ꞌJeemith 3:16 - ꞌBuuk cĩ Thõõth cĩ Nyekuci

¹⁶ Má iinanõõ eeta nẽ ĩĩtõ muruꞌthiook, adĩman nẽẽg thooꞌthiok ꞌcĩg abathĩ ꞌcĩg mẽẽlĩg.

ꞌJeemith 3:16 ပူးပေါင်းရင်းမြစ်များ

ꞌThianaattõ 11:9

Ĩnõõ ꞌcĩ akannõõthĩkĩ ꞌtaaũn tĩho ꞌthaara ꞌcĩg haĩ Babel ko. Hĩnĩngĩtĩ baa atalmaanyan Makayyioohiti thõõth cĩ eetu nĩngaata nẽ ĩꞌthaanĩk ĩhõõggõ looc nicci vẽlẽk.

ꞌThianaattõ 38:9

Abũrĩ hinnia Õnaanĩ ngaatĩ õlõmĩ ngagõtõnõõnĩ, hĩnĩngĩtĩ agaoothi aĩ, aitiõõ hatĩ loholeec ꞌcĩ arrittiaa hõllõngaa ĩĩn cĩnnĩ. Nẽ ma adiim oogin hĩ ngaa nicci, attumaniini hinnia ĩnõõnnõ haaga hõllõngaa arritaak loholeec ũdũt.

Maarko 3:25

Nẽ má eꞌngerri eeta halangatõõ nẽ urukto nyaagwaana, aitiõõ hatĩ halang niccia hõllõngaa abĩlĩ ĩꞌthõng, ĩĩn hatĩ dtuurnanĩt cĩnnĩ niccia.

Dtiicanĩ cĩg ꞌThooyyiahu 19:29

Ma hĩdĩĩkoothong, ẽggẽrẽnytõõ eeta ꞌtaaũn hũtũrũũr, nĩngĩtĩ agurri eeta ũgẽẽgĩ ꞌGaio hĩ Arithtarko, eet ꞌcĩg baag õõkõra hĩ Paaulo looccaa cĩ Maccedoonia. Ma nĩngaata, ũllũnganĩ lothippiti ũũk ngaatĩ gõõng õmmõtõõnĩ eeta ꞌtaaũna, hatĩ atuhan thooꞌthiok.

ꞌRooma 2:8

Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt.

1 Korinthia 14:33

Adiim Nyekuci hẽlẽggĩ vẽlẽk hidticattĩ lõꞌngõõc ꞌgõõlaa ꞌcĩ abũnnaa. Ma õmmõtõõ lothippiꞌnya cĩg lemmioohu,

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

2 Korinthia 12:20

Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.

ꞌGalaaꞌthia 5:20

Ala nẽẽg hẽlẽggĩ ꞌcĩg aar eeta hĩĩtõ nyekuꞌnya, adtican thooꞌthiok cĩg ngaritu, aaburreek ꞌgõõnõgĩ nẽ ẽppẽhan thooꞌthiok, abũraneek hẽlẽggĩ cĩg eetuk, alĩĩlĩ gẽrrẽẽt, athĩngõõnyanĩ, ẽꞌngẽr eeta nẽ õtõõcõ ẽmmẽn,

ꞌJeemith 3:14

Nẽ má abbĩꞌthĩĩ iniaani ꞌcĩ abathĩ hĩ thĩngõõnyani ꞌthĩnĩtaa cunni, ma hatali hode ma hammuti thõõth ꞌcĩ ĩĩn dĩdĩ.

1 Yõaannẽ 3:12

Ma haattiyyu hĩ Kaiino baa ĩĩn loholeec cĩ ꞌThĩttaanõ nẽ uruk ꞌgõtõnĩ. Aruk occa baa nẽẽ ꞌgõtõnĩ inni? Baa aruk nẽẽ ꞌgõtõnĩ, hĩnĩngĩtĩ baa adĩman nẽẽ thooꞌthiok ꞌcĩg abathĩ nẽ ĩdĩman ꞌgotonnia thooꞌthiok ꞌcĩg aũlanĩ.