ꞌJeemith 3:13 - ꞌBuuk cĩ Thõõth cĩ Nyekuci

¹³ Nganĩ hõrggẽẽnaa cunuung ꞌcĩ ẽggẽẽnyĩth nẽ aga hẽlẽggĩ vẽlẽk? Aꞌnyĩĩk hẽtẽrẽtha ꞌgẽẽnyĩth cĩnnĩ ho rũgẽtaa cĩnnĩ ĩĩcĩ abũnnaa, ngaatĩ hõllõngaa athĩngõõnyanĩ, hĩnĩngĩtĩ ẽggẽẽnyĩth nẽẽnĩ.

ꞌJeemith 3:13 ပူးပေါင်းရင်းမြစ်များ

Maatteeo 11:29

Elemit dtiic ꞌcĩ haaꞌnyuung naana nẽ aanytaangu hillimanuung ngagiita, hĩnĩngĩtĩ tarbal nganĩĩt ꞌthĩnĩt nẽ hatĩ ummuddiaau ꞌyiomman cĩ loriẽẽt cugguung.

Maatteeo 21:5

“Nii tĩnaatĩ ꞌThionĩ, cĩĩn nõõ habu cunni ngaatĩ, ovvooyyianĩ moolĩtaa cĩ thigiiro. Aaꞌnyĩk nẽẽ ẽlẽ cĩnnĩ hĩĩ hĩdĩca.”

Maatteeo 5:5

ꞌGattan hĩ eet ꞌcĩg tarbalĩg, arigith hatĩ nẽẽg looc.

Maatteeo 7:24

“Nẽẽthĩ hoti ho, ẽẽtĩ ꞌcĩ athĩhĩ thooꞌthiok cĩgannĩg ko nẽ idticanõõĩ, aaĩ nẽẽ hĩ ẽẽtĩ ꞌcĩ ẽggẽẽnyĩth ꞌcĩ ẽhẽnyĩt ꞌcieeth lõbaraba hujjieen.

1 Korinthia 6:5

Haduha naa thõõth icci, hátĩ haggamuung ngagiit ngaaoni. Hiꞌthihi occa ꞌthẽk eet umwa hõrggẽẽnaa cunuung ꞌcĩ ẽggẽẽnyĩth, ꞌcĩ occa ẽttẽẽd thooꞌthiok ꞌcĩg ẽggẽrꞌnyõõnĩ lemmiooha hõrggẽẽnaa cunuung ko?

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 8:24

Ĩdĩmanit ĩhõõggõ jurrung, ꞌgõõlaa ꞌcĩ occa acĩnĩ lothippiꞌnya cĩg lemmioohu mĩnnan cunuung, hátĩ hiita hagaacõ nẽẽg, inni hirriattuung naag ngagiit ko.

ꞌGalaaꞌthia 5:23

nẽ hĩĩtõ tarbalĩg, huꞌthuutti eleeti. Nẽ má adticannu niig thooꞌthiok iccig, hõllõngaa ẽꞌthẽcannu niig nyattal.

ꞌGalaaꞌthia 6:1

ꞌGotoonoga hĩ ngoonoga, má ẽꞌthẽcanõõ ẽẽtĩ umwaa hõrggẽẽnaa cunuung, oboddiaaĩ niig ꞌcĩg okomtu Loriiaa cĩ Nyekuci ho eet nicci nẽ irrioottihu haau ꞌgõõlaa ꞌcĩ abũnnaa. Ma hataarroꞌthu ngaatĩ occa ẽꞌthẽcannu niig buúk kõr umwa.

ꞌGalaaꞌthia 6:4

Dticcian dtiic cunni jurrung, nẽẽthĩ hatĩ irrianu. Nẽ ma hĩthakꞌtheehi ẽlẽ cunni hĩ cĩ ꞌgoonogu ũgĩ.

Eevvetho 4:2

Ĩĩtõ tarbalĩg gẽrrẽẽt nẽ aꞌnyaktu ꞌthinneeti ꞌcĩg alalĩ, aꞌnyahit ꞌthinneeti ꞌcĩg makatĩg hĩ ꞌgoonogu nẽ etemeeꞌthu thooꞌthiok vẽlẽk mĩnnaniitta.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Kolooꞌthe 3:12

Nẽẽthĩ hoti ho, ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, atamaattik ꞌgoonogu nẽ iittu tarbalĩg, ma hathĩngõõnyannu, etemeethit thooꞌthiok.

