ꞌJeemith 5:13 - ꞌBuuk cĩ Thõõth cĩ Nyekuci

¹³ Ma aꞌnyaku niig ꞌcannan umwa, occa alaiinnu. Nẽ má aattiyyu lõꞌngõõc, ebenit tegellwa cĩg dĩhĩthẽẽttak.

ꞌJeemith 5:13 ပူးပေါင်းရင်းမြစ်များ

Yõõna 2:2

Baa alayyi nẽẽ aĩ, “Makayyioohit, baa haaĩ naa ꞌcannaana, baa halayyii nganiita nẽ ithihu laiinit caannĩ. Baa halayyii naa nganiit looccaa cĩ daakiahu, nẽ edecu nii laiinit caannĩ.

Yõõna 2:7

Ma baa hĩcĩnootha õbõhĩ daahĩthĩ caannẽẽnĩ, hummuhaai nganiita nẽ edecu laiinit caannĩ ꞌCieethaa cunni ĩcĩ ẽllẽẽmĩth ĩcĩ laiitto.

Maatteeo 26:30

Ma baa ebenit nẽẽg tẽgẽl umwa, iita õõt nẽẽg ĩĩcĩ Muur cĩ Olivi.

ꞌLuuka 22:44

Baa aggam ĩnõõnnõ tẽẽlꞌthĩtĩ, nĩngĩtĩ alaiini gẽrrẽẽt ĩꞌthõng hĩdtĩlattaak mũlũha ꞌcĩg aattĩg hĩ biyyieeta looc.

ꞌLuuka 23:42

Nĩngĩtĩ annẽẽkĩ ꞌloorriahiti nicciee Yeesu, “Yeesu, muhaawaa nganĩĩt hatĩ uuhu habuccieetaa cunni.”

1 Korinthia 14:15

Nẽ hatĩ ꞌyioko hĩdĩmana naa hutuno? Halaayyi hatĩ loriiaa caannĩ nẽ hatĩ halaõ muhẽẽttaa caannĩ buúk, hebenni hatĩ loriiaa caannĩ nẽ hẽbẽnõ muhẽẽttaa caannĩ buúk.

1 Korinthia 14:26

Hõthõõth occa ꞌyioko haĩ ne ꞌgotoonoga hĩ ngoonoga? Má alũteennu niig hõdẽĩ, aꞌnyak eeta hõdẽĩ hõdẽĩ tẽgẽl hode thõõth cĩ ꞌlimmaanõ, hode thõõth cĩ terethiitto, hode ũtũg ꞌcĩ ꞌrĩĩng hode thõõth ꞌcĩ occa õkõbanni. Adiim occa adticanni thooꞌthioha cieeg vẽlẽk, hátĩ haanytĩk lothippit cĩ lemmioohu hittiran.

Eevvetho 5:19

Ma alũteennu hõdẽĩ laiitta, ebenit tegellwa cĩg laiittak nẽ idihiꞌthu Makayyioohit ꞌthinneetinii cugguung vẽlẽk.

Ebereei 5:7

Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.

ꞌJeemith 5:10

Hõlõ, ũnnẽẽc terethiinit baa põrõvẽtaaꞌnya baag õthõõth thõõth cĩ Makayyiookto. Baa adĩhan nẽẽg ꞌcannan korrioohĩĩ baag accananiini nẽẽgĩ.

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 7:10

Ẽggẽrẽny nẽẽg vẽlẽk aĩ, “Aku eliiniti vẽlẽk hĩ Nyekuc cĩnaac ꞌcĩ aaĩ dtaabawa ho nẽ aku hĩ Mĩꞌnyõõn.”