ꞌJeemith 3:6 - ꞌBuuk cĩ Thõõth cĩ Nyekuci

⁶ Aaĩ ũtũgĩ buúk hĩ ꞌgwaa, ĩĩn nẽẽ ꞌgii ꞌcĩ abathĩ ẽllaa cĩ eeto. Ẽꞌthẽcan nẽẽ ẽlẽ cĩ eeto hũtũrũũr, adhuheek rũgẽt cĩ eeto hũtũrũũr ꞌgwoyyiatõõ, nẽ ũtũũthĩ nẽẽ buúk ꞌgwoyyiaa ꞌcĩ aalla ũdũt.

ꞌJeemith 3:6 ပူးပေါင်းရင်းမြစ်များ

Maatteeo 12:24

Ma baa athĩhĩ Variꞌtheei thõõth icci ho, iita ĩĩtõ, “ꞌBeelthebub makayyioohit cĩ loriẽẽt ꞌcĩg abathĩ, ꞌcĩ aaꞌnyĩk eet icci hitiggia loriẽẽt ꞌcĩg abathĩ ho.”

Maatteeo 5:22

Nẽẽthĩ, haduhaakuung dĩdĩ, má aliilliku niig eet umwa, ooyyu hatĩ lokihooa. Nẽ tarĩ, má akanneeku eet umwa ꞌgiithẽnĩt, occa hatĩ ammũdaannu niig bathi ꞌcĩ ooyyu lokihooa. Má ainnu ĩĩn eet umwaa ꞌgiimwa haaga, obokii hĩ ngagiit ꞌgwaa ꞌcĩ aalla ũdũt.

Maarko 7:15

aitiõõ ꞌgẽẽn ꞌcĩ adak ẽẽtĩ hõllõngaa aaꞌnyĩk eet hĩĩ ꞌriiring hiittiõõ hõllõngaa ala Nyekuc. Thooꞌthiok ꞌcĩg aduha ẽẽtĩ ꞌcĩg abathĩ, ꞌcĩg aaꞌnyĩk eet hĩĩ ꞌriiring ko.

ꞌLuuka 16:24

Nĩngĩtĩ avvõõꞌthĩ nẽẽ Abũrahaamõ annẽẽkĩ, ‘Baaba Abũrahaamõ! Tamaatĩhaa baaĩ nuun! ꞌThõõahaa Laaꞌtharõ hikia hokoleek aꞌthiit maamĩtõõ nẽ ĩdtĩlaneeka ahaat maam halalĩĩthanĩ, hĩnĩngĩtĩ aaburii ꞌgwaa ngaati padtahac.’

Dtiicanĩ cĩg ꞌThooyyiahu 20:30

Au hatĩ eeta ũgẽẽgĩ cugguung ẽmmẽn, atalmaanyan nuyyiook cĩg Makayyiooktak, aduhaak nuyyiook õlõng, hátĩ hũnnẽẽcõ ĩhõõggõ.

Dtiicanĩ cĩg ꞌThooyyiahu 5:3

Ma ho, ĩĩ Pẽẽtũrũ, “Anania, alũllũmannii ꞌThĩttaanĩnganiit ꞌgõõl Lori ꞌcĩ Ẽllẽẽmĩth ngaatĩ itiangꞌthĩ ꞌrabbẽẽt aag aaꞌnyĩhoothikii, aa ũũtẽnĩ nii ijjio ho hutuno?

Dtiicanĩ cĩg ꞌThooyyiahu 6:13

Ma ho, aꞌnyakta eet ũgĩ ꞌcĩg baag ẽlẽmĩ ngaatĩ õõlõngĩ haddangtaak Tẽẽvẽnõ hiita hĩĩtõ, “Gõõng aduha ẽẽtĩ ciee hõdõõkõthĩ thooꞌthiok ꞌcĩg abathĩ ꞌcĩg õdõõmĩ ꞌCieeth cĩ Nyekuci ꞌcĩ aꞌngirannii ho hĩ nyattal cĩ Mũũꞌtha.

Tiito 1:11

Bĩlĩ ꞌlimman cĩnĩĩng abathĩ ho, hĩnĩngĩtĩ accanan ꞌlimmanĩ cĩnĩĩng ko halaꞌngiook ꞌcĩg mẽẽlĩg nẽ aduha nẽẽg õlõng cĩnĩĩng ko, hátĩ hummuddia ꞌrabbẽẽta.

ꞌJeemith 2:7

Hõllõngaa nooyyia ĩhõõggõ ꞌcĩg arannĩ ꞌthaar ꞌcĩg abuli cĩg Makayyioohit cunuung?

ꞌJeemith 3:7

Occa abal eeta idiꞌngwa cĩg moru vẽlẽk, hĩbaallĩ hĩ hẽlẽggĩ ꞌcĩg õgõlĩt loota, hĩ hẽlẽggĩ ꞌcĩg aattĩg bũlũcatõõ.

2 Pẽẽtũrũ 3:3

Ĩĩcĩ oou, abũnnaa agayyu ainnu, kõr cĩ decciaanĩt cĩ lootu, au hatĩ eeta ꞌcĩg arannuung ngagiit nẽ ũnnẽẽcõ thooꞌthiok ꞌcĩg abũraneek nẽẽgĩ.

3 Yõaannẽ 1:10

Má hikia naana, hakuu hatĩ haduha thooꞌthiok ũgĩ ꞌcĩg baag adtican nẽẽnĩ, hĩ thooꞌthiok ꞌcĩg abathĩ ꞌcĩg adĩmanneet nẽẽ ngagĩĩt ꞌbuth. Nẽ baa hõllõngaa abũrĩ nẽẽ ngaatĩ ẽlẽmmĩ lemmiook thõng diooni, baa alaam nẽẽ eet ũgĩ buúk, hiittiõõ hõllõngaa ẽẽl ĩhõõggõ. Nẽ tarĩ, alaam lemmiook ꞌcĩg adiim ẽẽl ĩhõõggõ nẽ itiggia ĩhõõggõ lothippitaa cĩ lemmioohu.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 18:23

Iittiõõ hatĩ ꞌloomo ꞌcĩ nga alanyĩt hĩ nganiit tarĩ tõõ. Iittiõõ hatĩ mõlõõhĩ cĩ nyattaraanõ, hõllõngaa athĩknĩ hĩ nganiit tarĩ. Baa ĩĩn tũjaarrioha cugunnig eet ꞌcĩg obbitig gẽrrẽẽt loota nĩnga. Nẽ ngarĩꞌthẽẽt cunni ho, ikia aaꞌnyĩk eet cĩg loonyin vẽlẽk harahanit.

Terethiinit 19:20

Ma joraa nĩĩca, ikia aggamĩ nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit, ꞌcĩ baa adtican thooꞌthiok ꞌcĩg ĩnaat eeta gẽrrẽẽt, hĩnĩngĩtĩ nyaharahaak. Baa adtican nẽẽ thooꞌthiok tĩko, aĩ hátĩ hĩggõõl eet baag aꞌnyak nyamacaar cĩ nyaharahaahõ nẽ alaacõ ꞌthooura cĩnnĩ. Ma ho, udhuktoothĩk nyaharahaahĩ hĩ põrõvẽtaac cĩnnĩ ꞌcĩ ĩĩn oloꞌngiaahit ko buúk ꞌgelemit cĩ ꞌgwoo ꞌcĩ aaburii padtahac ꞌcĩ aalla ooo.