ꞌJeemith 5:19 - ꞌBuuk cĩ Thõõth cĩ Nyekuci

¹⁹ ꞌGotoonoga hĩ ngoonoga, má baa arahan eet umwaa hõrggẽẽnaa cunuung thõõthaa ꞌcĩ ĩĩn dĩdĩ, immiirria ĩnõõnnõ.

ꞌJeemith 5:19 ပူးပေါင်းရင်းမြစ်များ

Maatteeo 18:15

“Má adĩmannii ꞌgotonu ꞌbuth, bĩĩt teretheek ĩnõõnnõ bathi cĩnnĩ ngaatĩ burki. Má athĩkniina, ẽẽla nii ĩnõõnnõ.

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

ꞌGalaaꞌthia 6:1

ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.

1 Timotteeo 6:10

Hĩnĩngĩtĩ má haangal ꞌrabbẽẽtĩ, hau hadtican thooꞌthiok vẽlẽk ꞌcĩg abathĩ. Aauto eeta ũgẽẽgĩ ꞌcĩg ꞌthẽk ummuhit ꞌrabbẽẽt diooni nẽ ataarriothĩ thõõth cĩ lemiinit cĩ Nyekuci nẽ aaꞌnyĩk ĩhõõggõ hiita haccanattĩ nẽ ummuddia pĩĩrnanĩt ꞌcĩ ahuci gẽrrẽẽt haaga noho.

1 Timotteeo 6:21

Aauto eeta ũgẽẽgĩ ꞌcĩg ũtũbũrĩt ngaatĩ ẽlẽmmĩ thõõth cĩ Nyekuci, ngaatĩ anũĩ thooꞌthiok ꞌcĩg aattĩg hĩ cieegi. Aꞌnyĩĩk Nyekuc haggatanii nganiita.

2 Timotteeo 2:18

ꞌcĩg arahanit thõõthaa cĩ Nyekuci ĩcĩ ĩĩn dĩdĩ. Aĩ nẽẽg, ũrũgta eeta baag adaahito ẽlẽk. Nẽ ĩĩn thõõth ciee õlõng, ꞌcĩ ẽꞌthẽcan ooti cĩg eet ũgĩ ꞌcĩg elemit thõõth cĩ Nyekuci.

Ebereei 5:2

Ĩĩn paadĩrĩ cobbi buúk eet haaga ꞌcĩ hõllõngaa attiranĩ nẽ aga ngaatĩ ammaannĩkĩ eet ꞌcĩg ẽrẽk thõõth nẽ arahanita.

ꞌJeemith 1:16

ꞌGotoonoga hĩ ngoonoga, ma haaꞌnyiku eet umwa higgooluung ngagiita.

ꞌJeemith 1:19

ꞌGotoonoga hĩ ngoonoga, ĩthĩhĩt thõõth icci, aꞌnyĩĩk eet hõdẽĩ hõdẽĩ hĩthĩktõ hĩdĩĩkoothong nẽ ma hothooꞌthu hĩdĩĩkoothong nẽ ma haliilliyyu hataman.

ꞌJeemith 3:14

Nẽ má abbĩꞌthĩĩ iniaani ꞌcĩ abathĩ hĩ thĩngõõnyani ꞌthĩnĩtaa cunni, ma hatali hode ma hammuti thõõth ꞌcĩ ĩĩn dĩdĩ.

ꞌJeemith 5:20

Nẽẽthĩ, ummuhuttooth thõõth icci. Ẽẽtĩ ꞌcĩ ammiira ꞌthẽccannioohit ꞌgõõlaa ꞌcĩ abathĩ, ẽẽla ẽẽtĩ tĩho ĩnõõnnõ daahĩtha nẽ ũmmũt ꞌthẽccanẽẽt ꞌcĩg mẽẽlĩg gẽrrẽẽt.

2 Pẽẽtũrũ 3:17

Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

ꞌJuud 1:11

Nẽẽthĩ ꞌyioko, ikiaak ĩhõõggõ pĩĩrnanĩtĩ cobbi gẽrrẽẽt. Ũnnẽẽcõ nẽẽg terethiinit cĩ Kaiino baa aruk ꞌgõtõnĩ nẽ ĩdĩmanit ꞌthẽccan baa adtican Balaamĩ, ngaatĩ arrĩcanaanĩ thõõth cĩ ꞌrabbeetu diooni. Nẽ tarĩ, ũtũbũrĩt Nyekuc buúk hĩ baa abũrĩ Kõõra. Hĩnĩngĩtĩ thooꞌthiok iccig vẽlẽk, aruk hatĩ Nyekuci ĩhõõggõ.