ꞌJeemith 4:5 - ꞌBuuk cĩ Thõõth cĩ Nyekuci

⁵ Ĩccaaddu niig thõõth ꞌcĩ aduha ꞌBuuhi cĩ Nyekuci aĩ, “Aꞌthũũnnĩ Nyekuci lori baa aarĩk nẽẽ ꞌthinneetinii cĩggaac jurrung?”

ꞌJeemith 4:5 ပူးပေါင်းရင်းမြစ်များ

ꞌThianaattõ 26:14

Baa aꞌnyak nẽẽ aꞌtha hĩ tĩĩn ꞌcĩg mẽẽlĩg gẽrrẽẽt nẽ ĩĩtõ mẽẽlĩg dticcianniooha buúk gẽrrẽẽt. Ma nĩngaata, iita ũbũratteek eeta cĩg Viliꞌthia hẽlẽggĩ cĩgĩnnĩg.

ꞌThianaattõ 30:1

Ma baa aga Rakĩlẽ ngaatĩ hõllõngaa arritaanĩ lõhõlĩ hĩ Yakobo ho, ikia inyigaaran nẽẽ Lẽẽa nẽ ĩĩnnĩk maac cĩnnĩ, “ꞌTiraahaa lõhõlĩ, má aitiõõ tõõ, hathingti ꞌyioko hatĩ thõng.”

ꞌThianaattõ 37:11

Nĩngĩtĩ aaburrẽẽkĩ ꞌgotoonoggia cieeg ĩnõõnnõ gẽrrẽẽt, ĩko thĩ nẽẽ ara ammuk maaꞌnyia thõõth icci ꞌthĩnĩtatõõ.

ꞌThianaattõ 38:9

Abũrĩ hinnia Õnaanĩ ngaatĩ õlõmĩ ngagõtõnõõnĩ, hĩnĩngĩtĩ agaoothi aĩ, aitiõõ hatĩ loholeec ꞌcĩ arrittiaa hõllõngaa ĩĩn cĩnnĩ. Nẽ ma adiim oogin hĩ ngaa nicci, attumaniini hinnia ĩnõõnnõ haaga hõllõngaa arritaak loholeec ũdũt.

ꞌThianaattõ 6:5

Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk.

ꞌThianaattõ 8:21

Ma baa õdõlan muyuuhĩ cĩ mẽdĩĩth cĩ idiꞌngwaanu Nyekuc ko, ikia atal Nyekuci, nĩngĩtĩ abũtanĩ aĩnnĩ, “Iittiõõ hatĩ naa hõllõngaa hacciini looc tarĩ, hĩnĩngĩtĩ ꞌthẽccanẽẽt cĩg eetuk. Tananga ammuk nẽẽg thooꞌthiok ꞌcĩg abathĩ ngaanĩngĩtĩ hĩdĩꞌthẽẽtõ, iittiõõ ꞌthẽk hatĩ naa hõllõngaa hacũda eet hĩ hẽlẽggĩ ꞌcĩg arũgĩ tarĩ.”

Yõaannẽ 10:35

Hõllõngaa occa ẽppẽhanoonnu niig hĩ ꞌBuuk cĩ Nyekuci. Nẽẽthĩ, baa aũ Nyekuci eet tĩko anneek, ‘nyekuꞌnya.’

Yõaannẽ 19:37

Nẽ hĩcĩ aduha ꞌBuuhi umwaa cĩ Nyekuci aĩ, “Acĩn hatĩ nẽẽg eet baa acuhan nẽẽgĩ.”

Yõaannẽ 7:42

Hõllõngaa nooyyia aduha ꞌBuuhi cĩ Nyekuci aĩ, arrittiaa hatĩ Krĩstõ hattũũgaa cĩ habu Daavide, Bẽtẽlẽma ꞌtaaũnaa baa aayyi nẽẽnĩ?”

Dtiicanĩ cĩg ꞌThooyyiahu 7:9

“Baa alĩĩllĩk hĩbaangĩ cieeg ꞌgõtõnĩ cĩnĩĩng Yothebo, nĩngĩtĩ au ũũtẽnĩ ĩnõõnnõ hũũk hĩĩ appahaca Ijjiba. Tõjõhõ baa aaĩ Nyekuci hĩ ĩnõõnnõ,

ꞌRooma 1:29

Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

ꞌRooma 9:17

Hĩnĩngĩtĩ baa aduhaak ꞌBuuhi cĩ Nyekuci habu cĩ Ijjibi anneek, “Baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.”

1 Korinthia 6:19

Hõllõngaa agayyu niig ngaatĩ ĩĩnnĩ eleeti cugguung ꞌCieeth cĩ Lori ꞌcĩ Ẽllẽẽmĩth ꞌcĩ aaĩ hĩ ngagiit baa aaꞌnyuung Nyekuci? Hõllõngaa ĩĩn eleeti cugguung diooni;

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

ꞌGalaaꞌthia 3:8

Baangaani, baa eheeddi ꞌBuuhaa cĩ Nyekuci aĩ nẽẽ, aga hatĩ Nyekuci eet ꞌcĩg hõllõngaa ĩĩn ꞌJudeei, hatĩ ẽlẽmĩ nẽẽg ĩnõõnnõ. Nĩngĩtĩ aduhaakĩ Nyekuci Abũrahaamõ nyeemuut ꞌcĩ abũnnaa annẽẽkĩ, “Haggatani hatĩ naa eet loonyini vẽlẽk, hĩnĩngĩtĩ nganiita.”

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.