ꞌJeemith 3:17 - ꞌBuuk cĩ Thõõth cĩ Nyekuci

¹⁷ Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

ꞌJeemith 3:17 ပူးပေါင်းရင်းမြစ်များ

Maatteeo 23:28

Nẽẽthĩ ꞌgõõla hõdẽẽthõng, acĩnnuung eeta battaala iiginnu eet ꞌcĩg abũnnayyu nẽ ꞌthinneetinitõõ cugguung, ĩko nẽẽ iiginnu oloꞌngiaak hĩ ꞌthẽccanniook.

Maatteeo 5:8

ꞌGattan hĩ eet ꞌcĩg õõrĩg ꞌthinneeti, acĩn hatĩ nẽẽg Nyekuc.

Maatteeo 5:9

ꞌGattan hĩ eet ꞌcĩg aꞌnyaha ganõn, aũ hatĩ eeta ĩhõõggõ anneek, lõhõlĩ cĩg Nyekuci!

ꞌLuuka 21:15

Haaꞌnyuung hatĩ naa ꞌgẽẽnyĩth ꞌcĩ hõllõngaa ũũlũ eeta ꞌcĩg abilluung ko, ngaatĩ athĩknĩ hode ngaatĩ ilocanĩ.

ꞌLuuka 6:36

Atamaattik ꞌgoonogu hĩcĩ ammaannikuung ngagiit Baangẽẽtĩ cunuung.”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:47

Ma baa acĩn Yeesu Nathaniele aku obokii ho, ikia õthõõth ĩnõõnnõ ĩĩ, “Eet ꞌcĩ ĩĩn Ĩꞌthĩraẽleenit dẽẽdẽ cieeni, ꞌcĩ hõllõngaa ĩĩn oloꞌngiaahit.”

Dtiicanĩ cĩg ꞌThooyyiahu 11:24

Baa ĩĩn Baarnaba eet ꞌcĩ callĩ ꞌthĩnĩt, ꞌcĩ aaĩ Lorii ꞌcĩ Ẽllẽẽmĩth hĩ lemiinit hĩ ĩnõõnnõ, nĩngĩtĩ au ẽlẽmmĩ eeta ꞌcĩg mẽẽlĩg ꞌrĩng Makayyioohit.

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

ꞌRooma 12:18

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk.

ꞌRooma 12:9

Aꞌnyĩĩk mĩnnan ꞌcĩ ammĩnannu niig ꞌgoonogu hĩĩ dĩdĩ. Ũtũbũrĩt thooꞌthiok vẽlẽk ꞌcĩg abathĩ nẽ uꞌthuuttu ꞌgii vẽlẽk ꞌcĩ abũnnaa.

ꞌRooma 15:14

Hagawa naa ẽllaa caannĩ ꞌgotoonoga hĩ ngoonoga hĩĩna, aꞌnyaku niig eleetinii cugguung bũnnai hĩ ꞌgẽẽnyĩth ꞌcĩ maka ꞌcĩ occa allimannu ꞌgoonogu ũgĩ ꞌcĩg ĩĩn lemmiook.

1 Korinthia 12:8

Õthõõth eeta ũgẽẽgĩ hõrggẽẽnaa cĩnaac ꞌgẽẽnyĩtha nẽ othoothito ũgẽẽgĩ thooꞌthiok ꞌcĩg aga nẽẽg jurrung ꞌcĩg aaꞌnyĩk Lorii nicciee diooni.

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 6:6

Hadiim hẽtẽrꞌtha naag haĩ hĩĩgĩn appahacaaꞌnya cĩg Nyekuci, ngaatĩ hĩĩgĩnnĩ tẽllĩg nẽ hagaacõ thõõth cĩ Nyekuci dĩdĩ, hĩ ngaatĩ hẽmmẽẽꞌthĩ ꞌcannan nẽ hĩĩtõ tarbalĩg. Aau Lorii ꞌcĩ Ẽllẽẽmĩth hĩ ngagĩĩta nẽ baa ĩĩn mĩnnanĩ cĩnaang thõõth dĩdĩ.

2 Korinthia 7:11

Nẽ ĩcĩnĩt dako nõõ ꞌgii ꞌcĩ adtican Nyekuci ngaatĩ aꞌnyahaakuung ngagiit mothiinit. Adiim ẽtẽrꞌthaannu niig dĩdĩ, ngaatĩ ammĩrru niiga. Alĩĩlĩyyu niiga, akuleeku niig ꞌjieen nẽ ũmũyanuung ngaatĩ acinnu thõõth ꞌcĩ ĩĩn dĩdĩ ngaatĩ adticaniini nẽ etereꞌthiaau iittu, aũlannu niig thõõthaa cĩ vẽlẽk dĩdĩ.

