ꞌJeemith 3:15 - ꞌBuuk cĩ Thõõth cĩ Nyekuci

¹⁵ Hĩnĩngĩtĩ hõllõngaa aku iniaani hĩ muruꞌthẽẽt ꞌgẽẽnyĩthaa cĩ Nyekuci. Ĩĩn nẽẽg hẽlẽggĩ cĩg lootu nẽ ĩĩn cĩg habu cĩ loriẽẽt ꞌcĩg abathĩ.

ꞌJeemith 3:15 ပူးပေါင်းရင်းမြစ်များ

ꞌLuuka 16:8

“Ma ho, ikia accamana ballioohiti dticciannioohit ꞌcĩ ĩĩn oloꞌngiaahit ko gẽrrẽẽt, ngaatĩ ẽggẽẽꞌnyĩ nẽ ĩdĩman eet ꞌcĩg acuhan ijjio jurrung. Nẽ dĩdĩ, ẽggẽẽnyĩth eeta cĩg looc nicci, ngaatĩ adĩmanĩ ꞌgõõnõgĩ jurrung hĩllõõanit eet cĩg lanyitaak.

Yõaannẽ 3:17

Baa hõllõngaa ĩꞌthõõa Nyekuci Ngeerĩnĩ loota nĩnga, hikia huuk eet cĩg looc nicci thõng, baa ĩꞌthõõa nẽẽ ĩnõõnnõ hikia hẽẽla ĩhõõggõ thõng.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

Dtiicanĩ cĩg ꞌThooyyiahu 13:10

“Ĩĩnĩ nii ngeertĩ habu cĩ loriẽẽt ꞌcĩg abathĩ nẽ iinu mirohit cĩ thõõth vẽlẽk ꞌcĩ aũlanĩ! Nẽ maka nganiit ꞌgooliniti ꞌcĩ õgõllẽẽkĩ eeta. Hõllõngaa ꞌthẽk occa abili ngaatĩ alaamĩ thooꞌthiok ꞌcĩg aũlan dĩdĩ cĩg Makayyiooktak?

ꞌRooma 1:22

Tananga baa aĩ nẽẽg hẽggẽẽꞌnya, iita ĩĩtõ nẽẽg ꞌgiiꞌthiak,

1 Korinthia 1:27

Nẽẽthĩ, baa ẽbẽra Nyekuci thooꞌthiok cĩg ꞌgiithẽttaak cĩg looc nicci, hátĩ haaꞌnyĩk ngaaoni eet ꞌcĩg ẽggẽẽnyĩthĩ nẽ ẽbẽra thooꞌthiok ꞌcĩg hõllõngaa attiran cĩg lootu, hátĩ haaꞌnyĩk eet ꞌcĩg attiran ngaaoni.

1 Korinthia 2:14

Ẽẽtĩ ꞌcĩ hõllõngaa aꞌnyak Lori, hõllõngaa ẽlẽmĩ thooꞌthiok ꞌcĩg au hĩ Lori cĩ Nyekuci, hĩnĩngĩtĩ ĩĩn thooꞌthioha nicciag ꞌgiithẽnĩt hĩ ĩnõõnnõ nẽ hõllõngaa occa athĩhĩ nẽẽ thooꞌthiok tĩko, hĩnĩngĩtĩ athĩhĩ ĩhõõggõ Lorii diooni.

1 Korinthia 3:19

Hĩnĩngĩtĩ ĩĩn ꞌgẽẽnyĩthĩ cĩ looc nicci ꞌgiithẽnĩt muumaa cĩ Nyekuci. Hĩcĩ eheeddi ꞌBuuhaa cĩ Nyekuci aĩ, “Aggam nẽẽ ꞌgeeꞌnyiak ꞌgẽẽnyĩthaa cĩnĩĩng.”

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

2 Tẽꞌthaloonika 2:9

Ma ikia ẽẽtĩ ꞌcĩ abũrĩ thõõth cĩ Nyekuci ho, aku hatĩ adtican dtiic cĩ ꞌThĩttaanõ nẽ ĩdĩman thooꞌthiok ꞌcĩg ĩnaat eeta hĩ terethiinit ꞌcĩ ĩĩn õlõng.

1 Timotteeo 4:1

Aduha Lorii ꞌcĩ Ẽllẽẽmĩth jurrung aĩ, aattĩg hatĩ eeta ũgẽẽgĩ waathinnioohĩĩ ꞌcĩg adtuurna, ꞌcĩg au abũrĩ ngaatĩ ẽlẽmmĩ Nyekuc nẽ iita ĩthĩhĩt nẽ ũnnẽẽcõ ꞌgoolinit hĩ ꞌlimman cĩ thõõth cĩ loriẽẽt ꞌcĩg abathĩ.

ꞌJeemith 1:17

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

ꞌJeemith 1:5

Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

ꞌJuud 1:19

Nẽ ꞌyioko, ĩĩn eeta cieeg eet ꞌcĩg arumuꞌthuung ngagiit urukto nyaagwaana. Ammuk nẽẽg thooꞌthiok cĩg looc nicci dioo nẽ aitiõõ Lorii cĩ Nyekuci hĩ ĩhõõggõ tõõ.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 2:24

Nẽ thĩ nẽẽꞌthẽk niig ũgẽẽgĩ ꞌtaaũnaa cĩ Thiatira ho, hõllõngaa anuyyu thõõth ꞌcĩ abathĩ ꞌcĩ allimaneekuung ngaa nicciee ho. Nẽ hõllõngaa agayyu thõõth ꞌcĩ anneek nuyyiooha cĩgĩnnĩg, ‘ꞌGii dĩdĩ ꞌcĩ ammiꞌthẽẽnĩ ꞌThĩttaanĩ.’ Nẽ hanneekuung, iittiõõ hatĩ hõllõngaa hatattadeekuung pĩĩrnanĩt umwa tarĩ.

Terethiinit 9:11

Baa habu cĩnĩĩng aajĩlõ ꞌcĩ ĩĩn makayyioohit cĩ ꞌlook ꞌcĩ uuthik hiꞌthihi dtuurnanĩt ko. Baa haĩ ꞌthaar cĩgĩnnĩg Ebereeiyyi Abaddon nẽ thõõthaa cĩ eet cĩg ꞌGirihi, haĩ Apollion, nĩngĩtĩ aĩ, eet ꞌcĩ acũda hode aggĩĩra eet.