ẽẽtĩ cĩ Abũnnaa. Nẽ ꞌyioko õhõppõõcattu niig ĩnõõnnõ nĩngĩtĩ aruku.

Dtiicanĩ cĩg ꞌThooyyiahu 8:32

Baa agiil ꞌgaalacĩ ciee nĩngĩtĩ eheeddi ꞌBuuhaa cĩ Nyekuci aĩ, “Baa anũĩ nẽẽ hĩ aꞌthẽẽtĩ ꞌcĩ õkõ etteeddi thõng. Baa emmeethĩk nẽẽ hĩ mĩꞌnyõõn cĩ aꞌtheeto ꞌcĩ aꞌthudan tũhayyioohiti ĩma.

Ebereei 10:38

Nẽẽthĩ, arũgĩ hatĩ ẽẽtĩ caannĩ ꞌcĩ abũnnaa, hĩnĩngĩtĩ lemiinit. Nẽ aitiõõ hatĩ naa hõllõngaa haccamanoothihi, hatĩ aaĩ ẽẽtĩ umwaa ꞌcĩ abũrra nganĩĩta.”

ꞌJeemith 2:6

Nẽẽthĩ, baa hinnia odoommu niig hullaha thõng. Hõllõngaa nooyyia balliook ꞌcĩg arratannuung ngagiita? Hõllõngaa noyyia ĩhõõggõ ꞌcĩg agurreekuung ngagiit lokihooa?

ꞌJeemith 4:2

Adiimmu niig hẽlẽggĩ ꞌcĩg hõllõngaa aꞌnyaku, nẽ atattaamattu ꞌgõõl ꞌcĩ occa ammũdaannu. Occa aruku eet, hátĩ ummuddia ꞌgii tĩho. Nẽẽthĩ, aalla hõllõngaa occa ammũdaannu hẽlẽggĩ ꞌcĩg adiimmu ho noho, nẽ occa hõllõngaa ammũdaannu jora hode nyappẽha. Adiim occa alayyu Nyekuc, hátĩ ummuddia ꞌgii ꞌcĩ adiimmu ho.

1 Pẽẽtũrũ 4:18

Eheeddi ꞌBuuhaa cĩ Nyekuci aĩ nẽẽ, “Má õkõmĩ hĩ eet ꞌcĩg abũnnaa ngaatĩ eellianĩ, aaĩ occa hinnia hatĩ hutuno hĩ eet ꞌcĩg hõllõngaa iꞌngolli Nyekuc hĩ ꞌthẽccanniook?”