ꞌJeemith 5:5 - ꞌBuuk cĩ Thõõth cĩ Nyekuci

⁵ Baa nga aattiyyu niig loota nĩnga, baa ammuku heengti cugguung diooni nẽ accamattoothihu. Nẽẽthĩ ꞌyioko, ĩdĩktu aauttu hĩ merukwaaꞌnya ꞌcĩg õõt etteeddi thõng.

ꞌJeemith 5:5 ပူးပေါင်းရင်းမြစ်များ

ꞌLuuka 16:19

Ma nĩngaata, uduhaak Yeesu eet ĩĩnnĩk, “Baa aaĩ ballioohiti umwaa ꞌcĩ ahimit ceremwa ꞌcĩg ꞌrẽggẽẽg ꞌcĩg õkõmĩ gẽrrẽẽt nẽ adak ꞌgẽẽn ꞌcĩ abũnnaa waathinniook vẽlẽk.

ꞌLuuka 16:25

“Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.

ꞌRooma 13:13

Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk.

1 Timotteeo 5:6

Nẽ ngaatĩbõyyĩ ꞌcĩ aaĩ authetaa ꞌcĩ uranganĩ ẽlẽ cĩnnĩ, adaak lorii cĩnnĩ ẽlẽk, tananga nga arũgĩ nẽẽnĩ.

2 Timotteeo 3:4

Au hatĩ õhõppõõcan ꞌgõõnõgĩ, ajanĩ thooꞌthiok tahatak, attik iꞌnyiaati nẽ accamattoothĩk, hĩnĩngĩtĩ ammĩnan ngaatĩ adĩmanĩ thooꞌthiok ꞌcĩg adiim nẽẽgĩ nẽ ũtũbũrĩt ngaatĩ ammĩnanĩ Nyekuc.

2 Pẽẽtũrũ 2:13

Acuddiaa hatĩ nẽẽg, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽg ko. Aangal nẽẽg ngaatĩ adĩmanĩ karramẽẽt nẽ ĩdĩmanit thooꞌthiok ꞌcĩg ĩĩn ꞌriiring waath ꞌcĩg abũraneek eleeti cĩggĩĩng. Ĩĩn nẽẽg eet ꞌcĩg aꞌnyahaakuung ngagiit thooꞌthiok ꞌcĩg abathĩ hõrggẽẽnaa cunuung.

ꞌJuud 1:12

Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ.

Terethiinit 18:7

Aꞌnyĩĩk ĩnõõnnõ ukẽẽnĩt hĩ huciith ꞌcĩ ĩllõõanĩ, hĩ baa abuluth nẽẽ ẽlẽ cĩnnĩ nẽ abalõ. Aĩ nẽẽ ꞌthĩnĩtaa cĩnnĩ nẽẽ, ‘Haayyi naa dtaaba nẽ hĩĩnĩ habu ꞌcĩ ngayyi, hõllõngaa hĩĩnĩ ngaatĩbõyyĩ nẽ hõllõngaa hatĩ homoꞌthi ũdũt.’