ꞌJeemith 2:5 - ꞌBuuk cĩ Thõõth cĩ Nyekuci

⁵ ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

ꞌJeemith 2:5 ပူးပေါင်းရင်းမြစ်များ

Luugithõõ 20:6

Nẽẽthĩ, heterꞌtheehi hatĩ naa mĩnnan caannĩ lõhõlĩ cĩg lõhõlĩ cugguung, ꞌcĩg hatĩ nga arrittiaa irkiꞌnyia aalibꞌnya hĩ aalibꞌnya ꞌcĩg ammĩnannaa nganĩĩt nẽ ĩthĩhĩt tilooinit caannĩ.

Maatteeo 11:5

Ĩcĩttĩ rubenniaaha, õtõõcõ ꞌngoolliaha, ũbũttaathõ eeta ꞌcĩg adak helleggeri, ĩthĩktõ eeta ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg appĩĩrna.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maatteeo 5:3

“ꞌGattan hĩ eet ꞌcĩg appĩĩrna loriia, ĩĩn hatĩ habuccieet cĩ hẽẽtkujjieen cĩnĩĩng.

Maarko 7:14

Ma baa ũtũvva Yeesu lothippit hikia hĩ ĩnõõnnõ tarĩ, ikia ĩĩnnĩk nẽẽ ĩhõõggõ, “Ĩthĩktaangu niig vẽlẽk nganĩĩt nẽ agaac jurrung,

ꞌLuuka 12:21

“Aaĩ ꞌthẽk hatĩ hoti buúk hĩ eet ꞌcĩg itiangꞌtheek eleeti cĩggĩĩng baliinit cĩ looc nicci nẽ hõllõngaa aballi muumaa cĩ Nyekuci.”

ꞌLuuka 12:32

“Niig nuyyiooha cĩgannĩg ꞌcĩg ngatũrĩg haaga ho, ma hiteelinnu, hĩnĩngĩtĩ accamanoothĩk Maaꞌnyu ngaatĩ aaꞌnyuung ngagiit habuccieet cĩnnĩ.

ꞌLuuka 16:22

“Ma baa ho, ikia adaak Laaꞌtharõ nẽ iita ootti aajĩlẽẽta ĩnõõnnõ ngaatĩ aayyi Abũrahamĩ. Ma urutaa cĩnnĩ, ikia adaak ballioohiti tĩho buúk nĩngĩtĩ adaiini.

ꞌLuuka 16:25

“Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.

ꞌLuuka 22:29

Nẽ ꞌyioko, haaꞌnyuung naa ngagiit ĩĩtõ habuẽẽta, hĩ baa aꞌnyaa nganĩĩt Baaba hĩĩ habu,

ꞌLuuka 6:20

Nĩngĩtĩ akannĩ Yeesu nuyyiook cĩgĩnnĩg hẽbẽrĩ nẽ ĩĩnnĩk, “Aggatatteeu niig ꞌcĩg iiginnu hullaha ho, ĩĩn habuccieet cĩ Nyekuci cunuung.

Yõaannẽ 7:48

ꞌYioko occa aau makayyioohiti umwaa hode Variꞌtheeniti ꞌcĩ ẽlẽm ĩnõõnnõ?

Dtiicanĩ cĩg ꞌThooyyiahu 7:2

Ma ho, ẽdẽc Tẽẽvẽnõ ĩĩnnĩk, “ꞌGotoonoga hĩ nyakangaaꞌnya, ĩthĩktaangu! Baa uppwaannak Nyekuci cĩnaac cĩ bulẽẽttõ baangeet cĩnaac Abũrahaamõ, baa nga aaĩ nẽẽ looccaa cĩ Methopotamia baa nga huluug hũũk ꞌtaaũnaa cĩ Haraanĩ.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

1 Korinthia 2:9

Nẽẽthĩ, hĩcĩ eheeddi ꞌBuuhaa cĩ Nyekuci aĩ, “ꞌGii ꞌcĩ baa ũkũmaneek Nyekuci hĩĩ cĩ eet ꞌcĩg ammĩnan ĩnõõnnõ, ĩĩn ꞌgii ꞌcĩ nga hĩcĩn hẽbẽrẽẽcĩ hode nga hĩthĩk ĩtatĩ. Nga haga õõ ũdũt!”

