ꞌJeemith 2:8 - ꞌBuuk cĩ Thõõth cĩ Nyekuci

⁸ Má aꞌthuunnu niig nyattal ꞌcĩ aaddi ꞌcĩ eheeddi ꞌBuuhaa cĩ Nyekuci ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnannu eleeti cugguung,” occa thĩ adĩmannu thõõth ꞌcĩ aũlanĩ.

ꞌJeemith 2:8 ပူးပေါင်းရင်းမြစ်များ

Yõõna 4:4

Ẽdẽcĩ Makayyioohiti ĩnõõnnõ anneek, “Abũnnaa hĩ nganiit ngaatĩ alĩĩllĩ, hĩnĩngĩtĩ thõõth icci?”

Yõõna 4:9

Ẽdẽcĩ hinnia Nyekuci Yõõna anneek, “Aꞌnyahi nii thõõth umwa ꞌcĩ alĩĩllĩ hẽẽt icci?” Ẽdẽcĩ Yõõna aĩ, “Eei, halĩĩlĩ gẽrrẽẽt hĩcĩ haĩ hadaahi.”

Maatteeo 22:39

Nẽ aduhõõ ꞌcĩ ĩĩn ꞌramma hĩ ꞌcĩ oou thõng aĩ, ‘Mĩnnan eet ꞌcĩ aaronnu haau hĩcĩ ammĩnani ẽlẽ cunni.’

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

Maatteeo 25:23

“Ẽdẽcĩ makayyioohiti tarĩ anneek, ‘Ĩlaallẽ gẽrrẽẽt, ĩĩnĩ nii buúk dticciannioohit ꞌcĩ abũnnaa ꞌcĩ athihi thõõth! Baa adticaniini nii ꞌrabbẽẽt ꞌcĩg abadtẽc haaga hiita hĩĩtõ mẽẽlĩg nẽ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ!’

Maatteeo 7:12

Nẽẽthĩ hẽlẽggẽẽnnĩ vẽlẽk, ĩdĩmatteek ꞌgoonogu thooꞌthiok vẽlẽk ꞌcĩg adiimmu niig hĩdĩmatteehuung nẽẽg ngagiita, hĩnĩngĩtĩ arũma thõõth ciee Nyattal hĩ thõõth cĩ Põrõvẽtaaꞌnyanu vẽlẽk.

ꞌRooma 13:10

Hõllõngaa adĩman mĩnnani eet ꞌcĩ haarõõ ꞌbuth. Nẽẽthĩ hoti ho, adtican mĩnnanĩ thooꞌthiok vẽlẽk ꞌcĩg adiim nyattalĩ.

ꞌGalaaꞌthia 5:14

Arummiaa nyattalĩ vẽlẽk hĩĩ hõdẽẽthõng aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”

ꞌGalaaꞌthia 6:2

Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

Pilippi 4:14

Nẽ baa abũnnayyu niig ngaatĩ ẽẽllaangu nganĩĩt baa haaĩ pĩĩrnatta.

1 Tẽꞌthaloonika 4:9

Nẽ ꞌyioko, occa hõllõngaa hẽhẽẽdakuung naag ngagiit waraga ꞌcĩ hanneekuung ĩmmĩnanit eleeti, hĩnĩngĩtĩ baa illimaneehuung ngagiit Nyekuci thõõth cĩ mĩnnaanõ ẽlẽk.

ꞌJeemith 1:25

Nẽẽthĩ, ẽẽtĩ ꞌcĩ arrĩcanaa ngaatĩ ammũdaanĩ thõõth ꞌcĩ aduha nyattalĩ ꞌcĩ abũnnaa, baa õõga eet haauto lõꞌngõõc nẽ aala ĩdĩman thõõth icci nẽ hõllõngaa ataarrothi thõõth baa athĩhĩ nẽẽnĩ nẽ ĩdĩmana, aggatan hatĩ Nyekuci ĩnõõnnõ, hĩnĩngĩtĩ thõõth ꞌcĩ adĩman nẽẽ ho.

ꞌJeemith 2:12

Othoothit nẽ idticattu thooꞌthiok hĩ eeta ꞌcĩg hatĩ etteedothoothĩk thooꞌthioha nyattaalaa ꞌcĩ õõga eet haauto lõꞌngõõc,

ꞌJeemith 2:19

Elemmu niig ngaatĩ aayyi Nyekuci hõdẽẽthõng. Abũnnaa! Ẽlẽmĩ loriẽẽta ꞌcĩg abathĩ buúk thõõth icci nẽ aaꞌnyĩk ĩhõõggõ habarritit tẽẽlꞌthĩta.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.