ꞌJeemith 3:14 - ꞌBuuk cĩ Thõõth cĩ Nyekuci

¹⁴ Nẽ má abbĩꞌthĩĩ iniaani ꞌcĩ abathĩ hĩ thĩngõõnyani ꞌthĩnĩtaa cunni, ma hatali hode ma hammuti thõõth ꞌcĩ ĩĩn dĩdĩ.

ꞌJeemith 3:14 ပူးပေါင်းရင်းမြစ်များ

ꞌThianaattõ 37:11

Nĩngĩtĩ aaburrẽẽkĩ ꞌgotoonoggia cieeg ĩnõõnnõ gẽrrẽẽt, ĩko thĩ nẽẽ ara ammuk maaꞌnyia thõõth icci ꞌthĩnĩtatõõ.

ꞌThianaattõ 38:9

Abũrĩ hinnia Õnaanĩ ngaatĩ õlõmĩ ngagõtõnõõnĩ, hĩnĩngĩtĩ agaoothi aĩ, aitiõõ hatĩ loholeec ꞌcĩ arrittiaa hõllõngaa ĩĩn cĩnnĩ. Nẽ ma adiim oogin hĩ ngaa nicci, attumaniini hinnia ĩnõõnnõ haaga hõllõngaa arritaak loholeec ũdũt.

Maatteeo 27:18

Baa aga nẽẽ gẽrrẽẽt ngaatĩ ababuuthanĩ eeta cĩg ꞌJudeei Yeesu, hĩnĩngĩtĩ baa eheꞌthi nẽẽg thõng.

Yõaannẽ 16:2

Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Dtiicanĩ cĩg ꞌThooyyiahu 13:45

Ma baa adtuuha eeta cĩg ꞌJudeei lothippit ko, iita ĩlĩĩllẽẽcõ gẽrrẽẽt, nẽ odoomito Paaulo, hĩnĩngĩtĩ thooꞌthiok ꞌcĩg aduha nẽẽ ho.

Dtiicanĩ cĩg ꞌThooyyiahu 26:9

“Baa hammuhi naa buúk haini, occa ꞌthẽk harrĩcanaa ngaatĩ habũrrĩ ꞌthaar cĩg Yeesu cĩ Naaꞌtharẽtĩ.

Dtiicanĩ cĩg ꞌThooyyiahu 5:17

Ma baa ho, iita iinanit paadĩrĩ cobbi hĩ Thadutheei dtiic ꞌcĩ adtican ꞌthooyyiaha ho.

Dtiicanĩ cĩg ꞌThooyyiahu 7:9

“Baa alĩĩllĩk hĩbaangĩ cieeg ꞌgõtõnĩ cĩnĩĩng Yothebo, nĩngĩtĩ au ũũtẽnĩ ĩnõõnnõ hũũk hĩĩ appahaca Ijjiba. Tõjõhõ baa aaĩ Nyekuci hĩ ĩnõõnnõ,

ꞌRooma 1:29

Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

ꞌRooma 13:13

Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk.

ꞌRooma 2:17

Nii ꞌcĩ aini hĩĩnĩ ꞌJudeeinit nẽ aarihuu ꞌthĩnĩt cunni nyattaalaa cĩ Nyekuci nẽ tarĩ ĩthĩngõõnyanuu hĩnĩngĩtĩ Nyekuc.

ꞌRooma 2:8

Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt.

1 Korinthia 13:4

Aaꞌnyĩk mĩnnanĩ eet hetemeethito thõõth nẽ aaꞌnyĩk hĩĩtõ tarbalĩg. Hõllõngaa iinan mĩnnanĩ ꞌgiimwa, hode athĩngõõnyanĩ, hode irrianĩ.

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

1 Korinthia 5:2

Irriannu hinnia niig hĩĩ nĩngĩtĩ ꞌcĩ occa aluyyu thõng nẽ itiggiayyu eet ꞌcĩ adtican thõõth ꞌcĩ aaĩ noho ho laiittaa cunuung battaala!

1 Korinthia 5:6

Aitiõõ ꞌrianĩĩthĩ cunuung ko hõllõngaa abũnnaa. Hõllõngaa nooyyia agayyu niig ngaatĩ ĩꞌthanõthõõthĩkĩ abũũlana ꞌcĩg abadtẽc haaga tũkan ꞌcĩ oꞌngoꞌnyi hũtũrũũr?

2 Korinthia 12:20

Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.

ꞌGalaaꞌthia 5:15

Nẽ má õyõyyõõhanoonnu nyaagwaana nẽ adaktu eleeti ẽmmẽn hĩ idiꞌngwaana cĩg moru, aaut jurrung! Acũdaannu hatĩ ho eleeti ĩĩtõ ꞌthĩĩ.

ꞌGalaaꞌthia 5:20

Ala nẽẽg hẽlẽggĩ ꞌcĩg aar eeta hĩĩtõ nyekuꞌnya, adtican thooꞌthiok cĩg ngaritu, aaburreek ꞌgõõnõgĩ nẽ ẽppẽhan thooꞌthiok, abũraneek hẽlẽggĩ cĩg eetuk, alĩĩlĩ gẽrrẽẽt, athĩngõõnyanĩ, ẽꞌngẽr eeta nẽ õtõõcõ ẽmmẽn,

ꞌGalaaꞌthia 5:21

iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.

ꞌGalaaꞌthia 5:26

Nẽẽthĩ ꞌyioko, occa hõllõngaa hathĩngõõnyan, nẽ hongoongoyyiõõ ngaatĩ haĩnnĩ hĩllõõan ꞌgoonogeet.

ꞌGalaaꞌthia 6:13

Aitiõõ eeta ꞌcĩg etteeddi eleeti hõllõngaa anũ nyattal nẽ adiimmuung nẽẽg ngagiit etteeddi, hátĩ hirrianit nẽẽg, hĩnĩngĩtĩ eleeti cugguung.

Pilippi 1:15

Ĩĩn dĩdĩ, aattĩg eeta ũgẽẽgĩ ꞌcĩg alliman thõõth cĩ Krĩstõ ꞌgõõlaa ꞌcĩ iinanneet ngagĩĩt nẽ ẽggẽrẽnytõõ, hĩnĩngĩtĩ ngagĩĩta nẽ tarĩ illimattõõ ũgẽẽgĩ ꞌthinneetinii ꞌcĩg abũnnaa.

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

1 Timotteeo 2:4

Adiim Nyekuci eet vẽlẽk heellia, hátĩ hiita hagaacõ thõõth ꞌcĩ ĩĩn dĩdĩ.

1 Timotteeo 6:4

aduul ẽlẽ cĩnnĩ haaga nẽ ẽrẽk thõõth ꞌcĩ aga buúk. Õmmõõrĩ õõ cĩnnĩ, adiim ẽppẽhanõõnĩ hĩ ꞌgõõnõgĩ thooꞌthiok ꞌcĩg aꞌnyaha bathi, hĩ ngaatĩ alĩĩlĩ hẽlẽggĩ cĩg ꞌgoonoginni,

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

ꞌJeemith 3:16

Má iinanõõ eeta nẽ ĩĩtõ muruꞌthiook, adĩman nẽẽg thooꞌthiok ꞌcĩg abathĩ ꞌcĩg mẽẽlĩg.

ꞌJeemith 5:19

ꞌGotoonoga hĩ ngoonoga, má baa arahan eet umwaa hõrggẽẽnaa cunuung thõõthaa ꞌcĩ ĩĩn dĩdĩ, immiirria ĩnõõnnõ.