ꞌJeemith 5:10 - ꞌBuuk cĩ Thõõth cĩ Nyekuci

¹⁰ Hõlõ, ũnnẽẽc terethiinit baa põrõvẽtaaꞌnya baag õthõõth thõõth cĩ Makayyiookto. Baa adĩhan nẽẽg ꞌcannan korrioohĩĩ baag accananiini nẽẽgĩ.

ꞌJeemith 5:10 ပူးပေါင်းရင်းမြစ်များ

ꞌLuuka 13:34

Ma ho, õppõdan Yeesu ĩĩ, “ꞌWui niig eeta cĩg ꞌJeruꞌthalẽmĩ, aruku bẽrẽ niig põrõvẽtaaꞌnya nẽ ohoddiaau eet ꞌcĩg ĩꞌthooyyiakuung ngagiita. Hĩĩdĩ naa hõdõõkõthĩ ngaatĩ hadiim halũtaanĩ lõhõlĩ cugguung ngaatĩ hõdẽẽthõng, hĩ gõõng alũtaak tũhũlũc lõhõlĩ cĩgĩnnĩg havvuutõnĩtõõ, aburru hinnia niiga.

ꞌLuuka 6:23

“Baarkit, baa adĩmaneek eeta cugguung põrõvẽtaaꞌnya thooꞌthiok ꞌcĩg aattĩg hĩ cieeg dẽẽdẽ. Nẽẽthĩ ꞌyioko, ma ẽdẽẽnyta hĩ ngagiita, accamattoothĩk nẽ iꞌnyiahattu taliitta! Hĩnĩngĩtĩ aꞌnyaku hatĩ niig ꞌbaaninit cunuung hẽẽtahujjieen.

Dtiicanĩ cĩg ꞌThooyyiahu 3:21

Nẽẽthĩ, adiim aalla Yeesu hẽẽtahujjieen ĩꞌthõng hikia kõrra ꞌcĩ aaꞌnyĩkĩ Nyekuci hẽlẽggĩ vẽlẽk hĩĩtõ ngeju, hĩ baa aduha põrõvẽtaaꞌnya baag ẽllẽẽmĩth baarkit.

Dtiicanĩ cĩg ꞌThooyyiahu 7:52

Aaĩ nooyyia baa põrõvẽtaacĩ umwaa ꞌcĩ nga huruhit hĩbaangĩ cugguung? Ucuddia nõõ nẽẽg põrõvẽtaaꞌnya baag aduha thõõth ꞌcĩ akuuni Ẽẽtĩ cĩ Abũnnaa. Nẽ ꞌyioko õhõppõõcattu niig ĩnõõnnõ nĩngĩtĩ aruku.

Ebereei 13:7

Ummuhuttooth makayyiook cugguung baag allimaneekuung ngagiit thõõth cĩ Nyekuci. Ummuhuttooth thooꞌthiok ꞌcĩg abũnnaa baag adĩman nẽẽg rũgẽtaa cĩnĩĩng nẽ unuyyu terethiinit cĩ lemiinit cĩnĩĩng.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

ꞌJeemith 5:13

Ma aꞌnyaku niig ꞌcannan umwa, occa alaiinnu. Nẽ má aattiyyu lõꞌngõõc, ebenit tegellwa cĩg dĩhĩthẽẽttak.

ꞌJeemith 5:7

ꞌGotoonoga hĩ ngoonoga, ereeyyio ĩꞌthõng hõbõda Makayyioohiti. Aaut hĩ kattiooha cĩg maneenu aag gõõng ereeyyi ĩꞌthõng hĩtĩĩl tammu nẽ tarĩ, ereeyyio ĩꞌthõng hibbiir mana.

ꞌJeemith 5:9

ꞌGotoonoga hĩ ngoonoga, ma hongoongoeeku ꞌgoonogu, hode etteedoothĩkuung hinnia hatĩ ngagiit thõõtha. Hĩnĩngĩtĩ ĩbĩl ꞌgaadĩ ꞌcĩ ẽttẽẽd thõõth hattũũga.