ꞌJeemith 5:16 - ꞌBuuk cĩ Thõõth cĩ Nyekuci

¹⁶ Má baa ẽꞌthẽcattoou niiga, occa aduhaaku ꞌgoonogu ꞌthẽccanẽẽt ꞌcĩg baa adĩmannu ho. Nẽẽthĩ, alayyiooyyu eleeti hõdẽĩ, hátĩ hũtũngeek Makayyioohiti ꞌthẽccanẽẽt cugguung. Attiran laiiniti cĩ eet ꞌcĩ abũnnaa nẽ aga ngaatĩ eelluung ngagiit gẽrrẽẽt.

ꞌJeemith 5:16 ပူးပေါင်းရင်းမြစ်များ

ꞌThianaattõ 19:29

Nẽ hoti ho, ꞌgõõl ꞌcĩ baa atũũthĩ Nyekuci ꞌtaaũnniook cĩg unak baa aayyi Lõõtĩ ho cieeni. Baa ammuhunoothi nẽẽ ĩlaali baa Abũrahamĩ, ĩnõõ ꞌcĩ ẽlẽmaakĩ nẽẽ Loot hũũk hutuguthi nga hũtũũth nẽẽ ꞌtaaũnniook baag aayyi Lõõtĩ ho.

ꞌThianaattõ 20:17

Nĩngĩtĩ alaĩ Abũrahamĩ Nyekuc nẽ aaꞌnyĩk Nyekuci Abimelek hĩ ngaa cĩnnĩ hĩ dticcianniook ꞌcĩg ngayyig cĩgĩnnĩg hũbũttaathõ haꞌnyahit lõhõlĩ.

ꞌThianaattõ 20:7

Nẽ ꞌyioko, bõdẽẽhĩ Abũrahaamõ ngaa cĩnnĩ, hĩnĩngĩtĩ ĩĩn nẽẽ põrõvẽtaac caannĩ. Alaiini hatĩ nẽẽ nganiit, hátĩ hiittiõõ hõllõngaa adaahi. Nẽ má hõllõngaa õbõdẽẽkĩ ngaa icci hĩ maac cĩnnĩ, haduhaakiina, adaaknu hatĩ hĩ eet cugunnig vẽlẽk!”

ꞌThianaattõ 32:28

Ẽdẽcĩ ẽẽtĩ nicciee ĩnõõnnõ tarĩ anneek, “Iittiõõ hatĩ hõllõngaa hainni nganiit Yakobo tarĩ. Hiitti hatĩ nganiit Ĩꞌthĩraẽl, hĩnĩngĩtĩ anyamanuu nii Nyekuc hĩ eet vẽlẽk.”

Luugithõõ 17:11

Ma baa õdõng Mũũꞌtha athĩn cĩgĩnnĩg ꞌjieena, ĩllõõan eeta cĩg Ĩꞌthĩraẽlĩ mĩrõk, má aarĩk nẽẽ athĩn cĩgĩnnĩg loota, ĩllõõan hinnia eeta cĩg Amalẽhĩ.

Luugithõõ 9:33

Nĩngĩtĩ ũũnnĩkĩ Mũũꞌtha habu cĩ Ijjibi nẽ ũũk battaalaa cĩ ꞌtaaũnõõ nẽ odongeek athĩn cĩgĩnnĩg Makayyioohit, nĩngĩtĩ ahulꞌthi tammu cĩ telleenu ho nẽ iittiõõ hõllõngaa ĩccaayyi.

Maatteeo 21:22

Má aꞌnyaku niig lemiinit hatĩ alaiinnu, aga Nyekuci ngaatĩ aaꞌnyuung ꞌgii ꞌcĩ ajinnu niig ko.”

Maatteeo 3:6

nẽ uduktaak ĩnõõnnõ ꞌthẽccanẽẽt cĩggĩĩng, nĩngĩtĩ aggamẽẽkĩ nẽẽ ĩhõõggõ baattithimo hidiowwaa cĩ ꞌJõrdanĩ.

Maarko 1:5

Baa õõ eeta vẽlẽk cĩg looc cĩ ꞌJudeea hĩ cĩg ꞌJeruꞌthalẽmĩ hĩ Yõaannẽ, hõõt huduktaak ĩnõõnnõ ꞌthẽccanẽẽt cĩggĩĩng nẽ aggameek ĩhõõggõ baattithimo lĩĩlaa cĩ Hidioo cĩ ꞌJõrdanĩ.

