Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌJeemith 1:6 - ꞌBuuk cĩ Thõõth cĩ Nyekuci

6 Nẽẽthĩ, má alayyu niig Nyekuc ꞌgiimwa, adiim elemmu aĩ, aaꞌnyuung hatĩ nẽẽ ꞌgii tĩho dĩdĩ. Ma hĩccaaddu thõõth umwa, hĩnĩngĩtĩ ẽẽtĩ ꞌcĩ ĩccaad thõõth, aaĩ nẽẽ hĩ maama cĩg bũlũcaak ꞌcĩg uuhan ngõõtĩ.

အခန်းကိုကြည့်ပါ။ ကော်ပီ




ꞌJeemith 1:6
14 ပူးပေါင်းရင်းမြစ်များ  

Loholeec caannĩ ꞌcĩ õpõppaan hĩ tawanĩ. Nẽẽthĩ, baa aduhuni ꞌcieeth caannĩ nẽ õõt atagguuꞌthu hĩ ngaa caannĩ, haduhaakiina, iittiõõ hatĩ gõõng ꞌtirriani hĩ ꞌrianĩĩth tõõ.


Ẽdẽcĩ Pẽẽtũrũ ĩnõõnnõ anneek, “Makayyioohit, má ĩĩnĩ nganiit dĩdĩ, tũvvaa hotooyyia maamĩ lokora hikia hĩ nganiita.”


Tĩnga hataman ꞌlũũcĩ loota. Ma haburi ngaatĩ ookorru hĩ ĩhõõggõ, hĩnĩngĩtĩ nganĩĩt ꞌcĩ hĩꞌthõõa ĩhõõggõ ho.”


Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.


Hadiimi naa eet ꞌcĩg maacĩg loonyini vẽlẽk, halayyio hodongit athĩn cĩggĩĩng ꞌcĩg ẽllẽẽmĩth ꞌjieena, hiittiõõ liilii hode pẽkanĩ tõõ.


Hĩrrĩcatta naag ngaatĩ haꞌnyahĩ muhẽẽnĩt cĩnaac nẽ hõkõmtĩ thõõth baa aduhaakeet Nyekuci ngagĩĩta, hĩnĩngĩtĩ adĩman hatĩ nẽẽ thõõth baa aduha nẽẽnĩ.


Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.


Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.


Nẽẽthĩ, ẽẽtĩ ꞌcĩ ĩccaad thõõth, occa hõllõngaa ammuk aĩ, hammũda hatĩ ꞌgiimwa hĩ Nyekuc;


Aaꞌnyĩk hatĩ laiiniti cĩ lemiinit cunuung eet ꞌcĩ õmmõõrĩ ho hũbũna. Aaꞌnyĩk hatĩ Makayyioohiti ĩnõõnnõ hĩtĩnga haau ꞌjieena. Ma baa ĩĩn eet ꞌcĩ ẽꞌthẽcanõõ, ũũnnĩk hatĩ Makayyioohiti ꞌthẽccanẽẽt cĩgĩnnĩg.


Aattĩg eeta cieeg hĩ hẽbẽrĩ cĩg hidiowwaak ꞌcĩg odohohit vẽr nẽ tarĩ, aauto hĩ diiꞌthioha ꞌcĩg uuhan ngõõtĩ. Baa ũkũmanẽẽhĩ Nyekuci ĩhõõggõ nĩngĩtĩ ĩĩn muguur ꞌcĩ hollitup.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