ꞌJeemith 2:21 - ꞌBuuk cĩ Thõõth cĩ Nyekuci

²¹ Hõllõngaa nooyyia agayyi Abũrahamĩ baangẽẽtĩ cĩnaac, ngaatĩ ĩĩnnĩ eet ꞌcĩ abũnnaa, hĩnĩngĩtĩ thõõth baa occa ĩbbõõrĩ nẽẽ ngeerĩnĩ Iꞌthaako hĩĩ ꞌgaarrieenit altaarĩa?

ꞌJeemith 2:21 ပူးပေါင်းရင်းမြစ်များ

Maatteeo 12:37

Nẽẽthĩ kõr tĩho, adukiaak hatĩ ĩhõõggõ, má ammĩrĩ hode ẽꞌthẽcattõõ nẽẽg thooꞌthiohĩĩ ꞌcĩg baag aduha nẽẽgĩ.”

Maatteeo 3:9

Ma hammuku hainnu, ‘Haꞌnyaka nẽẽ naag baangeet cĩnaang Abũrahaamõ.’ Haduhaakuunga! Aga Nyekuci ngaatĩ ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

ꞌLuuka 1:73

hĩ baa abũtaneek nẽẽ nyakangaan cĩnaac Abũrahaamõ anneek,

ꞌLuuka 16:24

Nĩngĩtĩ avvõõꞌthĩ nẽẽ Abũrahaamõ annẽẽkĩ, ‘Baaba Abũrahaamõ! Tamaatĩhaa baaĩ nuun! ꞌThõõahaa Laaꞌtharõ hikia hokoleek aꞌthiit maamĩtõõ nẽ ĩdtĩlaneeka ahaat maam halalĩĩthanĩ, hĩnĩngĩtĩ aaburii ꞌgwaa ngaati padtahac.’

ꞌLuuka 16:30

“Nĩngĩtĩ annẽẽkĩ ballioohiti Abũrahaamõ, ‘Aitiõõ hõllõngaa occa aaĩ nohotaa nyakangaan, hĩĩ ꞌcĩ õkõ aduhaakĩ ẽẽtĩ umwaa ꞌcĩ adaak ẽlẽk ĩhõõggõ, occa ũũnnĩk nẽẽg ꞌgõõl cĩ ꞌthẽccanẽẽt cĩggĩĩng.’

Yõaannẽ 8:39

Ẽdẽcĩ eeta cĩg ꞌJudeei Yeesu anneek, “Ĩĩn Abũrahamĩ nyakangaan cĩnaang!” Ẽdẽcĩ Yeesu ĩhõõggõ anneek, “Má ĩĩtõ lõhõlĩ cĩg Abũrahamĩ, occa ꞌyioko adĩmannu thooꞌthiok baag adĩman Abũrahamĩ.

Yõaannẽ 8:53

Ĩllõõani nii nyakangaan cĩnaang Abũrahaamõ? Baa adaak nẽẽ ẽlẽk nẽ adaahito põrõvẽtaaꞌnya buúk. Ammuhi ꞌyioko ꞌthẽk nii nganĩ nii?”

Dtiicanĩ cĩg ꞌThooyyiahu 7:2

Ma ho, ẽdẽc Tẽẽvẽnõ ĩĩnnĩk, “ꞌGotoonoga hĩ nyakangaaꞌnya, ĩthĩktaangu! Baa uppwaannak Nyekuci cĩnaac cĩ bulẽẽttõ baangeet cĩnaac Abũrahaamõ, baa nga aaĩ nẽẽ looccaa cĩ Methopotamia baa nga huluug hũũk ꞌtaaũnaa cĩ Haraanĩ.

ꞌRooma 3:20

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

ꞌRooma 4:1

Hõthõõth occa ꞌyioko naag Abũrahaamõ baangeet baa baangaani haĩ ũmmũda nẽẽ neegi thõõthaa cĩ ẽlẽmmĩ Nyekuci ĩnõõnnõ ho?

ꞌRooma 4:12

Nẽ tarĩ ĩĩ Abũrahaamõ buúk maaꞌnyĩ eet ꞌcĩg etteeddi eleeti nẽ hõllõngaa ĩĩn maaꞌnyĩ eet ꞌcĩg etteeddi eleeti diooni, nẽẽthĩ, ĩĩn maaꞌnyĩ eet ꞌcĩg anũ ꞌgõõl cĩ lemiinit baa aꞌnyak baangẽẽtĩ cĩnaac Abũrahamĩ baa nga hẽttẽẽdĩ ẽlẽ.

ꞌRooma 4:16

Nẽẽthĩ hoti ho, aku thõõth ꞌcĩ aduha Nyekuci, hĩnĩngĩtĩ lemiinit nẽ thõõth ꞌcĩ aduha nẽẽ ho, agayyi, hĩnĩngĩtĩ tarbalꞌthẽẽt cĩnnĩ cobbi. Hõllõngaa ĩĩn thõõth ꞌcĩ aduha Nyekuci ho, cĩ lõhõlĩ cĩg Abũrahamĩ dioo ꞌcĩg aꞌnyak nyattal. Ĩĩn cĩ lõhõlĩ cĩg lõhõlĩ cĩg Abũrahamĩ vẽlẽk, hĩnĩngĩtĩ aꞌnyak nẽẽg lemiinit hĩ baa nẽẽnĩ. Ĩĩn Abũrahamĩ baangeet cĩnaac vẽlẽk.

Ebereei 11:17

Baa lemiinit ꞌcĩ aaꞌnyĩk Abũrahaamõ hittiha Iꞌthaako hĩĩ ꞌgaarrieenit, baa attĩman Nyekuci ĩnõõnnõ. Abũrahaamõ baa ũmmũda thõõth baa aduha Nyekuci ho, ikia ẽlẽm ngaatĩ ĩbbõõrĩkĩ ngeerĩnĩ ꞌcĩ odoyyii Iꞌthaako Nyekuc hĩĩ ꞌgaarrieenit,

ꞌJeemith 2:18

Nẽẽthĩ, occa õthõõth eet umwaa aĩ, “Aꞌnyahi nii lemiinit nẽ haꞌnyahi naa dtiicanĩ ꞌcĩg abũnnaa.” Teretheehaa daho lemiinit cunni ꞌcĩ aitiõõ dtiicanĩ ꞌcĩg abũnnaa tõõ ho, nẽ heteretheehii naa lemiinit caannĩ dtiicanẽẽnnĩĩ ꞌcĩg abũnnaa ĩcĩg hadĩmani naa ho.

ꞌJeemith 2:24

Nẽẽthĩ hoti ho, hẽtẽrꞌtha naag ngaatĩ habũnnayyĩ hĩ Nyekuc, hĩnĩngĩtĩ dtiicanĩ ꞌcĩg abũnnaa ꞌcĩg hadĩman naaga, hõllõngaa hĩnĩngĩtĩ lemiinit diooni.