2 Korinthia 9:10

Nyekuc ꞌcĩ aaꞌnyĩk kattiook hinyomo hathacit nẽ aaꞌnyĩk ꞌgẽẽn buúk. Ĩttõõr hatĩ nẽẽ ꞌgii vẽlẽk ꞌcĩ aꞌnyaku niiga, hatĩ ĩttoorru niig buúk ꞌbaaninit ꞌcĩ aaꞌnyiku ꞌgoonogu ꞌcĩg appĩĩrna.

Eevvetho 5:9

hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

1 Tẽꞌthaloonika 2:7

Nẽ haaunna hinnia hĩĩgĩnna tarbalĩg hõrggẽẽnaa cunuung, haautta hĩ morwahit gõõng aꞌthũũnnĩ lõhõlĩ cĩgĩnnĩg ꞌcĩg kidicig.

1 Timotteeo 5:21

Haduhaaki muumaa cĩ Nyekuci hĩ ĩcĩ Yeesu Krĩstõ, hĩ aajĩlẽẽt cĩgĩnnĩg vẽlẽk baag eberriaa hanneeki, nũũ thooꞌthiok ꞌcĩg haduhaaki naa ho. Nẽ ma hahali eet thõng.

2 Timotteeo 2:24

Ẽẽtĩ ꞌcĩ adticanoothĩk Nyekuc, hõllõngaa occa ĩĩn nyeppekiaahit. Abũnnaa ĩĩn eet ꞌcĩ tarbalĩ hĩ eet vẽlẽk nẽ ĩĩ ꞌlimmannioohit ꞌcĩ abũnnaa, ꞌcĩ aꞌnyak ꞌthĩnĩt ꞌcĩ maka.

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.

Tiito 3:2

duhaak anneek ma hongomĩttu ꞌgoonogu, ĩĩtõ tarbalĩg nẽ ummuktu ĩhõõggõ ĩĩcĩ oou, ma hathĩngõõnyannu hĩ eet vẽlẽk hõdõõkõthĩ.

Ebereei 12:11

Ahuci hõdõõkõthĩ hatĩ nga ilootteet eeta thõng. Má hillimanit ngaatĩ hathĩknĩ thõõth hatĩ nga ilootteet eeta, hadĩman hatĩ thõõth ꞌcĩ aũlanĩ nẽ haauto lõꞌngõõc.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.

ꞌJeemith 1:17

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

ꞌJeemith 1:5

Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.

ꞌJeemith 2:4

nga thĩ ahalit niig eleeti hõrggẽẽnaa cunuung nẽ etteeddu thooꞌthiok muhẽẽttaa ꞌcĩ abathĩ?

ꞌJeemith 3:15

Hĩnĩngĩtĩ hõllõngaa aku iniaani hĩ muruꞌthẽẽt ꞌgẽẽnyĩthaa cĩ Nyekuci. Ĩĩn nẽẽg hẽlẽggĩ cĩg lootu nẽ ĩĩn cĩg habu cĩ loriẽẽt ꞌcĩg abathĩ.

ꞌJeemith 4:8

Iita õbõktõ hĩ Nyekuc, hátĩ hikia nẽẽ buúk õbõktõ hĩ ngagiita. Niig ꞌthẽccanniooha, ũtũũnyĩt authet cunuung ꞌcĩ aattiyyu. Ĩtĩllahit ꞌthĩnneeti cugguung, hĩnĩngĩtĩ eꞌngerri ꞌthinneeti cugguung ngaatĩ athiknu Nyekuc hĩ looc nicci.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 2:1

Nẽẽthĩ hoti ho, ma nga haaburreeku eet ũgĩ nẽ ma haggiiꞌthu eeta, nẽẽthĩ, iꞌthiattaaĩ udukta thõõth ꞌcĩ ĩĩn dĩdĩ. Ma hanyigaranoonnu hode ma hothooꞌthu ꞌgoonogu ꞌbuth.

1 Pẽẽtũrũ 2:18

Niig appahacaaꞌnya ĩthĩhĩt makayyiook cugguung nẽ itingollieeu ĩhõõggõ hõdõõkõthĩ. Ĩdĩmanit hoti, hõllõngaa hĩ eet ꞌcĩg tarbalĩg nẽ ũbũttaathõ thõng diooni, nẽẽthĩ, ĩdĩmatteek eet ꞌcĩg ĩĩn tongororriaak hĩ ngagiit buúk.

1 Yõaannẽ 3:18

Niig lohollia, hõllõngaa occa hammĩnan naag eleeti cĩggaac thõõthaa ꞌcĩ hõthõõth ũtũũga haaga, hĩmmĩnattõ dtiicanẽẽnnĩ hĩ thõõthaa ꞌcĩ ĩĩn dĩdĩ.

1 Yõaannẽ 3:3

Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.