ꞌJeemith 3:9 - ꞌBuuk cĩ Thõõth cĩ Nyekuci

⁹ Hadĩhĩth naag Makayyioohit cĩnaac hĩ Baangeet ũtũũga nẽ tarĩ, haccĩĩnĩ ũtũg eet ꞌcĩg ẽhẽnytaa haauto hĩ Nyekuci ho buúk.

ꞌJeemith 3:9 ပူးပေါင်းရင်းမြစ်များ

ꞌThianaattõ 5:1

Hattũũg cĩ õlõ cĩ Aadamĩ cieeni. Baa ẽhẽnyta Nyekuci eet hĩ ngaaĩ haauto hĩ nẽẽnĩ.

ꞌThianaattõ 9:6

“Ma aruk eet umwaa ꞌgõõnĩ, aruk hatĩ eet tĩho buúk ẽẽtĩ umwaanĩ; hĩnĩngĩtĩ baa ẽhẽnyta Nyekuci eet haau hĩ nẽẽnĩ.

Maatteeo 26:74

Nĩngĩtĩ aĩnnĩ Pẽẽtũrũ, “Bũtĩ hĩ Nyekuci, hõllõngaa haga naa eet tĩho!” Ma hĩdĩĩkoothong, õrõk tũhũlũca.

Maatteeo 5:44

Nẽẽthĩ, haduhaakuung hanneekuung, ĩmmĩnanit mĩrõk cugguung nẽ alayyiooyyu eet ꞌcĩg adĩmannuung ngagiit ꞌbuth.

Dtiicanĩ cĩg ꞌThooyyiahu 2:26

Hĩ ꞌyioko ho, õõr nganĩĩt ꞌthĩnĩt gẽrrẽẽt. Aaĩ hatĩ ẽlẽ caannĩ muhẽẽttaa ꞌcĩ abũnnaa,

ꞌRooma 3:14

“Abbĩꞌthĩĩ ꞌcĩĩnẽnĩtĩ utugeetinii cĩggĩĩng hĩ ngaꞌngari ooo haaga.”

1 Korinthia 11:7

Occa hõllõngaa ammũt ẽẽtĩ ꞌcĩ maacĩ õõ cĩnnĩ, hĩnĩngĩtĩ ĩĩn nẽẽ ꞌthooura hĩ bulẽẽnĩt cĩ Nyekuci nẽ ĩĩ ngaa bulẽẽnĩt cĩ eet ꞌcĩ maacĩ.

Eevvetho 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ ꞌcĩ aꞌnyahaakeet ngagĩĩt ꞌgattan hẽẽtahujjieen.

ꞌJeemith 1:27

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.

ꞌJeemith 3:10

Aku dĩhĩthẽẽnĩtĩ hĩ ꞌcĩĩnẽnĩt ũtũũga hõdẽẽthõng. ꞌGotoonoga hĩ ngoonoga, occa hõllõngaa aaĩ noho.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.