ꞌJeemith 2:25 - ꞌBuuk cĩ Thõõth cĩ Nyekuci

²⁵ Nẽẽthĩ hoti ho, hõllõngaa nooyyia baa agayyi ꞌwaaꞌngiahiti baa haĩ Rahab ngaatĩ abũnnayyĩ, hĩnĩngĩtĩ thõõth baa avvaanĩ nẽẽ eet baag ĩĩn ꞌrootti, nẽ utuguny ĩꞌthõng nẽ ĩꞌthooĩk hĩnĩhĩt ꞌgõõlaa ꞌcĩ ꞌrĩĩng?

ꞌJeemith 2:25 ပူးပေါင်းရင်းမြစ်များ

Maatteeo 1:5

nẽ ĩĩ ꞌThalmõnĩ maaꞌnyĩ ꞌBõathĩ, ꞌcĩ baa haĩ aattĩnnĩ Rahab. Baa ĩĩn ꞌBõathĩ maaꞌnyĩ Obeede ꞌcĩ baa haĩ aattĩnnĩ ꞌRuuth, nẽ Obeede baa ĩĩn maaꞌnyĩ ꞌJeeꞌthe.

Maatteeo 21:31

“Ma ammuku niig, occa buulenit iina ꞌcĩ athĩhĩ thõõth ꞌcĩ aduhaak maaꞌnyia ho?” Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Buulenit ꞌcĩ oou.” Nĩngĩtĩ aduhaakĩ Yeesu ĩhõõggõ annẽẽkĩ, “Haduhaakuung naa ngagiit thõõth dĩdĩ, aduhun hatĩ eeta ꞌcĩg alũt occoro hĩ ꞌwaaꞌngiak habuccieet cĩ Nyekuci ĩĩcĩ oou hĩ ngagiita!

Dtiicanĩ cĩg ꞌThooyyiahu 17:7

nẽ ikia aarĩk ꞌJaathonĩ ĩhõõggõ õlõõ cĩnnĩ. Ẽꞌthẽcan nẽẽg vẽlẽk nyattalliook cĩg habu cobbi cĩ ꞌRooma ngaatĩ aĩnnĩ, aaĩ eet umwaa ꞌcĩ ĩĩn habu ꞌcĩ haĩ Yeesu.”

Ebereei 11:31

Baa ĩĩn Rahabĩ ꞌwaaꞌngiahit umwa, nẽẽthĩ, baa aꞌnyak nẽẽ lemiinit nẽ ikia utuguny hoppoccwa baag au Ĩꞌthĩraẽla. Ma ho, iittiõõ hõllõngaa aruhi nẽẽ hĩ eet baag abũrĩ Nyekuci.

ꞌJeemith 2:18

Nẽẽthĩ, occa õthõõth eet umwaa aĩ, “Aꞌnyahi nii lemiinit nẽ haꞌnyahi naa dtiicanĩ ꞌcĩg abũnnaa.” Teretheehaa daho lemiinit cunni ꞌcĩ aitiõõ dtiicanĩ ꞌcĩg abũnnaa tõõ ho, nẽ heteretheehii naa lemiinit caannĩ dtiicanẽẽnnĩĩ ꞌcĩg abũnnaa ĩcĩg hadĩmani naa ho.

ꞌJeemith 2:22

Ĩcĩnĩt nõõ lemiinit cĩnnĩ ngaatĩ adticaniini hõdẽĩ hĩ dtiicanĩ cĩgĩnnĩg ꞌcĩg abũnnaa. Ikia ũttũbanoothĩk lemiiniti cĩnnĩ, hĩnĩngĩtĩ dtiicanĩ ꞌcĩg abũnnaa baag adĩman nẽẽnĩ.

ꞌJeemith 2:24

Nẽẽthĩ hoti ho, hẽtẽrꞌtha naag ngaatĩ habũnnayyĩ hĩ Nyekuc, hĩnĩngĩtĩ dtiicanĩ ꞌcĩg abũnnaa ꞌcĩg hadĩman naaga, hõllõngaa hĩnĩngĩtĩ lemiinit diooni.