1 Timotteeo 4:12

Ma haaꞌnyihi eet umwa hatamaaci, hĩnĩngĩtĩ aĩ nga ĩĩnĩ hĩdĩca. Aꞌnyĩĩk lemmiook hĩcĩtta hĩ nganiit ꞌgõõl ꞌcĩ anũĩ nẽẽg thõõth cĩ Nyekuci, ꞌrioona cunni, hĩ authetaa ꞌcĩ aayyi jurrung, hĩ ꞌgõõlaa ꞌcĩ ammĩnanĩĩ eet, hĩ ngaatĩ ẽlẽmmĩ thõõth cĩ Nyekuci, hĩ ꞌgõõlaa ꞌcĩ hõllõngaa adĩmani thooꞌthiok ꞌcĩg ĩĩn ꞌriiring.

1 Timotteeo 6:11

Nẽ nii Timotteeo, ĩĩnĩ nii eet cĩ Nyekuci, ma hadĩmani thooꞌthiok ꞌcĩg abathĩ ꞌcĩg aattĩg noho, ꞌtĩmman gẽrrẽẽt ngaatĩ adĩmanĩĩ thõõth cĩ Nyekuci, hátĩ bũna au hĩ nẽẽnĩ, lẽẽm ĩnõõnnõ, mĩnnan ĩnõõnnõ nẽ etemeethu thooꞌthiok ꞌcĩg aꞌnyahaaki nẽẽnĩ nẽ ĩĩ tarballioohit.

2 Timotteeo 2:25

Nẽ tarĩ, abũnnaa ĩĩn eet ꞌcĩ tarbalĩ buúk, hátĩ hẽtẽrẽth eet ꞌcĩg ẽppẽhanõõ hĩ ĩnõõnnõ. Horoong hatĩ ũũhũ Nyekuci eet niccig, hũtũngteek ꞌthẽccanẽẽt cĩggĩĩng nẽ elemit thõõth cĩnnĩ ꞌcĩ ĩĩn dĩdĩ,

Tiito 3:2

duhaak anneek ma hongomĩttu ꞌgoonogu, ĩĩtõ tarbalĩg nẽ ummuktu ĩhõõggõ ĩĩcĩ oou, ma hathĩngõõnyannu hĩ eet vẽlẽk hõdõõkõthĩ.

Ebereei 13:5

Ma haangallu ꞌrabbẽẽtĩ, aaꞌnyĩk ꞌrabbẽẽt ꞌcĩg abadtẽc ꞌcĩg aꞌnyaku hũũppattuunga. Hĩnĩngĩtĩ baa aĩ Nyekuci ꞌBuuhaa cĩnnĩ, “Hõllõngaa hatĩ halahaneekuung nẽ hudhuheehuung tuu.”

ꞌJeemith 1:21

Nẽẽthĩ hoti ho, ũtũngĩt thooꞌthiok vẽlẽk ꞌcĩg ĩĩn ꞌriiring hĩ bathi ꞌcĩ ũdaan looc ko, ma hathĩngõõnyannu, elemit nyeemuut baa allimanoothikuung ngagiit ꞌcĩ hatĩ ẽẽlannuung ngagiita.

ꞌJeemith 2:18

Nẽẽthĩ, occa õthõõth eet umwaa aĩ, “Aꞌnyahi nii lemiinit nẽ haꞌnyahi naa dtiicanĩ ꞌcĩg abũnnaa.” Teretheehaa daho lemiinit cunni ꞌcĩ aitiõõ dtiicanĩ ꞌcĩg abũnnaa tõõ ho, nẽ heteretheehii naa lemiinit caannĩ dtiicanẽẽnnĩĩ ꞌcĩg abũnnaa ĩcĩg hadĩmani naa ho.

ꞌJeemith 3:1

ꞌGotoonoga hĩ ngoonoga, occa hõllõngaa au ĩĩgĩnnu niig vẽlẽk ꞌlimmanniook lothippitaa cĩ lemmioohu, hĩnĩngĩtĩ, naag ꞌcĩg hallimanna eet ko, etteedothoothĩkeet hatĩ thõõth ꞌgõõlaa ꞌcĩ õkõmĩ gẽrrẽẽt.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

1 Pẽẽtũrũ 1:15

Nẽẽthĩ, hĩcĩ ẽllẽẽmĩth ẽẽtĩ baa aũũyyuung ngagiita, elleemit niig buúk thooꞌthiohĩ vẽlẽk ĩcĩg adĩmannu niiga.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

1 Pẽẽtũrũ 3:4

Aꞌnyĩĩk ꞌlẽẽmĩth ꞌcĩ aku ꞌthinneetinii cugguung haaꞌnyuung ngagiit aaut lõꞌngõõc nẽ iittu tarbalĩg. Ĩĩn ciee ꞌlẽẽmĩth ꞌcĩ aalla ĩꞌthõng nẽ accamana Nyekuci gẽrrẽẽt.