ꞌJeemith 4:12 - ꞌBuuk cĩ Thõõth cĩ Nyekuci

¹² Nyekuc dioo, baa aaꞌnyĩk eet nyattal ꞌcĩ ẽttẽẽd thõõth. Ĩnõõnnõ dioo ꞌcĩ aꞌnyak ꞌtirrian ꞌcĩ ẽẽlanĩ eet, hode aruhi eet hadaahito. Thõõth iina ꞌcĩ aũlan ꞌcĩ aꞌnyahi nii, ꞌcĩ occa ẽttẽẽdĩkĩĩ eet ꞌcĩ aaronnu thõõth ko?

ꞌJeemith 4:12 ပူးပေါင်းရင်းမြစ်များ

Maatteeo 10:28

Ma hiꞌngolinnu eet ꞌcĩg aruk ẽlẽ diooni nẽ hõllõngaa occa aruk lori buúk. Itingolli Nyekuc diooni ꞌcĩ occa aruk ẽlẽ hĩ lori cunuung ꞌgwoyyiaa ꞌcĩ aalla ũdũt.

ꞌLuuka 12:5

Ĩꞌnya huduhaahuung eet ꞌcĩ occa itieelinnu: Itieelli Nyekuc, hĩnĩngĩtĩ ĩnõõnnõ dioo ꞌcĩ aꞌnyak ꞌtirrian ꞌcĩ occa adhuheekuung ꞌgwoo ꞌcĩ aalla ũdũt, urutaa ꞌcĩ uruktõõĩ eleeti cugguung ẽlẽk. Haduhaakuung dĩdĩ, itingolli ĩnõõnnõ.

ꞌRooma 14:13

Nẽẽthĩ, hibilli ngaatĩ hẽttẽẽdĩkĩ ꞌgoonogeet thõõth. Nẽẽthĩ hinnianĩ, hũkũmatteek muhẽẽnĩt, hátĩ hiittiõõ hõllõngaa hahĩĩnak ꞌgotoonogeet hẽꞌthẽcattõõ.

ꞌRooma 14:4

Nganiit nganĩ ꞌcĩ occa etteedihi dticciannioohit cĩ eet umwa thõõth ko? Makayyioohit cĩnnĩ dioo ꞌcĩ aduha, hatĩ adĩman nẽẽ thõõth ꞌcĩ aũlanĩ nẽ Makayyioohit hatĩ dioo ꞌcĩ aaꞌnyĩk ĩnõõnnõ hĩdĩman thõõth ꞌcĩ aũlanĩ.

ꞌRooma 2:1

Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ.

ꞌRooma 9:20

Nẽẽthĩ, nganĩ nii ẽẽtĩ ꞌcĩ occa ajini Nyekuc ko? Occa gõõng ꞌgii ꞌcĩ ẽhẽnytaa, ajin eet ꞌcĩ ẽhẽnyta ĩnõõnnõ ho anneek, “Ẽhẽnytaannaa baa hoti inni?”

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

ꞌJeemith 5:9

ꞌGotoonoga hĩ ngoonoga, ma hongoongoeeku ꞌgoonogu, hode etteedoothĩkuung hinnia hatĩ ngagiit thõõtha. Hĩnĩngĩtĩ ĩbĩl ꞌgaadĩ ꞌcĩ ẽttẽẽd thõõth hattũũga.