ꞌJeemith 1:9 - ꞌBuuk cĩ Thõõth cĩ Nyekuci

⁹ Lemmiooha ꞌcĩg ĩĩn hullaha, aꞌnyak ꞌgiimwa ꞌcĩ occa irrianĩ, hĩnĩngĩtĩ ẽlẽm Nyekuci ĩhõõggõ.

ꞌJeemith 1:9 ပူးပေါင်းရင်းမြစ်များ

ꞌLuuka 1:52

Itiggia nẽẽ habuẽẽt ꞌcĩg aĩ hĩĩgĩnna tõrõmĩ, dtaabĩtĩĩ cĩggĩĩng nẽ irigithieek eet ꞌcĩg tarbalĩg.

ꞌLuuka 10:20

Ma thĩ hinnia hatallu, hĩnĩngĩtĩ ĩthĩktuung loriẽẽta ꞌcĩg abathĩ. Atalit hĩnĩngĩtĩ eteheeddi ꞌthaara cugguung hẽẽtahujjieen.”

ꞌLuuka 14:11

Ẽẽtĩ ꞌcĩ õdõng ẽlẽ cĩnnĩ ꞌgoonoginni vẽlẽk, arritanniaak hatĩ looc. Nẽ ẽẽtĩ ꞌcĩ arritan ẽlẽ cĩnnĩ, odoꞌngi hatĩnĩ.”

ꞌLuuka 9:48

Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

Pilippi 3:14

Havviri naa, hátĩ hẽdẽcaak iret nẽ hátĩ hũmmũda dũman ꞌcĩ avvaanna Nyekuci hũũk hẽẽtahujjieen, hĩnĩngĩtĩ ꞌgii ꞌcĩ adĩman Yeesu Krĩstõ.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

Terethiinit 2:9

Haga naa pĩĩrnanĩt cunuung hĩ tamaati ꞌcĩ iiginnu hullaha nẽ abalinnu nẽẽꞌthẽk pee. Nẽ haga ngaatĩ odoommuung eeta ꞌcĩg aĩ hĩĩgĩnna ꞌJudeei ho nẽ hõllõngaa ĩĩn nẽẽg ꞌJudeei dĩdĩ. Ĩĩn nẽẽg lothippit cĩ ꞌThĩttaanõ.