2 Korinthia 4:15

Ĩĩn ciee vẽlẽk ꞌbaaninit cunuung, hátĩ hagaacõ eeta ꞌcĩg mẽẽlĩg gẽrrẽẽt bũnnai cĩ Nyekuci nẽ ĩdĩhĩthĩt ĩnõõnnõ tẽẽlꞌthĩta.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

Eevvetho 1:18

Halayyi naa haini aꞌnyĩĩk lanyit cĩ Nyekuci hũttũhũl ꞌthinneeti cugguung, hátĩ agaac thõõth cĩ muhẽẽnĩt ꞌcĩ abũnnaa, baa aaꞌnyuung Nyekuci kõr baa ẽbẽraannuung nẽẽ ngagiita. Nẽẽthĩ hatĩ ummuddiaau ꞌgattan ꞌcĩ abuli ꞌcĩ hatĩ ĩĩn cunuung hõdẽĩ hĩ eet cĩg Nyekuci vẽlẽk.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

1 Tẽꞌthaloonika 2:12

Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.

2 Tẽꞌthaloonika 1:5

Ĩĩn ciee vẽlẽk thõõth ꞌcĩ ẽtẽrꞌtha aĩ, aũlan thõõth ꞌcĩ ẽttẽẽd Nyekuci nẽ ũkũmaneehuung nẽẽ ngagiit eliitta, ngaatĩ othollu hĩ Nyekuc habuccieet cĩnnĩ, hĩnĩngĩtĩ ꞌcannan ꞌcĩ emmeeꞌthu niig ꞌyioko ho.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

2 Timotteeo 4:18

Ẽẽlannaa ꞌthẽk hatĩ gõõng nganĩĩt Makayyioohiti thooꞌthiohĩĩ vẽlẽk, ĩcĩg abathĩ nẽ hatĩ ũũka nganĩĩt habuccieetaa cĩnnĩ hẽẽtahujjieen lõꞌngõõc. Haau bulẽẽnĩtĩ hĩ ĩnõõnnõ ooo! Aamẽn.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Ebereei 11:26

Baa ammuk Mũũꞌtha aĩ, mẽẽn ngaatĩ appĩĩrnanĩ nẽẽ hĩnĩngĩtĩ Krĩstõ, hĩllõõan ngaatĩ ammũdaanĩ baliinit cĩ Ijjibi, hĩnĩngĩtĩ ẽrẽ nẽẽ dũman cĩnnĩ cobbi ꞌcĩ hatĩ aku horumwa.

ꞌJeemith 1:12

Aggatan Nyekuci eet ꞌcĩg aꞌnyaman ꞌtĩmman, hĩnĩngĩtĩ má ĩllõõanit nẽẽg ꞌtĩmman tĩho, ammũda hatĩ nẽẽg dũman cĩ rũgẽtõ, baa aduhaak Nyekuci eet ꞌcĩg ammĩnan ĩnõõnnõ.

ꞌJeemith 1:16

ꞌGotoonoga hĩ ngoonoga, ma haaꞌnyiku eet umwa higgooluung ngagiita.

ꞌJeemith 1:19

ꞌGotoonoga hĩ ngoonoga, ĩthĩhĩt thõõth icci, aꞌnyĩĩk eet hõdẽĩ hõdẽĩ hĩthĩktõ hĩdĩĩkoothong nẽ ma hothooꞌthu hĩdĩĩkoothong nẽ ma haliilliyyu hataman.

ꞌJeemith 1:9

Lemmiooha ꞌcĩg ĩĩn hullaha, aꞌnyak ꞌgiimwa ꞌcĩ occa irrianĩ, hĩnĩngĩtĩ ẽlẽm Nyekuci ĩhõõggõ.

1 Pẽẽtũrũ 1:4

Aꞌnyak Nyekuci ꞌgiimwa ꞌcĩ iyyiangtheekuung ngagiit hẽẽtahujjieen, ngaatĩ hõllõngaa occa õꞌngõllĩ hode ẽꞌthẽcanniini hode aꞌnginõõꞌthĩ.

2 Pẽẽtũrũ 1:11

Nẽ hatĩ elemuung ngagiit Makayyioohiti Ellioohiti cĩnaac Yeesu Krĩstõ bulẽẽtta nẽ aaꞌnyuung uduhunit habuccieetaa cĩnnĩ ĩĩcĩ aalla ooo.

Terethiinit 2:9

Haga naa pĩĩrnanĩt cunuung hĩ tamaati ꞌcĩ iiginnu hullaha nẽ abalinnu nẽẽꞌthẽk pee. Nẽ haga ngaatĩ odoommuung eeta ꞌcĩg aĩ hĩĩgĩnna ꞌJudeei ho nẽ hõllõngaa ĩĩn nẽẽg ꞌJudeei dĩdĩ. Ĩĩn nẽẽg lothippit cĩ ꞌThĩttaanõ.

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.

Terethiinit 3:18

Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.