ꞌJeemith 2:18 - ꞌBuuk cĩ Thõõth cĩ Nyekuci

¹⁸ Nẽẽthĩ, occa õthõõth eet umwaa aĩ, “Aꞌnyahi nii lemiinit nẽ haꞌnyahi naa dtiicanĩ ꞌcĩg abũnnaa.” Teretheehaa daho lemiinit cunni ꞌcĩ aitiõõ dtiicanĩ ꞌcĩg abũnnaa tõõ ho, nẽ heteretheehii naa lemiinit caannĩ dtiicanẽẽnnĩĩ ꞌcĩg abũnnaa ĩcĩg hadĩmani naa ho.

ꞌJeemith 2:18 ပူးပေါင်းရင်းမြစ်များ

ꞌRooma 14:23

Nẽẽthĩ, ẽẽtĩ ꞌcĩ akidanĩ, etteedothoothĩk thõõth hatĩ adak ꞌgẽẽn tĩho, hĩnĩngĩtĩ duhẽẽnĩtĩ cĩnnĩ ho, hõllõngaa aku lemiitta nẽ hẽlẽggĩ vẽlẽk ꞌcĩg hõllõngaa au lemiitta, ĩĩn ꞌthẽccan.

ꞌRooma 3:28

Hĩnĩngĩtĩ haga naag ẽlẽmĩ Nyekuci eet, hĩnĩngĩtĩ lemiinit nẽ hõllõngaa ẽlẽmĩ, hĩnĩngĩtĩ anũ nyattal.

ꞌRooma 4:6

Aduha habuui Daavide buúk thõõth icci diooni, ngaatĩ õthõõthĩ taliinit cĩ eet ꞌcĩ acĩn Nyekuci abũnnaa, tananga nga hidtican dtiic umwa.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 9:19

Anneeka hatĩ eet umwaa hõrggẽẽnaa cunuung nẽẽ, “Nga etteedĩkeet Nyekuci ngagĩĩt thõõth noho inni? Hĩnĩngĩtĩ nganĩ ꞌcĩ abũrĩ tabiinit cĩnnĩ ho?”

1 Korinthia 13:2

Má haꞌnyahi naa ꞌbaaninit ꞌcĩ haduhaanĩ thooꞌthiok cĩg horumwa hĩ gaiinit cĩ thooꞌthiok vẽlẽk ꞌcĩg hõllõngaa agayyi nẽ má haꞌnyahi lemiinit ꞌcĩ occa aaꞌnyĩk muurriok hõtõmõõcõ nẽ aitioonna mĩnnanĩ tõõ, hĩĩnĩ ꞌgiimwa haaga.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

Tiito 2:7

Nẽ nii buúk, ꞌrĩccana ngaatĩ ẽtẽrꞌthẽẽkĩ eet ꞌgõõl ꞌcĩ adĩmanĩĩ thõõth ꞌcĩ abũnnaa. ꞌLimman eet ꞌthĩnĩta dĩdĩ hĩ ꞌgõõlaa ꞌcĩ õkõmmĩ eeta.

Ebereei 11:31

Baa ĩĩn Rahabĩ ꞌwaaꞌngiahit umwa, nẽẽthĩ, baa aꞌnyak nẽẽ lemiinit nẽ ikia utuguny hoppoccwa baag au Ĩꞌthĩraẽla. Ma ho, iittiõõ hõllõngaa aruhi nẽẽ hĩ eet baag abũrĩ Nyekuci.

Ebereei 11:33

Ẽẽl lemiiniti cĩnĩĩng ĩhõõggõ haggamit habuccieeꞌnya nẽ hĩnĩngĩtĩ adĩman thõõth ꞌcĩ aũlanĩ, umuddia thõõth baa aduha Nyekuci nẽ ecebit utugeeti cĩg ꞌmaaĩtu,

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

ꞌJeemith 2:14

ꞌGotoonoga hĩ ngoonoga, ne ꞌcĩ occa abũnnaa, hatĩ aĩ ẽẽtĩ haꞌnyahi lemiinit nẽ hiꞌthihi dtiicanĩ ꞌcĩg abũnnaa ꞌcĩg adtican nẽẽnĩ? Occa ꞌyioko ꞌthẽk ẽẽla ĩnõõnnõ lemiiniti cĩnnĩ ho?

ꞌJeemith 3:13

Nganĩ hõrggẽẽnaa cunuung ꞌcĩ ẽggẽẽnyĩth nẽ aga hẽlẽggĩ vẽlẽk? Aꞌnyĩĩk hẽtẽrẽtha ꞌgẽẽnyĩth cĩnnĩ ho rũgẽtaa cĩnnĩ ĩĩcĩ abũnnaa, ngaatĩ hõllõngaa athĩngõõnyanĩ, hĩnĩngĩtĩ ẽggẽẽnyĩth nẽẽnĩ.