ꞌJeemith 3:2 - ꞌBuuk cĩ Thõõth cĩ Nyekuci

² Nẽ dĩdĩ, hẽꞌthẽcattõõ naag vẽlẽk thooꞌthiohĩĩ ꞌcĩg mẽẽlĩg. Hĩnĩngĩtĩ, ꞌyioko huꞌthuutti naag utugeeti cĩggaac, occa habũnnaa gẽrrẽẽt nẽ occa haꞌthũũnnĩ eleeti cĩggaac ꞌgoolliohĩĩ ũgẽẽgĩ buúk.

ꞌJeemith 3:2 ပူးပေါင်းရင်းမြစ်များ

Maatteeo 12:34

Niig cĩg abaꞌthu dtẽc aaut hĩ hũkaaꞌnya ho, occa gõõng aduhaannu niig thõõth ꞌcĩ abũnnaa hutuno? Hĩnĩngĩtĩ ꞌgii ꞌcĩ aduhaannu niiga, ẽtẽrꞌtha ꞌgii ꞌcĩ aaĩ ꞌthinneetinii cugguung.

Maatteeo 12:37

Nẽẽthĩ kõr tĩho, adukiaak hatĩ ĩhõõggõ, má ammĩrĩ hode ẽꞌthẽcattõõ nẽẽg thooꞌthiohĩĩ ꞌcĩg baag aduha nẽẽgĩ.”

ꞌRooma 3:10

Hĩcĩ eheeddi ꞌBuuhaa cĩ Nyekuci aĩ, “Aitiõõ ẽẽtĩ ꞌcĩ abũnnaa tõõ, hiꞌthihi tananga hõdẽẽthõng haaga;

ꞌRooma 7:21

Eteretheeha nyattalĩ cĩ Nyekuci nganĩĩt aĩ, aaĩ ꞌgiimwaa ꞌthĩnĩtaa caannĩ ꞌcĩ alaamma nganĩĩt ngaatĩ hadticanĩĩ thõõth ꞌcĩ aũlanĩ.

1 Korinthia 9:27

Haꞌthũũnnĩ naa ẽlẽ caannĩ hĩ irettioohiti nẽ haaꞌnyĩha hĩĩ appahaca caannĩ, hátĩ hiittiõõ hõllõngaa hadhukia urutaa ꞌcĩ hirriõõnĩhĩĩ eet ũgĩ nyeemuut ꞌcĩ abũnnaa.

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

ꞌGalaaꞌthia 5:17

Adiim ẽlẽ baa ꞌrẽẽnĩ ꞌthẽccanẽẽt ꞌcĩg abathĩ, ꞌcĩg hõllõngaa adiim Lorii ꞌcĩ Ẽllẽẽmĩthĩ. Aruhõõ Lorii ꞌcĩ Ẽllẽẽmĩth hĩ ẽlẽ baannaac ꞌrẽẽnĩ nẽ iittiõõ hõllõngaa adĩmani nii thõõth ꞌcĩ adiimi niina.

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

Ebereei 13:21

Halayyi naa haini, aꞌnyĩĩk Nyekuc haaꞌnyuung ĩthĩhĩt ĩnõõnnõ nẽ hatĩ gõõng ĩdĩmattu thooꞌthiok ꞌcĩg aũlanĩ. Aꞌnyĩĩk Yeesu heeluung ĩdĩmanit thõõth ꞌcĩ aaꞌnyĩk Nyekuc haccamanoothĩk. Aꞌnyĩĩk bulẽẽnĩt haau hĩ Yeesu Krĩstõ ooo! Aamẽn.

ꞌJeemith 1:26

Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.

ꞌJeemith 1:4

Nẽ illimanit ngaatĩ emmeeꞌthu thooꞌthiok vẽlẽk ũdũt, hátĩ ĩtĩlĩthĩt okomit dĩdĩ nẽ iitiõõ ꞌgii ꞌcĩ occa aꞌnyamannuung tõõ.

ꞌJeemith 2:10

Hĩnĩngĩtĩ ẽẽtĩ ꞌcĩ aꞌthũũnnĩ nyattalliook vẽlẽk nẽ ẽꞌthẽcan hõdẽẽthõng, ẽꞌthẽcan nẽẽ nyattalliook cĩg Nyekuci vẽlẽk.

1 Pẽẽtũrũ 3:10

Hĩnĩngĩtĩ aduha ꞌBuuhi cĩ Nyekuci aĩ, “Ammĩnannu ꞌthẽk niig rũgẽt dĩdĩ? Adiimmu ꞌthẽk niig accamanoothiku? Ma thĩ nga hothooꞌthu thooꞌthiok ꞌcĩg abathĩ nẽ ma nga hothooꞌthu thooꞌthiok ꞌcĩg ĩĩn õlõng.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.