9 Ommoꞌthi nẽ ahayũngatteeu nẽ okollieehu ulwa. Ma nga hararru iꞌthiattaaĩ ulwa. Ahayũngattĩ, hĩĩ nĩngĩtĩ accamanoothiku thõng.
Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Aku hatĩ aruk nẽẽ ĩhõõggõ ꞌgõõlaa ꞌcĩ abathĩ gẽrrẽẽt. Nẽ hatĩ aaꞌnyĩk nẽẽ mana cĩnnĩ ho, eet ꞌcĩg hatĩ ẽꞌngẽraak ĩnõõnnõ viino ꞌcĩ abbiiri, kõr ꞌcĩ hatĩ ajaniini mana cĩnnĩ ho.”
ꞌGattan hĩ eet ꞌcĩg alu, amammaayanni hatĩ nẽẽgĩ!
“Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.
Aggatatteeu niig ꞌcĩg adakuung magĩthĩ ꞌyioko ho, auunnu hatĩ aꞌnyarru. Aggatatteeu niig ꞌcĩg aluyyu ꞌyioko ho, au hatĩ accamanoothiku uruta.
Pĩĩrnanĩt hĩ ngagiit eet ꞌcĩg aꞌnyaku ꞌgẽẽn ꞌcĩ maka ꞌyioko ho, ooyyu hatĩ niig magĩĩtha. Pĩĩrnanĩt hĩ ngagiit eet ꞌcĩg accamanoothiku ꞌyioko ho, au hatĩ arruuennu kõr umwa.