ꞌLuuka 9:6

Nĩngĩtĩ ĩꞌngaannĩ ꞌthooyyiaha õõĩ olooyyiohĩ vẽlẽk nẽ illimanit nyeemuut ꞌcĩ abũnnaa nẽ aanytĩk eet hũbũttaathõ mooriꞌthioohĩ lõkõrẽẽt vẽlẽk.

Yõaannẽ 9:31

Hagayya naag hõllõngaa athĩhĩ Nyekuci ꞌthẽccanniook. Athĩhĩ nẽẽ eet ꞌcĩ aꞌthũũnnĩ thõõth cĩnnĩ nẽ ĩdĩman tabiinit cĩnnĩ.

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

Dtiicanĩ cĩg ꞌThooyyiahu 19:18

Nĩngĩtĩ auuni eeta ꞌcĩg baag ĩĩtõ lemmiook, aduhaakĩ eet vẽlẽk ꞌthẽccanẽẽt ꞌcĩg baag adĩman nẽẽgĩ.

Dtiicanĩ cĩg ꞌThooyyiahu 8:24

Nĩngĩtĩ aĩnnĩ ꞌThimõõnẽ, “Ẽlẽ, laooyya baaĩ nuun hĩ Makayyioohit, hátĩ hiittiõõ thõõth ꞌcĩ aduha nii ho hõllõngaa adaka nganĩĩt ꞌgiimwa.”

ꞌRooma 3:10

Hĩcĩ eheeddi ꞌBuuhaa cĩ Nyekuci aĩ, “Aitiõõ ẽẽtĩ ꞌcĩ abũnnaa tõõ, hiꞌthihi tananga hõdẽẽthõng haaga;

ꞌRooma 5:19

Baa hõllõngaa athĩhĩ Aadamĩ thõõth cĩ Nyekuci nẽ ĩtĩhĩĩnak eet ꞌcĩg mẽẽlĩg hĩĩtõ ꞌthẽccanniook. Nẽẽthĩ, baa athĩhĩ Yeesu Nyekuc nẽ aaꞌnyĩk eet ꞌcĩg mẽẽlĩg hũbũttaathõ muumaa cĩ Nyekuci.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

1 Tẽꞌthaloonika 5:17

Alayyio hõdõõkõthĩ.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

1 Tẽꞌthaloonika 5:25

Hõlõ, ꞌgotoonoga hĩ ngoonoga, alayyiooyyieetu niig buúk ngagĩĩta.

Ebereei 11:4

Baa lemiinit cĩ Abeele ꞌcĩ aaꞌnyĩk Nyekuc hẽlẽm ꞌgaarrieenit cĩnnĩ, hĩllõõan cĩ Kaiino. Baa aaꞌnyĩk ꞌbaaniniti Abeele hĩĩ eet ꞌcĩ abũnnaa nẽ ẽlẽm Nyekuci ꞌbaaninit cĩnnĩ. Tananga adaak Abeele hũnũũk, nga hõthõõthõõ naag hĩ ĩnõõnnõ terethiittaa cĩ lemiinit cĩnnĩ.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 12:13

“Ũkũmatteek ꞌgõõl hũbũna,” hátĩ hiittiõõ eeta ꞌcĩg hõllõngaa attiran hĩ ꞌcĩg ahuuli lemiittaa cĩnĩĩng, hõllõngaa ẽttẽẽd looc.

Ebereei 13:18

Alayyiooyyieetu ngagĩĩta. Tẽllĩg ꞌthinneeti cĩggaang nẽ hattĩmanna hõdõõkõthĩ ngaatĩ hadĩmanna thooꞌthiok ꞌcĩg aũlanĩ.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Yõaannẽ 3:22

Aaꞌnyeet hatĩ nẽẽ ngagĩĩt ꞌgii vẽlẽk ꞌcĩ hajin naag ĩnõõnnõ, hĩnĩngĩtĩ hathĩhĩ naag thõõth cĩnnĩ nẽ hĩdĩmanit thooꞌthiok ꞌcĩg accamana nẽẽnĩ.