ꞌJeemith 2:23 - ꞌBuuk cĩ Thõõth cĩ Nyekuci

²³ Nĩngĩtĩ aku edeeꞌnyianĩ thõõth baa aduha ꞌBuuhi cĩ Nyekuci dĩdĩ ꞌcĩ aĩ, “Baa ẽlẽmĩ Abũrahamĩ thõõth cĩ Nyekuci nẽ hĩnĩngĩtĩ thõõth icci, ikia accamana Nyekuci ĩnõõnnõ ngaatĩ ĩĩnnĩ eet ꞌcĩ abũnnaa.” ꞌGõõl ꞌcĩ baa aku ĩĩnnĩ Abũrahamĩ ꞌgõõnĩ Nyekuci ho niccia.

ꞌJeemith 2:23 ပူးပေါင်းရင်းမြစ်များ

ꞌThianaattõ 15:6

Nĩngĩtĩ ẽlẽmmĩ Abũraamõ thõõth cĩ Makayyiookto nẽ hĩnĩngĩtĩ thõõth icci, ikia accamana Makayyioohiti ĩnõõnnõ ngaatĩ iini eet ꞌcĩ abũnnaa.

Maarko 12:10

Ma ho, ĩĩnnĩk Yeesu ĩhõõggõ, nga nooyyia itigiilit niig thõõth baa eheeddi ꞌBuuhaa cĩ Nyekuci aĩ, “ ‘Bẽẽ baa abũrĩ teheꞌnyiooha, ikia ĩĩ bẽẽ ꞌcĩ ĩllõõan gẽrrẽẽt ꞌgoonoginni vẽlẽk?

Maarko 15:27

Baa odooddĩk nẽẽg igorriaak ꞌramma hõdẽĩ hĩ Yeesu, õdõõddĩ umwaa ĩĩcĩ aꞌthiit cĩnnĩ cobbi nẽ õtõddõĩ umwaa ĩĩcĩ aꞌthiit cĩnnĩ ꞌcĩ hidici.

ꞌLuuka 4:21

nẽ iꞌthianaaĩ uduhaak ĩhõõggõ ĩĩnnĩk, “Thõõth aa athiknu niig hagiili naa ꞌBuuhaa cĩ Nyekuci, ikia ũttũbanoothĩk kõr nicci.”

Dtiicanĩ cĩg ꞌThooyyiahu 1:16

nẽ õthõõth ĩĩ, “ꞌGotoonoga hĩ ngoonoga, ikia thõõth baa eheeddi ꞌBuuhaa cĩ Nyekuci edeeꞌnyia ꞌgõõlẽẽ baa aduha Lorii ꞌcĩ Ẽllẽẽmĩth baarkit ũtũũgaa cĩ Daavide, thõõth baa ẽtẽrꞌthẽẽkĩ ꞌJuuda Ithkarioote eet haggamit Yeesu.

ꞌRooma 11:2

Baa hõllõngaa abũrĩ Nyekuci, eet cĩgĩnnĩg baag ẽbẽra nẽẽ ĩĩcĩ oou. Hõllõngaa nooyyia agayyu niig thõõth baa aduha ꞌBuuhi cĩ Nyekuci aĩ, baa ĩĩlaleek põrõvẽtaacĩ Eliijja Nyekuc hĩnĩngĩtĩ eet cĩg Ĩꞌthĩraẽlĩ baa anneek,

ꞌRooma 9:17

Hĩnĩngĩtĩ baa aduhaak ꞌBuuhi cĩ Nyekuci habu cĩ Ijjibi anneek, “Baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.”

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

ꞌGalaaꞌthia 3:6

Õthõõth ꞌBuuhi cĩ Nyekuci aĩ, “Baa ẽlẽmĩ Abũrahamĩ thõõth cĩ Nyekuci, hĩnĩngĩtĩ thõõth niccia, ikia accamana Nyekuci ĩnõõnnõ ngaatĩ ĩĩnnĩ eet ꞌcĩ abũnnaa.”

2 Timotteeo 3:16

Aku thõõth vẽlẽk ꞌcĩ eheeddi ꞌBuuhaa cĩ Nyekuci, hĩ Nyekuc ꞌcĩ abũnnaa ꞌcĩ eelleet hillimanit eet thõõth ꞌcĩ ĩĩn dĩdĩ nẽ eelleet heterethit eet ꞌgõõl ꞌcĩ abathĩ, hĩ ngaatĩ hallimanẽẽkĩ eet ꞌgõõl ꞌcĩ aattiyyi ꞌlimmaanaa ꞌcĩ abũnnaa.

ꞌJeemith 2:24

Nẽẽthĩ hoti ho, hẽtẽrꞌtha naag ngaatĩ habũnnayyĩ hĩ Nyekuc, hĩnĩngĩtĩ dtiicanĩ ꞌcĩg abũnnaa ꞌcĩg hadĩman naaga, hõllõngaa hĩnĩngĩtĩ lemiinit diooni.

1 Pẽẽtũrũ 2:6

Hĩcĩ eheeddi ꞌBuuhaa cĩ Nyekuci aĩ, “Ĩcĩnĩt nõõ, haarihi naa bẽẽ ꞌThiona, bẽẽ ꞌcĩ tiiri ꞌcĩ eberriaa ꞌcĩ aarĩhoothĩk õkĩca, nẽ ẽẽtĩ ꞌcĩ ẽlẽmĩ ĩnõõnnõ, hõllõngaa hatĩ aggam ngaaoni ũdũt.”