ꞌJeemith 4:6 - ꞌBuuk cĩ Thõõth cĩ Nyekuci

⁶ Nẽẽthĩ, aaꞌnyeet Nyekuci ngagĩĩt tarbalꞌthẽẽt cobbi. Ĩnõõ ꞌcĩ aĩnnĩ ꞌBuuhi cĩ Nyekuci, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

ꞌJeemith 4:6 ပူးပေါင်းရင်းမြစ်များ

Luugithõõ 18:11

Nẽẽthĩ ꞌyioko, hagawa aattĩ naa ngaatĩ ĩllõõanĩ Makayyioohiti nyekuꞌnya ũgĩ, hĩnĩngĩtĩ baa adĩmaneek nẽẽ thooꞌthiok iccig eet ꞌcĩg arratan eet cĩg Ĩꞌthĩraẽlĩ.”

Maatteeo 13:12

Ẽẽtĩ ꞌcĩ aꞌnyak ꞌgiimwa, aaꞌnyĩhoothĩk hatĩ ꞌcĩ maka. Nẽẽthĩ, ẽẽtĩ ꞌcĩ hõllõngaa aꞌnyahĩ, aggammiaa hatĩ ꞌcĩ abadtẽc ꞌcĩ aꞌnyak nẽẽ ho buúk.

Maatteeo 23:12

Hĩnĩngĩtĩ ẽẽtĩ ꞌcĩ õdõng ẽlẽ cĩnnĩ hĩllõõan ꞌgõõnõgĩ, aaꞌnyĩhoothĩk hatĩ hĩĩ hĩdĩca nẽ ẽẽtĩ ꞌcĩ aaꞌnyĩk ẽlẽ cĩnnĩ hĩĩ hĩdĩca, odoꞌngi hatĩ nẽẽ hĩĩ maka.

ꞌLuuka 1:52

Itiggia nẽẽ habuẽẽt ꞌcĩg aĩ hĩĩgĩnna tõrõmĩ, dtaabĩtĩĩ cĩggĩĩng nẽ irigithieek eet ꞌcĩg tarbalĩg.

ꞌLuuka 14:11

Ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc. Nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌLuuka 18:14

Ma ho, uduha Yeesu ĩĩ, “Haduhaakuung dĩdĩ, luttioohit cĩ occoro ho ꞌcĩ aku accamana Nyekuci, baa ikia õbõdõõthĩ ĩĩcĩ olu hĩllõõan Variꞌtheenit. Hĩnĩngĩtĩ ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌJeemith 4:10

Ma hathĩngõõnyannu muumaa cĩ Nyekuci, hátĩ hodonguung nẽẽ ĩĩtõ makatĩg.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”