ꞌJeemith 2:19 - ꞌBuuk cĩ Thõõth cĩ Nyekuci

¹⁹ Elemmu niig ngaatĩ aayyi Nyekuci hõdẽẽthõng. Abũnnaa! Ẽlẽmĩ loriẽẽta ꞌcĩg abathĩ buúk thõõth icci nẽ aaꞌnyĩk ĩhõõggõ habarritit tẽẽlꞌthĩta.

ꞌJeemith 2:19 ပူးပေါင်းရင်းမြစ်များ

Yõõna 4:4

Ẽdẽcĩ Makayyioohiti ĩnõõnnõ anneek, “Abũnnaa hĩ nganiit ngaatĩ alĩĩllĩ, hĩnĩngĩtĩ thõõth icci?”

Yõõna 4:9

Ẽdẽcĩ hinnia Nyekuci Yõõna anneek, “Aꞌnyahi nii thõõth umwa ꞌcĩ alĩĩllĩ hẽẽt icci?” Ẽdẽcĩ Yõõna aĩ, “Eei, halĩĩlĩ gẽrrẽẽt hĩcĩ haĩ hadaahi.”

Maatteeo 8:29

Ma ho, eggerenyit ĩĩtõ, “Adiimi nii hĩ ngagĩĩt neegi Ngeertĩ Nyekuci? Ikia nii uukeet ngagĩĩt nga hũttũbanoothĩk kõrra baa eberriaa ꞌcĩ hatĩ ukẽẽttõ?”

Maarko 1:24

“Adiimi nii hĩ ngagĩĩt neegi Yeesu cĩ Naaꞌtharẽtĩ? Akuu nii, hátĩ ijjia ꞌruheet ngagĩĩta? Hagayyi naag nganiit ĩĩnĩ Eet ꞌcĩ Ẽllẽẽmĩth cĩ Nyekuci!”

Maarko 12:29

Baa ẽdẽcĩ Yeesu ĩnõõnnõ anneek, “Tilooinit ꞌcĩ tiiri ꞌgoonoginni vẽlẽk cieeni, ‘Ĩthĩktõ niig eeta cĩg Ĩꞌthĩraẽlĩ! Ĩĩn Makayyioohiti cĩnaac Nyekuc hõdẽẽthõng diooni.

Maarko 5:7

nẽ okoleek ulwa ĩĩ, “Yeesu Ngeertĩ Nyekuc ꞌcĩ aaĩ hẽẽtahujjieen, atabi nii hĩ nganĩĩt neegi? Halayyi ꞌthĩnĩta ꞌthaarĩĩ cĩg Nyekuc ꞌcĩ ĩllõõan vẽlẽk, ma huukaanĩ!”

Maarko 7:9

Nẽ tarĩ, uduhaak Yeesu ĩhõõggõ ĩĩnnĩk, “Aꞌnyaku niig ꞌgẽẽnyĩth ꞌcĩ aaꞌnyuung ngagiit ũtũbũrĩt tilooinit cĩ Nyekuci nẽ uꞌthuuttu nyepiteeꞌnya cugguung.

ꞌLuuka 4:34

“ꞌWui! Yeesu cĩ Naaꞌtharẽtĩ, ne ꞌcĩ adiimi nii hĩ ngagĩĩt ko? Akuu arukeet nii ngagĩĩt thõng? Hagayyii naa nganiita, ĩĩnĩ nii Eet ꞌcĩ Elleemi cĩ Nyekuci!”

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

Dtiicanĩ cĩg ꞌThooyyiahu 16:17

Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.”

Dtiicanĩ cĩg ꞌThooyyiahu 19:15

Ma kõr umwa, ĩĩnnĩk lorii umwaa ꞌcĩ abathĩ lõhõlĩ cĩg Cẽẽva ho, “Haga naa Yeesu nẽ hagawa Paaulo buúk. Ma niig hĩ nganĩ niig?”

Dtiicanĩ cĩg ꞌThooyyiahu 24:25

Ma baa õthõõth Paaulo thõõth cĩ Nyekuci ꞌcĩ aũlan hĩ ꞌgõõl ꞌcĩ haꞌthũũnnĩ ẽlẽ hĩ thõõth ꞌcĩ etteedini thooꞌthioha, ikia itiẽẽlĩ Pelicce gẽrrẽẽt nẽ ĩĩ, “Ẽlẽ, ĩnẽẽnĩ, ũũppanit nicciaag cĩg kõr icci! Bĩĩt da nõõnĩ. Ma hatĩ hammũda ꞌthaa kõr umwa, hauyyi hatĩnĩ.”

ꞌRooma 3:30

Hĩnĩngĩtĩ aaĩ Nyekuci hõdẽẽthõng diooni, ꞌcĩ hatĩ ẽlẽmĩ eet ꞌcĩg etteeddi eleeti cĩg eet ꞌcĩg maacĩg hĩ ꞌcĩg hõllõngaa etteeddi eleeti, lemiittaa nĩĩcĩ dioo noho.

1 Korinthia 8:4

Nẽẽthĩ hoti ho, thõõth cĩ hadahĩ ꞌgarriẽẽn ꞌcĩg aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya, haga naag haĩ ꞌgii ꞌcĩ aar eeta hĩĩ Nyekuc ho, ĩĩn ꞌgiimwa haaga looccaa nĩĩcĩ nẽ aaĩ Nyekuci hõdẽẽthõng diooni.

1 Korinthia 8:6

Haꞌnyak naag Nyekuc hõdẽẽthõng diooni nẽ ĩĩn Baangeet. Baa ẽhẽnyta nẽẽ hẽlẽggĩ vẽlẽk nẽ harũgĩ naag, hĩnĩngĩtĩ ĩnõõnnõ. Yeesu Krĩstõ diooni ꞌcĩ ĩĩn Makayyioohit cĩnaac. Baa ẽhẽnytaa hẽlẽggĩ vẽlẽk ꞌthaarĩĩ cĩgĩnnĩg nẽ aaꞌnyeet Yeesu ngagĩĩt rũgẽt.

ꞌGalaaꞌthia 3:20

Nẽẽthĩ, hõllõngaa õthõõthĩ jayyiõõĩ eet hõdẽẽthõng diooni, ĩĩn nẽẽ eet ꞌcĩ õthõõthĩ eet ꞌramma. Nẽẽthĩ, aitiõõ Nyekuci hõllõngaa adiim jayyio.

1 Timotteeo 2:5

Hĩnĩngĩtĩ aaĩ Nyekuci hõdẽẽthõng diooni nẽ Yeesu Krĩstõ dioo ꞌcĩ ĩĩn jayyio ꞌcĩ aꞌnyaha eet hĩ Nyekuc.

ꞌJeemith 2:8

Má aꞌthuunnu niig nyattal ꞌcĩ aaddi ꞌcĩ eheeddi ꞌBuuhaa cĩ Nyekuci ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnannu eleeti cugguung,” occa thĩ adĩmannu thõõth ꞌcĩ aũlanĩ.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.

ꞌJuud 1:6

Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico. Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.