ꞌJeemith 4:8 - ꞌBuuk cĩ Thõõth cĩ Nyekuci

⁸ Iita õbõktõ hĩ Nyekuc, hátĩ hikia nẽẽ buúk õbõktõ hĩ ngagiita. Niig ꞌthẽccanniooha, ũtũũnyĩt authet cunuung ꞌcĩ aattiyyu. Ĩtĩllahit ꞌthĩnneeti cugguung, hĩnĩngĩtĩ eꞌngerri ꞌthinneeti cugguung ngaatĩ athiknu Nyekuc hĩ looc nicci.

ꞌJeemith 4:8 ပူးပေါင်းရင်းမြစ်များ

ꞌThianaattõ 18:23

Nĩngĩtĩ ẽẽjẽhõõthĩkĩ Abũrahamĩ Nyekuc Makayyioohit nẽ ijin ĩĩnnĩk, “Õkõ ꞌyioko ꞌthẽk nii aruhi eet ꞌcĩg ĩĩn ꞌthẽccanniook hĩ ꞌcĩg abũnnaa hõdẽĩ?

Maatteeo 12:33

“Õddõngta hẽẽt ꞌcĩ abũnnaa hẽẽn ꞌcĩg abbiiri ꞌcĩg abũnnaa nẽ õddõngõta hẽẽt ꞌcĩ abathĩ hẽẽn ꞌcĩg abathĩ. Agayyi hẽẽt ꞌcĩ abũnnaa, hĩnĩngĩtĩ õddõngta hẽẽn ꞌcĩg abũnnaa.

Maatteeo 15:2

“Inni nuyyiooha cugunnig hẽꞌthẽcanit nyepitee cĩ makayyiook cĩg eetuk ko? Hõllõngaa nẽẽg ũũny athĩn cĩggĩĩng õõa ꞌcĩ duhẽẽttõ inni?”

Maatteeo 27:24

Ma baa acĩn Pĩlaatõ ngaatĩ aitioonni ꞌgõõl ꞌcĩ õõganĩ nẽẽ Yeesu tõõ nẽ iꞌthiattaaĩ eeta awacahit gẽrrẽẽt ko, ittiha nẽẽ maam nẽ ũtũũny athĩn cĩgĩnnĩg hẽbẽrẽẽnnĩĩ cĩg lothippitaak nẽ ĩĩ, “Hammiri naa biyyiẽẽtĩĩ cĩg eet icci, ĩĩn niccia thõõth cunuung.”

Dtiicanĩ cĩg ꞌThooyyiahu 15:9

Baa hõllõngaa ahal Nyekuci ĩhõõggõ hĩ ngagĩĩta, hĩnĩngĩtĩ ũtũũny nẽẽ ꞌthinneeti cĩggĩĩng hĩĩtõ tẽllĩg, hĩnĩngĩtĩ lemiinit cĩnĩĩng.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

1 Timotteeo 2:8

Hadiimi naa eet ꞌcĩg maacĩg loonyini vẽlẽk, halayyio hodongit athĩn cĩggĩĩng ꞌcĩg ẽllẽẽmĩth ꞌjieena, hiittiõõ liilii hode pẽkanĩ tõõ.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 7:19

Hĩnĩngĩtĩ baa hõllõngaa akũmaneek nyattalĩ ꞌgii umwa hũbũna. Nẽẽthĩ ꞌyioko, okomit ngagĩĩt ꞌthĩnneeti, hĩnĩngĩtĩ muhẽẽnĩt ꞌcĩ abũnnaa ꞌcĩ hiita hõbõktõõĩ naag hĩ Nyekuc.

ꞌJeemith 1:8

hĩnĩngĩtĩ aꞌnyak nẽẽ muhẽẽnĩt ꞌgoolliok ꞌramma nẽ iittiõõ hõllõngaa ũũlũ ngaatĩ occa adĩmanĩ ꞌgii ꞌcĩ aũlanĩ.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.

1 Yõaannẽ 3:3

Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.